|
الشعره اللي قصمت ظهر البعييييير
اليوم انصدمت
ايه انصدمت واحس قلبي مل من الصدمات ااااااااااااااااه اه من قلبي من كثر منا اقولها بصدق مالي خلق اكتب اللي يعرف قصتي وللا شوفو مشاركاتي القديمه وبتعرفون مشاكلي واليوم زوجي مسافر وادق عليه جواله مقفل وبعد شوي دق علي من جوال موبايلي وش رايكم انا رديت وقلتله انت من وين تكلم هو ارتبك وقال وشو قلتله رقم شريحه موبايلي تلعثم وقال شبكتهم مخبطه اول مرره اشوف شبكه تلخبط برقم المهم كان باين عليه الارتباك المهم قعد يسولف يرقع ويضيع الموضوع انا مارديت بولا كلمه من ضيقة صدري تعبت والله تعبت المهم ارسلتله مسج اقول غلطة الشاطر بالف ولا موبايلي بعد مو لو سوا كان احسن ارسللي مسج وش السالفه مافهت شي وقفلت الجوال مابغى حتى اسمع صوته تعبت تعبت والله تعبت لو كانت شريحه ماشتغلت خارج السعوديه اكيد انها فاتوره ومعممه يعني يكلم فيه برا وعرفت انه كلمني من الشريحه الثانيه بالغلط وناسي طبعا لانه مسوي تحويل من جواله عالشريحه وطبعا كان باين انه شارب وقاعد يخربط ولما حس اني شكيت قعد يرقع انا ماني مجبوره اعيش مع واحد ميقدرني ولاتقولون لي اصبري خلاااااااااص هذي القشه اللي قضمت ظهر البعير وانا قلبي معاد يتحمل جروح اكثر عمري 19 وشعري قاعد يطيح من الهم استغفر الله استغفر الله استغفر الله اللهم فرج كربي اخواني ساعدوني انا مادري كيف اتصرف معه هو اليوم بيرجع من السفر ولاتقولون لي خليك عادي وتحملي تحملته كثييير ومعاد عندي في الدنيا الا كرااااامتي حبه وحرمني منه واخلاصه وحرمني منه واهتمامه وحرمني منه واقول معليش ويغلط علي ويجرحني ويخونني واتنااااااااازلت كثييير والحين صرت احس اني بعيش عمري كذا كنت متوقعه انه بيقدر حبي له وتحملي له واعطائه فرصه ثانيه وثالثه ورابعه وخامسه بس احسه في كل مرره يتمادي بجرحي وسترت عليه مارضيت يرخص بعيون الناس وش اسوي اكثر تعبت والله تعبت انا اسفه لاني قاعد الخبط بالكلام والله اني ماشوف الكيبورد من دموعي شوروا علي مالي الا الله ثم انتم وشس اسوي معه لما يجي امانه لاتطلعون الا برد ولو القليل وان مارديتو فادعولي استغفررر الله |
يا حبيبتي والله ما أعرف شقولج ما أملك الإ الدعاء لج الله يفرج همج ويصلح أحوال زوجك ....... صلي إستخارة و إن شاء الله تفرج ......... الله يكون بعونج ويحفظج من كل شر ........ اختي الفاضلة .. لفظ المشيئة يكتب هكذا ( إن شاء الله ) .. |
تحياتي لك يانور الاوطان
وتسلميييين عالدعاء والله يسلمك من كل شر بس ياريت تنصحوني وش اسوي اذا جا ماكلمه ازعل عليه وش اسوي |
الصراحه العيشه مع انسان خاين ما تطاق
وانتي اللي عليك صبرتي وسترتي وتحملتي طيب وبعدين ماراح يتغير وراح تعيشين الذل انواع اذا كان يسوي خرابيطه بالسفر بكره بيجيبهم لك البيت لان مالك كرامه وعارف انك بتسكتين اما انك تاخذين حقك منه او احد ياخذ حقك ولازم يعرف ان وراك احد ان شاء الله افدتك |
صراحه مالي خبرة بها الامور حبوبه بس ادعي له الله يصلحه ويسخره لج وتكلمي معاه وحاولوا ان تتفاهمون
والله يصلحه ان شاء الله ...واذا كنتوا مع بعض من زمان اصبري اذا فيه امكانيه ان ينصلح حاله اعتقد التفاهم والصراحه مابيبنكم توصلكم لحل يرضيج ويرضيه |
ما اقدر اقولك الا كان الله في عونك
والله يهدي زوجك وانتي اذا جاك قوليله وناقشيه يمكن هالمره يعتبر ويهديه الله ويكون زوج صالح ان شاء الله |
اختي سردينه .......موضوعك ضحكني والله
لا تظلمي زوجك .......... شريحة موبايلي مسبقة الدفع هي الوحيده اللي تشتغلي برا دايركت بدون ضبط افضل من سوي وغيرها رديت حبيت اطمنك فقط ......... الشي الثاني ويش المشكله ؟؟؟؟ انا مافهمت عليك ..ويش المشكله لو كلمك من موبايلي ؟؟ فهميني ويش تقصدين ؟؟ منتظرك . |
[u] هو وين مسافر وبعدين هو ما قالك انه بسافر ومن كلامك تقولين انه يشرب كيف انتي ساكته على اشى هذا ما اقول الى الله يصبرك ويهديه وانتظر ردك
|
ياحبيبتي لاتسكتين وتطنشين
شكله نسأل الله السلامه يتمادى اكثر ياليت لو ابوك يكلمه ويخليه يوقف عند حده الله يفرج همك ويختارلك اللي فيه الخير |
اختى الكريمه انا حصل معى نفس الشئ وصبرت واحتسبت ومازلت صابره ولا اعرف ماذا افعل وللان افكر فى الموضوع ما اقول غير حسبي الله ونعم الوكيل
|
| الساعة الآن 05:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©