زوجتي مقصرة في حقوقي فمالعمل .؟
 

:18: السلام عليكم ورحمة الله وبركاته

اخواني في هذا المنتدي المفيد

انا الان اصبح لي سنة متزوج من زوجة فيها خير كثير طيبة و صبورة واخلاقها عاليه

لاكن يوجد فيها اكثر من شي لا يرضيني وهو عدم الاهتمام في البيت والاهتمام في أغراضي الخاصة وماتعرف تطبخ أي شي وفهمها صعب جدا وعندها نسيان عجيب وجاهله في كل شي ومعانده حتي على الخطاء واذا عاتبتها تقول انا ماقصرت معك في شي
وجلست معها كذا جلسه افهمها انها مقصرة في حقي حتي في حق الفراش وزينه وتقول ان شاء الله أغير من هذا الوضع وان شاء الله اتعلم الطبخ لاكن كل هذي الوعود لا يتحقق منها شي هي عقلها صغير جدا مع ان عمرها 26 سنه
وكل يوم بيننا مشاكل في هذي الامور يعني الاكل لما ناكل ماتشيله الإ بعد فترة طويلة واذا ماتكلمة تطول زيادة الشهي والقهوة ماتسوي الإ اذا طلبت منها ولاتسوي حلا معها اصلاً هي ماتعرف تسوي أي شي
غير كذا البيت جايب لها شغاله تنظف وتمسح عشان هي تعبانه شوي بس القهر انه كل شي يبقي محله

وانا الان محتار معها انا والله طيب معها مرة بس تعصب فيه اذا شفت شي ماهو عاجبني وهي تزعل مرة تقول ليش تسوي كذا والخطاء يكون منها هي يعني اليوم حصلت مشكلة ثوب جديد ماهو فيه اقول وينه تقول مدري وملابسي الثانية وصخه ولا اهتمه تغسل او تقولي

انا مقترح اصارح وحدة من اخواتها كبيرة وفاهمه وقولها تحل هذي المشكلة مادري هذا الشي صح او لا واذا كان احد عنه حل يقترح عليا


واسف جدا على صراحتي وكلامي

تحياتي لكم

الإشراف/ تم تعديل العنوان ليتناسب مع الطرح ..

شكلك كنت ساكت عليها من البداية علشان كذا هي زادت في اهمالها

انا بطبعي كسولة بس بصراحة ما توصل لدرجة اني ما ارفع الاكل بعد ماننتهي

انت لازم تكون حازم معها بس بدون شدة وساعدها في بعض الاشياء

والخدامة خليها بس تيجي يومين او 3 في الاسبوع

إذا اختها عاقله وفاهمه مثل ماتفضلت فكلمها لأنه بتكون أعرف بطبيعة اختها وتقدر تؤثر فيها..

تلقاها اخوي دلوعة في بيتها وما تعرف تسوي شيء

زوجتك تشتغل او تدرس؟؟يعني مشغولة ولا بالبيت ؟؟؟

انا اشوف انك تجلس معاها جلسة حلوة وتكلمها وتصارحها باللي يضايقك ....قول لها انك مليت من الوعود وتبي تشوف الفعل والنشاط ....
.خلنا من الطبخ شوي شوي بتتعلم ......دخلها دورات خل امك او امها تعلمها وبعد ما تسوي لك اي طبخة حلوة ولو بسيطة اطبخ لها انت بعد طبخة على قدك ... يعني مع الايام بتتعلم بس لازم يكون في خطوات بدائية تسويها المدام


ادخل في الامور الاهم البيت ونظافته وملابسك و انها تهتم بنفسها وفيك

حسسها بانك متاثر وان ها الشيء يضايقك وانك ما تعرف شو الحل مع ان الحل في ايديها ...قول لها انك ما تبي تخبر اهلها او اهلك ..تبيها تتغير من ها اللحظة وتحاول تكون في قمة نشاطها وحيويتها


وانت لا تثقل عليها لما تفضى ساعدها ونظف البيت قل لها انك ترتاح لما تلقى كل نظيف ومرتب

خبر اخواتها على اساس ينصحوها يمكن ما ليها خبرة وبتدلع عليك شوية
الله يسعدكما ويصلح من شانها

ترى القصه يا اخي عبادي ماهو دلع والا انها متعوده كذا في بيت ابوها . الظاهر ان اللا مبالاه طبع وسلوك فيها غير متعمد وترى هذا الطبع موجود في كثير من النساء الحل انك تبدأ توقض الاحساس فبها بحيث انك تعطيها تعليمات واذاما مشت عليها تكون لك ردت فعل واضحه مثلا اذا مارفعت الغدى وجابت الشاي قوم بسرعه وانت مضايق وقول بطلع اشرب الشاي في اي قهوه او كوفي شوب وارجع وانت قالب وجهك ( بس لا تطول) وهكذا بين لها انك محبط فيها واذا سوت شي عشانك شجعها واثني عليها مع الايام بتحب حالالت الرضا اكثر من الزعل اما في الفراش لازم تفهمها انه ممكن اي شخص بلبي لك طلباتك كلها الا هذا الشي واذمالقيته عندها وزي ماتتمنى حتدورله عند غبرها وبالحلال وترى اقتراحك انك تكلم اختها مش بطال بس خله في الاخر عشان تحس ان لك حل اخير وبكذا تتشجع اللة يوفقك

اخي الكريم
اتبع كزا اسلوب
تحدث معها في اجواء هادية ورمانسية بدون عصبية
مرة واتنين وتلاتة
مانفع
وسط امها او اختها
مرة واتنين وتلاتة
بعد هيك خاصمها
بعدهيك
فهمها انو هية مقصرة
والشرع اباح التعددفي هيك حالة
لانو مش ماخد كل حقوقك
ولازم تاخدها
ولو تزوجت معك حق
وقتها يمممممممممممكن بل اكيد حتخاف
وبالنهاية لو ماتصلح حالها ابدا ابدا
معذور لو تزوجت عليها

الموضوع ما يستدعي يطلع بره البيت وممكن تمسكه عليك طول عمرك انك طلعتها قدام اختها واهلها ما تعرف شئ
كلام كله عشان حبيبي هو الصح ولا زم يكون فيه مصارحه مع قليل من الحزم الواضح في ضيقتك من الموضوع

ومع الوقت راح تتعود على طبعك ان شاء الله