|
وش شعورك لوزوجك قالك....
السلام عليكم ورحمة الله وبركاته
بصراحه احس اني مقهووووووووووره بالمره حصل لي موقف اليوم مع زوجي كان عنده موعد في المستوصف وكنت معه واول ماشاف خويه صرفني قال روحي جلسي في استراحة النساء المهم انا عادي رحت بالعكس قلت كل الرجال يغارون على حريمهم ومايحبون ربعهم يشوفون حريمهم حتى لوكانت لابسه عبايه ومتنقبه مثلي يعني لبسي ساتر مره رجعنا البيت عادي نسولف ونضحك وسألته عن خويه وقال اول ماشفت خويي صرفتك علشان مايشوفك ويقول زوجة فلان طويله وممقوطه بيقول هذي غير الحريم المتزوجات يعني بالعربي متفشل مني قدام الناس يخاف احد يشوفه معي خايف افشله لأن زوجي في اعتقاده الوحده بعد ماتتزوج لازم تكون مليانه وانا والله طولي ووزني متناسقين بالمره وزني 58 وقبل الزواج كان49 مع العلم اني ماانجبت سقطت مرتين انا اول ماقال لي كذا انقهرت منه وبكيت كثير احس انه حطمني بكلامه يتفشل من وحده مستوره مايبين مني الا عيوني بس وهذي مو اول مره يعمل معي هالحركه من شهرين كنا في محل ملابس اول ماشاف خويه من بعيد راح عني جنب امه انا مالاحظت بس اول ماجينا البيت قال يوم شفت خويي رحت جنب امي لانها مليانه شوي علشان مااتفشل منك هوزوجته مليانه وانتي لا زعلت عليه وبعدين سامحته وعديت الموضوع لكنه رجع وكرر هالشي والله العظيم كسر بخاطري ودايم اذا كنا بمكان عام اذا شاف احد من ربعه معهم حريمهم يقول شوفي كلهم مليانين الا انتي كل الحريم كذا طيب هو ليه يجلس يطالع فيهم هذا وهما بعباياتهم ماتبين الاعيونهم ويعايرني فيهم شلون لوانهم بدون عبايات والله من جد قاهرني احس اني كرهته احسه مايستاهلني انا الحمدلله موناقصني شي وهو اللي اختارني بنفسه هذا وهو من عيلتي وشلون لو انه من بعيد وش بيقول ياريت كل وحده تحط نفسها مكاني وتقول لي عن ردة فعلها انا قلت له اني مراح اركب سيارته ولاني طالعه معاه |
الله يهديه ويصلحه
مايهم ازعلي حبتين بس لا تزوديها من حقك تزعلي وعلميه إنه النظرة هاذي حراااااااااام وإيش يعني يبغاكِ مليانة خليه يصبر بعد الحمل والولادة بتتخني شوي شكله زوجك مايحب النحف المهم لا تعديها مادامه كررها يعني ماأقولك سوي مشكلة بس لازم يعرف إنه هالشي يزعلك ويغضبك حتى مايكررها والله يهديكم لبعض ويوفقكم بحياتكم ويرزقكم الذرية الصالحة تحيــــــــــــــــــاتي |
عادي اختي لاتزعجين نفسج بهاذي الامور ولا تكبرين السالفة ....
اللله يهدية |
هلا اختي صراحة زوجك ماعنده سالفة وزنك زين رغم اني ماعرف طولك صراحة انا اذا زوجي انتقدني في شي اطلع حرتي فيه اطلع جميع اعيوبه واقوله اخلق بعدين عيب
|
السلام عليكم ...
أختي الحبيبة صارحيه وقوليله كلامك ضايقني وكسر خاطري،، وبعدين انت كل ما شفت حريم ربعك قعدت تطالعهم بدال ما تغض البصر عنهم وتخاف الله،، وأنك توقعت غيرته عليك هي اللي خلته يتصرف هالتصرف ومو فشلته منك..وأنه خيب ظنك فيه .. وقوليله لو هذا أسلوبك كل ما شفت واحد من اصحابك ما بطلع معاك علشان ما أفشلك ولا ينكسر خاطري وانت مو حاسس فيني ... ومن هالكلام ... أنا لو مكانك ما اطلع معاه لين يحترم وجودي .. أم حمزة |
أختي ماضي موادع ترى احنا الرجال دفشين شوي في كلامنا ، ولا نتأثر بمثل هذا الكلام لذا نعتقد أن النساء مثلنا لذا زوجك قالك اللي في خاطره من غير فلترة وأنا كنت نفس الشيء إلا أني قرأت مشكلة في مجلة الفرحة في يوماُ من الأيام مفادها أن زوجاً وصف زوجته بالبدينة عندما رآها من غير ملابس (الظاهر انه اول مرة يشوف بطنها ) فكانت ردة فعلها قوية واكتئبت وقالت ماراح تخليه يشوف جسمها أبداً أنا هنا صراحة أفقت من نومتي وأكتشفت أن تكوين النساء من الناحية النفسية رقيق جداً على عكسنا نحن الرجال ومن بعدها بدأت بفلترة كلامي بنسبة 70% والحمد لله أما 30% الباقية عاد الله يعينها أم العيال لازم تتحملني شوي مثل ماأن متحملها أرجعلك اختي و أنصحك اختي بإدخال مثل هذه المجلات إلى بيتك وجعلها بصورة غير مباشرة قريبة من متناول زوجك لعله يقرأ ويستفيق مثل ماأستفقنا تحياتي . |
اشكركم جميعا على الردود ووزني 166 واخصائية التغذيه قالت لي وزنك وطولك ممتاز متناسقين
ياليت الكل يشاركني بموت من القهر |
انا مع اختي ام حمزة كلامها كله عدل وموزون
يعني اهم شي المصارحة ولكن بأدب واحترام وبرفق حتى تكتسبين من تحادثينه وخصوصا زوجك لا ترفعين صوتك عليه ولا اتعيرينه بما فيه وانما كوني دبلو ماسية وتمنياتي لج بالسعادة |
اقتباس:
فقط تصحيحاً للمعلومة وزنها : 58 كيلو جرام و طولها : 166 سنتميتر |
شكرا اخي في الله على التصحيح لاتلوموني من القهر والبكي
|
| الساعة الآن 02:45 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©