أرجوكم أريد حلا .. هل أطلب الطلاق ؟؟
 

السلام عليكم ورحمة الله وبركاته

أنا عروسه لي شهرين والحين حامل بالشهر الأول زوجي والحمدلله يحبني حب جنوني
بس أنا ما أحبه ولا أحس ناحيته أي مشاعر أحس كل شي عادي

موضوع الجماع سبب لي الالام فظيعه ولا أقدر استحمل فبالتالي أرفض انه يجامعني وأحاول بأي شكل اني أمنعه ويرضى أحيانا تمر أيام ولا يسوي شي طبعا هالشي من بداية زواجي
ولما يجامعني ما أحس بأي شي ولا أي شهوة كله أتألم وأصرخ
لا تقولون لي خليه يداعبك بالتبويس وغيره والله العظيم أكره هالشي

أنا الحين حامل وأتوحم وزاد كرهي لزوجي وريحته في يوم من الايام نمت بغرفه ثانية عشان هالشي
زوجي مو راضي يفهم أني اتوحم ويقول لي اتدلع ..


أنا تعبت وفكرت بالطلاق .. لأنه بصراحه حياة العزوبية أريح وأحلى ما فيه أحد يسبب لي ألم ..

وفيه شي ثاني بعد أنه ينام عن الصلاة والعمل تعبني حيل .. تصدقون من تزوجنا ماقد صلينا الفجر في وقته

هاالشي كرهني فيه زياده ..

انتظر حلولكم بأسرع وقت ..

ولا تنسوني من دعاؤكم في ظهر الغيب وجزاكم الله خير ..

صبرك بالله....بالبدايه كذا تكون النفسيات..محد متأقلم مع بعض...ومو فاهمين بعض..كلها ايام وشهور تتعرفوا على بعض وتصيروا زي الفل...لا كل هذا وانتي واحم يعني لا تتهوري ...وتظلمي ولدك معاك.....مو معقوله تكوني انانيه بهذا الشكل....يعني حملتي وجيتي تبغين تتطلقي لا يا اختي تعوذي من ابليس......

راح تحبي زوجك مع الوقت.....صدقيني.....

صحيح العزوبيه راحه ...بس الزواج اريح : ) ......يسعدك ربي ويحفظك ولا تتعجلي بدري عليك شهرين عشان تحكمي...اختي ما حبت زوجها اللا بعد طفلتها الاولى......وانا بعد كم شهر..وكل ما مر الوقت زاد الحب (الحمد لله وما شاء الله)....

تمنياتي لك بحياه سعيده..وانتي الان حامل لا تكدري خاطرك وخاطر البيبي تراه يتأثر من نفسية الماما... :) ...

اختي العزيزه ..
ابغض الحلال عند الله الطلاق , ولذالك عليكي ان تبحثي عن شي جميل في زوجك او حاجة ايجابية وحبيها وبتدريج سوف تحبينه ..
والله يوفجش

والله يا أختي من خلال تجربة

ترى أول كم شهر إلى سنة تقريباً


المزاجات تختلف و النفسيات كذلك


فعلشان كذا عطي نفسك فرصة


فل نفرض أنك تطلقتي وجاب لبيتكم ورقة الطلاق


وجلستي كم شهر عزوبية


يبدأ الخطاب يطقون باب بيتكم


وتزوجتي ثانية بالله : الجماع ، الجلسة مع بعض ، الأشياء اللي ذكرتيها راح تكرر مع نفس الزوج اللي

بيتزوجك

فأنا أنصحك تروحين لبيت أهلك كم يوم تروقين فيها وتفكرين بعقلك وباللي حاصل

و أحمدي ربك فيه بنات صاير لهم العكس تماماً كلهم يتشكون من أزواجهم .

أتمنى لك التوفيق ،،

مجنونها

يا اختي اللي فيك وحم

انا اعرف وحده قالت لزوجهت انا اكرهك

وكاد ان يطلقها لولا تدخل الاهل نظرا لانها وحام

وطبعا الزوج لايعلم ان هذا بسبب الوحام

فتفهم الوضع وارسلها الى بيت اهلها حتى ينتهي وحمها

اللي فيكي يا اختي وحم واسالي المتزوجات

نقل إلى عالم المتزوجين ..

بصراحه حبيت اجاوبش من خبرتي يعني اني كنت مثلش الجماع تعبني واجد بس لازم الوحده تتحمل لانش فكري وشو بتسوي لو تطلقتي بترجعي وبتزوجي هذه هي الحياه وبعدين انتي لازم تفكري في الجنين الي في بطنش يعني حرام تشتتي حياته وتحكمي على حياة بالتعاسه من بدايه خلقته انتظري حتى تولدي وبتحبيه حيل
شيئ ثاني الوحم شيئ طبيعي يعني لاتعتقدي انش الوحيده الي تكره زوجها دي فتره وبتعدي فلا تفسدي حياتش وحياة زوجش وحياة الطفل الي بالطريق عشان فترة صعبه وبتعدي يا اختي خليش قدها وتحملي عشان اسرتش الصغيره
والله يوفقش

احمدي ربك انه يحبك وانت رايحه تحبينه مع الايام وخصوصا انه سوف يكون بينكم طفل وبالنسبة للصلاة فامرها عظيم فااهتمي بها وحثيه وخاصه انه يحبك يعني في صفك ---------الله يفرج همك ويوسع صدرك

يا اختي العزيزه مثل ما قالو لك البنات انتي في نعمه
وكلها فتره قد تكون قاسيه عليك وتعدي
المسئله ومافيها انك ما مداك تعودتي على زوجك والى جاك الوحم

اصبري والامور راح تصير في صالحك صدقيني وحاولي تفهمين زوجك بانه الى تشتكين منه مجرد وحم لا اكثر
ومع قدوم البيبي بيكون الوضع فوق النخل والعلاقه بتتحسن

الله يسعدك يا اختي ويسعد الجميع