|
الحمد لله ظهرت نتائج الفحص , واريد افكار للملكة من الاخوات راعيات الذوق
السلام عليكم ورحمة الله وبركاته اولا احب ان اخبركم بأني عملت الفحص الطبي (فحص ماقبل الزواج وكنت في البداية متخوف, لأنهم يقولون ان الاقارب ما يتوافقون ووووووو من الارجاف المخيف حمد لله خطيبتي (بنت عمي وبنت خالتي في نفس الوقت) التحاليل بفضل الله سليمة , واستلمت شهادة التوافق والان ناوي املّك في العيد القادم , واتزوج في العيد بعد سنتين (هل هو مناسب) ربما تقولون ليش تستعجل على الملكة اقول لكم انا عندي فراغ عاطفي كبير جداً واريد ان اعيش السنتين القادمة مرتاح البال ثانيا , اريد ان اتزوج وعمري 25 ولن افصح عن السبب ------------ الامر المهم اني راح اتملّك في العيد ولا اعرف وش اللي يلزمني ! يعني ودي تقترحون علي الهدايا الي ممكن اعطيها كيف اعمل الملكة ابغى افكار حلوة واهم شيء تراعوني في الدراهم (ترا اخوكم متعلق بالاسهم....... يعني ابغى هدايا بحدود الالف وخمسمائة الى الالفين ....... ما نبغى نطوّل عليكم |
أنا والله حبيت ابارك
الف مبروك :14: :14: وبالنسبة للافكار ابشر إن شاء الله الاخوات ما يقصرو ا والحمد لله والشكر انه نتائجكم سليمة تتهنو ببعضكم والله يسعدكم أم وليد |
شكرا ام وليد وجزاك الله خير وعقبال وليد واخوانه ان شاء الله
وترانا نستفيد من آرائكم انتم يا المخضرمين في الحياة الزوجية يعني عطينا ولو شيء بسيط لا تصيرين بخيله :d شكرا على مرورك |
اقتباس:
تكرم أخي |
ألف الف ألف مبروك أخي زياد
الله يوفقك وييسر امورك لكل مدينة أو قبيلة عاداتهم في الملكة انت نورنا بعاداتكم يعني انتو ا تصلحون حفلة كبيرة ولا عائلية العريس والعروسة يجلسون مع بعض ماهي الهدايا اللي عادة تقدم وكيف؟ وغيرها انا في الخدمة انتظر ردك دمت بحفظ الرحمن |
حبيت أمر وابارك لك أخي زياد طبعاً ما عندي خبرة.... :15: & :21: = :d لكن لما بفيدونك الأخوات الكريمات بالأفكار ممكن تعطينا برنت يفيدنا ....:22: :23: الله يتمم لك على خير ويجمع بينكما على خير دمتم في حفظ الرحمن |
اقتباس:
|
أخي زياد
انت قلت من 1500 الى الفين ريال راح أكتب لك الاسعار اذهب لمحل عطور ولا تترك لهم مجال في الفلسفة بيقعدون يطلعون مئة عطر راح اقترح عليك عدة اسماء عطور رااااااااائعة وكشخة وريحتها جنان Delices de cartier Miracle من لانكوم Irresistible من جيفنشي طبعا أنت اشترها على شكل طقم مو منفردة بعدها اختار ساعة حلوة وكشخة والأفضل جلد لأن مظهره أروع طبعا اذا أخذت من كارديال او سيتيزن ماراح تتجاوز 500 ريال وربما اقل لان الماركتين هاذي جيدة وسعرها مو عالي كثير بعدها اشتر خاتم ذهب حلو وناعم طبعا بعدها اختار ورد مجفف لونه زهري او احمر وريحته حلوة لقيت من دون ريحة انت عطره بعطر حلو بعدها رح للمكتبة وانتقي لها كتابين او اشرطة حلوة وعاد ما بوصيك انت ابو الثقافة تعرف اش تختار اكسسورات للهدية تلقى في سيتي بلازا شغلات دلع مثل ميدالية وبطاقات بلاستيك تتعلق بالمغناطيس مكتوب عليها عبارات انجليزية حلوة في حدود 20 او 15 ريال كمان عندهم شموع رااااائعة وريحتها تبقى على مر الايام ممكن تشتري وحدة منها في حدود العشرة او العشرين ريال بعدها في محلات تغليف الهدايا او الاسواق اللي تبيع بريالين و طقتها تلقى عندهم صناديق خشب اختار واحد منها مالقيت الصندوق خذ علبة هدايا (كرتونيه والافضل تكون كبيرة تكفي الأغراض) سعرها ما يتجاوز 30 ريال ضع كمية من الورد اولا رتب الاغراض جوى العلبة (يفضل ان كل شئ مغلف ) ضع الكمية الاخيرة من الورد أفكار اضافية ممكن تتصور صورة حلوة وتوديها لمحل دروع يكتبون عليها كلمات تهنئة وما راح تتعب لان عندهم نماذج حلوة ويصلحونها على شكل درع ما يتجاوز 200 ريال اذا كان صغير (15 في 15) ما عجبتك اكتب كلام حلو في بطاقة حلوة وضعها فوق الورد اذا ما تبغى أحد يشوف العلبة او ماتقدر تشيلها في يدك من الخجل الزايد :24: اشتر كيس كبير من محل هدايا ممكن تجيب لها باقة ورد كلها بلون واحد مع الهدية السابقة أتمنى اني افدتك واي خدمات او استفسارات نحن جاهزون اسأل الله ان يوفقك وييسر امورك دمت بحفظ الرحمن |
الله يوفقك
|
مبرووووك مقدما
|
| الساعة الآن 08:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©