محتارة مع بنتي
 

بغيت أشكي لكم همي يمكن ألقى عندكم الحل و المساعدة ، تصوروا أن بنتي كملت سنة وشهر وهي لا زالت ترفض الطعام ولا تريد الأكل بالمرة ، الوجبة اللي تعتمد عليها فقط هي تناول (القليل) من الحليب عن طريق الرضاعة ، جسمها كلش ضعيف ، نموها بطىء ، اذا شفت الأطفال اللي أصغر منها واللي في سنها نموهم وأكلهم منتظم أتحسر عليها ، كل اللي تحبه هو الحركة واللعب ، لكن أكل أو شراب ترفض ، نفسيتي تعبت كل الناس يستغربون اذا شافوها ما تاكل وانا أتضايق اذا الكل قال عنها نحيفة ، أحس حتى راسها ووجها حجمهم كلش صغير ، هذي بنتي الوحيدة وأول فرحة الي ما احب اشوفها بهالصورة مع العلم انها كانت ترجع بشكل مستمر بعد الولادة والحين صارت أخف ، أستخدم لها حليب بروجرس .

ممكن تنصوحوني شنو أسوي لها ولكم مني الشكر الجزيل

الله يبارك فيها ويعيها الصحه والعافيه


غيري حليب بروقروس الى حليب بيوميل ان شاء الله ينفع معها

بعدين لازم تعطينها اكل غير الحليب وتعودينها يوما فيوما

اكليها تمر لين وحليب ولبن وسيرلاك بالتمر وخضار مسلوقه وزبادي وارز وووووو لازم تعطينها وجبات كثيره في اليووووووووووووووووووووووووووم

تحياتي لك

وعفوا على المداخله

ابو فهد

مشكور يا بو فهد

المشكلة انها ترفض الطعام واذا عطيتها بالغصب تبكي لفترات طويلة وترجع الأكل اللي عطيتها وياه بالقوة يعني ما يستفيد جسمها اي شي في النهاية ما أدري شالعمل وياها.

بالنسبة للحليب كنت أعطيها بروميل ولما كملت لسنة غيرته الى بروجرس ولما أعد الرضاعة وأحط نفس عدد المكاييل اللي مكتوبة علة علبة الحليب تصير الرضعة ثقيلة وترجعها ولما أخفف عدد المكاييل تصير تشرب أحسن وما ترجع

عطيها عسل لأن شديد السكرية بيعجبها ولو على شكل عصير

مشكور أخوي الرماني

هل تقصد اني أخلطه مع الحليب وأحطه في الرضاعة؟

نعم وممكن تخلطيه بماء فقط وتعصرين عليه ليمون بيكون لذيذ

بجرب خلطة العسل ، ان شاء الله تتقبلها وتنفع معاها

اشكرك الرماني