يـــا فـــرحة مــا تــمــت !
 

السلام عليكم ورحمة الله وبركاته

طبعا أنا من متابعي مواضيع هذا المنتدى باستمرار ،

بدخل في الموضوع مباشرة

انا فتاة أبلغ من العمر 25 سنة ولم يرزقني الله بالزواج بعد ..

لما كنت أدرس بالجامعة كانوا يتقدمون لخطبتي كثير ولكني كنت أرفض على طول بسبب رغبتي في اتمام الدراسة وشعوري بأني لن أستيطع التوفيق بين الدراسة والزواج

تخرجت من ثلاث سنوات ..
وبين فترات متباعدة كانوا يتقدمون لخطبتي وكنت أقابل أهل الخاطب .. ولكن!

يطلعون وما يردون .. بعضهم يتصلون يخبرونا مافي نصيب .. وبعضهم يخرجون ولا يردون خبر ..

الأيام تمشي والعمر يمشي وأحس نفسي دخلت في قائمة العوانس .. وقطار الزواج فاتني .. خاصة ان خواتي كلهم تزوجوا حتى أختي التي تصغرني بثلاث سنوات وفقها الله بالزوج الصالح .. وصديقاتي كلهم راحوا بطريقهم والله رزقهم الأزواج وبعضهم رزقوا بالذرية ..

في هذه الأيام نفسيتي واجد تعبت من التفكير بهالموضوع – الحمد لله ما أحس بنظرات مزعجة من المجتمع المحيط بي ( نظرات تشعرني بأني عانس وتأخر زواجي )– ومو قاصرني شي في بيت أهلي ، ولكن هذه سنة الحياة وكل بنت ترغب بالزواج وتكوين بيت وعائلة..

قبل أسبوع تقريبا واظبت على قيام الليل وقراءة سورة البقرة كاملة كل ليلة وقراءة الكثير من الأدعية والتوسل الى الله بأن يستر علي وعلى جميع بنات المسلمين ويرزقني الزوج الصالح الذي تقر عيني به وتقر عينه بي..

بعد خمسة أيام بالضبط .. اتصلوا لي ناس حابين يتقدمون لخطبتي لأخوهم .. واتفقنا معاهم على موعد علشان يتفضلون البيت ..

حمدت الله حمداً كثيراً وسجدت شاكرة له .. فالله استجاب دعائي .. وأخيراً سيتحقق حلمي ان شاء الله

طبعا لا أخفي عليكم بأني فرحت جدا لهذا الخبر .. وغصت في الأحلام بعيداً .. ظليت أدعي ( يالله ان كان هالزواج فيه خير لي فيسره وان كان فيه شراً لي فأصرفه عني ) .. وأكثرت من الاستغفار والتسبيح ..

اليوم جاءوا لرؤيتي.. ولكن لما دخلت عليهم وسلمت وقعدت مادري حسيت اني ما عجبتهم والدليل انهم حتى ما نظروا لي ولا نظرة ولا سألوني ولا سؤال .. وما تكلموا معاي .. مع انهم ناس بسيطين ومو متكلفين .. تقريبا ثلث ساعة ومشوا ..

ما حسيت بأي اهتمام منهم وكأنهم كانوا راسمين صورة ثانية واللي شافوه شي ثاني .. ما أمدح نفسي لكن يعني هم نفسهم مو أجمل مني .. بس ما أدري وش حاطين مواصفات ببالهم ..

وانا قاعدة معاهم جاني شعور انهم راح يطلعون ولا يرجعون .. أحس انكسر خاطري وحلمي تلاشى

مع اني ولله الحمد من عائلة ملتزمة ولها سمعتها .. جامعية .. على قدر بسيط من الجمال

أحس نفسي وحيدة .. ونفسيتي دمار..

ما يأست من رحمة الله .. حملت القرآن ظليت اقرأ .. وأدعوه بقلب صادق أن يرزقني الزوج الصالح عاجلاً

طبعاً كل واحد ما ياخذ الا رزقه ونصيبه .. أحمد الله على كل حال وواثقة ان الله ما راح يخيب ظني ولو ما صار نصيب بقول لأن الله يحبني وأكيد هالشخص ما يناسبني فالله صرفه وأبعده عني ..

واللي أحس فيه الحين اني قاعدة أنتظر اتصالهم ليخبرونا بأنه ما صار نصيب .. هذا اذا تكرموا واتصلوا ..

حبيت أفضفض وأطلع اللي بقلبي .. لأني أحس هالشي ثقيل على كاهلي ومحتاجة اني أطلعه .. فما لقيت أحسن منكم أبوح له بمكنونات قلبي...

كل اللي أتمناه منكم دعوة صادقة ،، وواثقة انكم ما راح تقصرون ..

يا أختي لاتزعلي نفسك وتفكري تناسي الموضوع

ومادام ربي وفقك بقيام اللبل فعليكي بالدعاء فالدعاء فى هذه الأوقات مستجاااااااااااااب

وربي يرزقك الزوج الصالح عاجلا غير آجل

ويمكن يرجعون يتصلون هالمره ويصير نصييب.. ليش يا عمري متشائمه.. كل شي سهل عند ربج..

قولي الحمدلله في ناس يتقدمون لي لان في بنات محد يتقدم لهم ايش يقولو..


الحمدلله على كل حال..

اللهــم يسر امر خطوبتها ان كان خيراً لها ..

صار لي مثلج من فترة ..توقعت اني ماعجبتهم ..

بعد يومين اتصلوا ..بس بعد ماصار نصيب

الله كريم حبيبتي ..الله كريم

حبيبتي ادعي ادعي ربج ولا توقفي وان شاء الله خيرررر..

تبتتم الفرحه انشالله

واظبي على الدعاء و القران و الاستغفار

وسبحانه راح يرزقك الزوج الصالح

ولا ندري وين الخيره فيه

عزيزتي لا تجعلي هذا الموضوع يؤثر في نفسيتك ..الزواج رزق من الله سيصلك عندما يشاء الله وادعو الله ان يرزقك زوجا صالحا ياخذ بيدك الي جنة الدنيا والاخرة بأذن الله

طيب وليه التشائم .. يمكن يتصلو .. وسالفة انهم ماسألوكي ولا حتى اعطوكي نظره يمكن شافوكي بس انتي ماانتبهتي .. ويمكن اول مره يخطبو وعشان كذا ماهم عارفين كيف يتم الامر


ربي بيستجيب دعوتك ان شاء الله مثل مااستجاب ورزقك خطاب يتقدمون لكي .. ان كان فيه خير ربي بإذن الله راح يسهل امره واذا فيه شر ربي بيصرفه عنك ..

حتى لو شفتي ان العريس متقدم لكي كامل ومواصفاته حلوه وربي ماكتب نصيب فااكيد ربك مو كاتب لك السعاده معاه ..


حبيبتي احس كتبت رد ملخبط :d .. لكن حابه اهون عليكي واقري توقيعي .. واكثري من الدعاء .. واقري ردي بموضوع ( غاليه )

لو انا مكانك بغير عنوان الموضوع واكتب ( فرحة وتمت ..ودعوة استجابت ان يصرفه عني لو مافيه خير ) :22: