|
من اختار ؟؟؟
تقدم لخطبتي شاب عمرة وشكلة مناسب جدا لي بس على قد حاله يعني راتبة 5 الاف..
وانا احس في هالوقت ماتكفي تفتح بيت واجار بيت ومسؤلية اطفال بعدين.. وسألو عنه الاهل الكل يمدحة ويقول ونعم واهلة ناس طيبين وعلى قد حالهم استخرت ورحت لمكة ودعيت ربي وحسيت اني مرتاحة كثيرررر وقررت ان اذا رجعت من مكة ان ارد لهم بالموافقة.. وقبل لاارد بالموافقة اتصلت صديقة لي تسأل عن رأيي في رجل هي كلمتهم عني مطلق وعنده ولد وبنت وذكرت لي سبب الطلاق وكان مقنع جدا.. وراتبة فوق المتاز ويملك بيت ووظيفة جدا مرموقه صحيح المال ليس كل شي ولايجلب السعاده.. ولكن اكيد لة دور في الاستقرار لو فكرت في بعدين وفي ظمان مستقبل اولادي احترت كثيررر ورجعت استخيررر كثيررر وماادري وين الخيرة ماابي اتسرع لانه الزواج الثاني لي.. امانتكم ثم امانتكم ترشدوني وتريحوني اللة يريحكم... انتظركم..... |
أختي .. من باب النصح للمسلمين
لا يجوز أن تسألي بالأمانه لا تسألي إلا بالله عز وجل ولك الشكر |
عفوا اخ اموت فيها111 ايش يعني انه لايجوز
مو يقولو (ماخاب من استخار وماخسر من استشار) وانا استشير فهل فعلا لايجوز؟؟؟ امانه اتمنى الرد....؟؟ |
الأول افضل من جميع النواحي لأن الثاني ممكن يحن في اي يوم لطليقته ويرجعها
نصيحة ابعدي نفسك عن وجع الرأس بعدين راتب الاول طيب ماشاء الله ويمكن يفتح بيت فيه بيوت تعيش على ثلاث وأربع الآف ولا تنسين الإستخارة الله يوفقك |
كايدهم برايي الأول أفضل
أولا أعزب ماعنده أولاد و راتبه مو قليل 5000 و أخلاقه طيبه وهو متقدم لك فعليا ويبيك و أستخرتي الله و أرتحتي أفضل من شخص مطلق و لديه ولد و بنت يبون تربية و هو للحين ماتقدم لك مجرد ذكرتي لهم و يمكن مايجيك بالعربي أنتبهي ترفضين واحد في اليد ولا عشرة على الشجرة و الأول أفضل و إن كان الثاني أكثر مال ردي عليه بالموافقه و الله يوفقك |
يا حليلك أختي كايدهم
الأخ أموت فيها يقول لك اقتباس:
اقتباس:
هذه فتوى تتعلق بالنقطه السابقة .. اقتباس:
|
بسم الله الرحمـــن الرحيم كاايدهم وهل تضمنين حياتك بعد ساعه ؟ جميعا لا نعلم المستقبل وما هو مصيرنا , ومن يعلم بأن المتقدم لك أن يبدل الله حاله من حياة متوسطه إلى ثراء . وكما ذكرتي أن الجميع يمتدح أخلاقه وأهله وهل هذا لا يكفي ؟ إن كان مواضب على صلاة الجماعه وأخلاقه طيبه لا تترددي بالتفكير . دعواتي لكِ براحة البال والحياة الكريمه |
انا برأيي تاخذين الاول ..
خذي بقول الرسول صلى الله عليه وسلم ( من جاءكم من ترضون دينه وخلقة فزوجوه ) ... ما قال من ترضون وظيفته او ماله.. بعدين 5000 كويسة تفتح بيت وتعيش يعني مو شويه انا اعرف وحده زوجها عليه ديون مسكين .. وعايشين على الف بالشهر .. تخيلي الف .. ومبسووووووووطة مرة ابعدي عن المشاكل على قولت اخواتي .. الثاني قد سبق له الزواج .. وعنده مسؤوليات غيرك .. ويمكن يرجع لطليقته .. لان فيه شي يربط بينه وبينها .. <------------ فهمتي قصدي ؟؟ استخيري واستخيري واستخيري .... ووافقي على اللي ترتاحين له |
السلام عليكم ورحمة الله وبركاته
أختي الكريمة الأول افضل لك بكثير وبالنسبة للراتب لن يبقى على حاله فهناك زيادة سنوية . اما الرجل الثاني فمطلق وعنده اطفال يحتاجون متابعه وتعب . الله يسعدك ويوفقك للخير ويقسم لك الخير |
اختي كيداهم الاول مناسب جدا وراتبه كويس مش قليل وسألتو عن اخلاقه وعائلته وعرفتي انهم ناس طيبين وفي حالهم وعملتي استخاره وحاسه انك مرتاحه .... ليه الحيره؟ ..... الثاني مشاكله كثيره ..
|
| الساعة الآن 10:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©