|
ازعجتني بالشغاله شوفو لي حل
السلام عليكم
لدي مشكله بسيطه ولكن الحريم الله يهديهم مكبرينها المشكله ان زوجتي ازعجتني تبي شغاله في البيت وانا ضد هذه الفكره في الوقت الحالي وصرت كل ما تفتح لك الموضوع اعصب واعمل مشكله عشان تريح مخي ولا عاد تفتح الموضوع تناقشت معها بهدوء خمسين مره ولا فيه فايده كل ما اشتغلت بالبيت تعصب وتشين اخلاقها وبعدها نكون مهيئين لهوشه والسبب الشغاله علماُ ان لدي طفله واحده فقط عمرها 7 شهور وانا ليس بالرجل الذي يطلب الأهتمام الزائد فقط تسوي اكلي وتغسل ثيابي حقيقه انا لا ارغب في وجود شغاله في منزلي كون زوجتي غير موظفه وليس لديها اي شي سوا البيت وابنتها وانا متأكد اني لو جبت شغاله راح هي اللي تطبخ وهي تنفخ وتسوي كل شي والعزبه نايمه ارجو ان تشوفون لي حل غير اني اجيب شغاله لأنه مستحيل في الوقت الحالي مع التحيه |
السلام عليكم
اذا كان ممكن في مجتمعكم اخي ان تتواجد شغاله ليست مقيمة فهذا افضل و تاتي كل كم يوم فقط في الاسبوع لتساعد الزوجة في تنظيف البيت او حتى يوميا من الصباح الى وقت الظهيره فممكن ايضا خاصة ان البيت اذا كان كبير فشغله سيكون صعب و مرهق و يحتاج كل كم يوم لتنظيف جاد و ليس فقط طبخ و غسل ملابس , ايضا سيكون صعب على الزوجة التنظيف وحدها خاصة اذا تعودت و هى في بيت اهلها على وجود خادمة .. لذلك امسك العصا من المنتصف و اسمح بقدوم الخادمة 3 مرات اسبوعياً و تقول لزوجتك بصراحة انك ترفض من ان تقرب الخادمة للطعام ( فهذة مسؤوليتها خاصة و انك لا تحب هذا الشىء ) و كذلك مسؤولية و رعاية الطفلة على الام و ليست الخادمة اما اذا لم تتوفر مجيء خادمة يوميا او كم يوم في الاسبوع فيكفي ان تقرا زوجتك مصائب الخادمات لتحذر و تخاف و تخرج هى الفكرة من راسها و برضاها ! ( اسئلوا مجرب !!) تحياتي .. |
نقل للمتزوجين
|
انا بعد من رايي اتييب لها وحدة تساعدها ساعتين بالكثير ..يعني مب مقيمه وياكم
|
اخوي انا اقترح عليك
انك تشوف لك يومين او ثلاث ايام فالاسبوع تتفق مع اي مكتب خدم انهم يطرشون لك خدامه بعقد بس ل ساعات محدوده يعني زوجتك تجمع الغسيل والكوي لما تيي لخدامه تقوم بكل شي ...... واقنعها انك ماتحب الزوجه اللي تعتمد عالخدم ويحب ان زوجته اللي تخدمه وتدلعه وتقوم بواجباته والله يعينك على اقناعها ويوفقك .................. |
طيب يمكن هي تتعب مع شغل البيت و البنت الصغيره
إذا تقدر تساعدها شوي مثلا تغسيل ملابسك يكون عند محل تغسيل الملابس يعني أشياء خفيفه مثل كذا الله يصلحها يـــارب |
انا لي تقريبا سبع سنين عايشه بدون شغاله
ومعي ثلاث اطفال بس والله اني احس ان نفسيتي تعبت بسبب كثرة ضغوط الحياة ورجلي تكسرت الله يكون في عوننا ياهالحريم ويكتب لنا الاجر |
حاول تقنعها بالعقل اولا
واذا اصرت اعتقد ان رأى الاخوه الاعضاء قد بكون هو الانسب اقتباس:
واعتقد ان هذا افضل الحلول |
قلها انا احب اشوفك بلبس حلو واحب ادلعك بين لحظه وآخرى والشغاله رح تحرمني وتحرمك من اخذ راحتنا مع بعض رح نقتصر على غرفة النوم واحنا تونا في عز الشباب وماعندنا الا كتكوته وحده اذا جاء الثاني والثالث ابشري واذ مره تتعب جبلها من الي بالساعه والله يوفقكم
|
اخوي شغل البيت مو سهل.. انا متأكده لو اقولك جرب يوم بس شغل زوجتك اكيد بترفض.. البيت محتاج نظيف و ترتيب و مسح الغبار كل يوم.. انت تبي الاكل في وقته فطور و غدا و عشاء و لازم يطلع طعمه حلو.. البنت تبي تغسلها و تغير لها و تأكلها و تلعبها بعد.. ملابسك و ملابسها و ملابس البنت تحتاج غسيل و كوي.. و تبي تجي تلاقي زوجتك مرتبه و نظيفه و رايقه و تضحك في وجهك و تسولف معاك.. الشغالات شر لا بد منه.. ياليت تفكر بمنطقيه اكثر.. و مو بس زوجتك بترتاح.. انت بعد بترتاح.. |
| الساعة الآن 08:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©