|
رجــــاءاً عطـــــوني حــــل عمـــــلي
الســــــــــــــــلام عليـــــــــــــــكم ورحمة الله وبركاته أتمنى تساعدوني مشكلتي تتلخص في إني متضايقة من نفسي في أمور كثيرة خاطري أغيرها في عادات أبي أتخلص منها أبي يكون عندي روتين يومي ( بس مو قصدي شي رتيب لأني أمل بسرعه) ودوم أخذ ورقة وقلم وأكتب أهداف وأسوي جداول وشخابيط كثيرة و لا أنفذ منها شي مادري شسوي مليت من نفسي متى بتعدل!!!!!!!!!!!!!! ملكتي (عقد قراني) قريــــــــــــب تقريبا بعد شهر ودي أستعد نفسيا ودي أغير من نفسي ودي أحط أهداف وبرنامج يومي وأطبقه بس ماني عارفه ماعندي دافع كلششش متضايقة حيل ياعالم رجاءاً ساعدوني الله يجزاكم كل خير ويحققلكم أمانيكم كلها يارب |
اولا مبروك الملكه و الله يتمم على خير زواجكما و لا تقلقي تفائلي بالخير تجديه و حاولي ان تكوني راضيه عن نفسك بطاعة الله سبحانه و تعالى و طلب العون و التوفيق من الله و الاكثار من الاستغفار و التسبيح و المداومه على الاذكار الصباحيه و المسائيه و ضعي جدول لاعمالك مع التوقيت و ابدئي و كل يوم لاحظي انجازاتك و عدلي اذا احتجتي لذلك و لا تياسي و ان شاء الله تيسر امورك بعون الله .
|
مشكلتك في الدافع مع اني اعتقد انة مافي اكبر من قرب زواجك.. حقيقة غريب امرك
ربما انتي كسوولة جداًً ومعتادة على ذلك.. نصيحتي يجب ان تكون خطوتك الأولى عملية وليست مجرد خطط جميلة هي الخطط على الورق ولكن العبرة بالتنفيذ بادري بأول خطوة وستجدين نفسك على الدرب والف الف مبروك |
انصحك تدخلين معك شركاء في خططك
مثلا تبين تعملين تنضيف بشره وتحسين بالكسل لوحدك اطلبي من خواتك او امك او بنات خالاتك وعماتك اللي هم في سنك يعني انهم يرتبطون معك بموعد للتنظيف وتعملون جلسة تنظيف سوا انا اسويها صراحه مع خواتي ما اسوي شي لحالي ابد كلنا سوى علشان نتشجع اتمنى اكون افدتك ولي عوده لو فكرت في جديد |
اقتباس:
راح أحاول كل اللي أقدر عليه بس مادري اذا راح أنجح ألف ألف شكر على الرد والمشاركة :_( |
اقتباس:
رغم اني كنت أتصور اني لما أنخطب كل شي راح يتغير وحياتي راح تصير وردية بس بالعكس حاسة اني وحيدة حيل وبعدين انا بروحي بنت بالبيت محد يشاركني فرحتي لا أم و لا أخوات يعني لو حد وياي يشاركني ويشجعني كان الوضع يمكن غير والله قاعده أحاول أسوي خطط ومشاريع كل يوم بيومه بس أول ما أبدأ أتوقف ان شاء الله راح أحاول بعد يمكن بداية هالأسبوع تكون فااتحة خير ويارب يبارك بعمرك ويوفقك :-) |
اقتباس:
ياريت حبيبتي بس محد وياي للأسف خواتي كبار ومتزوجات .. أصغرهم أكبر مني ب8 سنين وعايشين بعيد و لا أمي جنبي .... كل شي بروحي حتى فرحتي محد يشاركني فيها مشكورة حبيبتي ما قصرتي فكرتك وايد حلوة لو حد جنبي |
مبروك على الملكة
نسأل الله ان يتمم لكم بخير وبما انك يا اختي وصلتي الى مرحلة تنظيم جداول ولم تقومي بالتطبيق فعذرا لا استطيع مساعدتك |
اقتباس:
ألف شكر على مشاركتك ومرورك |
[CENTER]السلام عليكم
مبرك والف مليون مبروك وعقبا للباقيين يارب :14: :14: :14: يازيتونه والله الدنيا حلوه هاذا انا من 4 سنوات وانا متزوجه ماقد رتبت لي ايش اسوي بكره من عمل البيت او في المدرسه لا والله لا هنا ولا هنا والحمد لله احس حياتي ماشيه وانا والحمد لله سعيده وان شاء الله يتمم علي وعلى الجميع يارب ...انا اذا دخلت المطبخ ابغى اسوي الغداء الاقي نفسي ارتب الدروج واذا دخلت احمام (اعزكم الله )الاقي نفسي اغسل الحمام اجي غرفتي ابغى انام الاقي نفسي ارتب السرير او اكنس الارض وهكذا.......:25: :25: هاذا من ناحيه ترتيب وورقه وهالكلام ....... حاجه ثانيه اللحين تقولين الملكه باقي عليها شهر وتقولي اخطط وما ادري ايش لا.... مو كذا فكره في مستلزمات الملكه من فستان الى كوافير الى كيكه الى ....................... وعلى طول نفذي متى يمديك تسوين وبعدها فكري في الزواج من وين بتشترين الفستان ومن وين تاخذين الخرابيط الباقيه انتي لا تكتبين في ورقتك هاذي اكثر من 2او 3اشياء لازم تسوينها وبعدين ابدإ باشياء انتي ودك تسوينها او اشياء محببه وبعدين خلي الباقي على فترات عشان ما تخلينها كلها ...... عندنا مثل يقول من بغاه كله خلاه كله:17: :17: :17: ......[/CENTER |
| الساعة الآن 06:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©