مشكلتي مع اهل زوجي
 

اول شي بقولكم عن طباعهم بعدين بسرد لكم مشكلتي الى حدثت اليوم وابي لها حل
بالنسبه لطباع اهل زوجى ياربي وخصوصا عمي ابو زوجي يبى هو كلمته الامره الناهية متسلط ووواااااااااايد
صارت مشكله بينى وبين عمه وحدث نقاش أمام زوجى
مااسميه نقاش الا صراخ علي يقول ان في نقوصات من ضمنها انبعض الاوقات اكون مشغوله شوي
وزوجي دوامه شفتات بالعاميه اي مره بالصبح مره بالظهر مره الليل المهم فبعض الاوقات زوجى يعطي خدامتهم بدله الشغل تكويها قام يعارينى بهذا الشي مع انى بيت ابوي زوجات اخوانى عادي يستعيونى الخدامه او يخلوني تكوي لهم اذا كان مزحومين قلت ماعليه مااخليها تكوي اى شي لزوجي وقال بعد نقطه تخيلو انا احنا مسافرين اخر ايام السفر مرضت بنتى جتها حساسيه وسخونه وزكام يعنى تعبت معاها وايد بعدين رجعنا لبلدنا وانا تعبانه وكانت طائرتنا بالليل يعنى لايوجد مجال الواحد ينام رجعت بيت ابوي عشان يمسكون لي بنتى واريح شوي قام زوجي شافنى تعبانه استعار خدامتهم عشان تغسل ثيابنا الخاصة بالسفر انا عصبت قلت ليه ليش تخليها تغسلهم مابي مشاكل مع ابوك قالى معقوله ابوي يعصب وانتى تعبانه وتونا راجعين من سفر سكتت وبالنقاش الى صار بينى وبين عمي ذكر لي عن هالنقطه وقال انا ساعات ماافهم بعض الامور ان خدامتى تجى تغسل ملابسكم قلت ان هذا ماكان برضاي حتى اسأل زوجي وتخيلو الداهيه الاكبر يقولي ليش انتي ماتمشين وتودين زوجك المستشفى اذا مرض وهذا من ضمن نقوصاتك ؟؟؟؟؟؟ وقام يردد علي تحسين روحك سعيده وساعده زوجك قلت اي اي ولاتفتكرون ان زوجي اهو شكا له مشكله او شي بالعكس احنا ماكان بينا اي خلاف
يعنى هل العم له الحق يدخل بهاي الامور ؟؟؟؟؟
انا عصبت هنا وقلت ليه محد ليه دخل بأموري الخاصه وطلعت من بيتهم وكان زوجي قاعد معاهم المسكين كاسر خاطري عايش بدوامه بينى وبين اهله بس والله حسيت روحى قاعده انهان والله ابوي الي هو ابوي عمري ماشفته يعصب عليه ويرفع صوته بس الله ياخد حقي منه
ابي منكم افكار شلون اقدر اقهرهم وماياخدون على اي نقطه ويحسون انى سعيدة مع زوجي
ابيهم ينقهرون لانهم مايحبوني كلللللللللش
اما عن زوجي فأكثر شي ينحاز لاهله حتى لو هم الغلطانين شلون اتعامل معاه واخليه دايما بصفي

الإشراف : أرجو مراعاة الكتابة بالفصحى ، وملاحظة الأخطاء الإملائية !

لاتقولون لى حرام عليج معقوله يكرهونج تخيلو يوم ولدت بآلاء بنتي انسحبت من الجامعه تصدقون كلما اروح بيت عمي دايما يذكرون اهلهم الى دارسه والي بتخلص والي توضفت يعنى دايما يبون يبنون لزوجي انى ناقصه عن البنات وانا ساكته بعدين قلت لازم اقهرهم وارجع لدارسه واخد احسن شهاده تصدقون يوم رديت ولا يوم سسئلونى عن الدراسه او شجعونى او قالو لى ادا زحمتك بنتك اوقات الامتحانات جيبها راح نهتم فيها ومن اليوم الى رديت في للدراسه ماقامو يتكلمون عن اهلهم الى يدرسون بس الى يشتغلون دايما يتعمدون يتكلمونعليهم ججدامى وجدام زوجي وانا ساكته

الله يعينك اختي والله

طيب ماحاولتي معاهم باسلوب الهدايا وتقربتي لهم بالكلمه الطيبه والمعامله الحلوه ؟

اختى الحبيبة :
اتفهم جيدا ما تشعرين به تجاه اهل زوجك ....و من كلماتك فان مشكلتك تكمن فى انهم يذكرون بشكل دائم اى تقصير منك حتى و ان خارج عن ارادتك

و هذا يحدث من الكثيرين ....الذين يكون من طبعهم النقد الدائم و انعدام الرؤية لاى حسنات و التركيز على النقائص و خاصة شخصية ابى زوجك

واعتقد ان هذا طبع فى هذه الشخصية و ليس موجها لك وحدك ...لاحظى حديث ابى زوجك عن اى انسان اخر ....هل يذكر فقط النقائص ...هل ممكن ان يمدح احد ....هل ممكن ان يمدح زوجك الذى هوابنه ...اعتقد لا ...ان كان هذا طبعا فى شخصيته

اما ان كان الامر خاصا بك انت فهنا تكمن المشكلة ....هل كان عمك موافقا على زواج ابنه منك اساسا ...و بالتالى فهو يمارس هذا الطبع من اول زواجك .....بسبب عدم رضاه عن الزواج


ام كان طبيعيا فى البداية ثم حدث له تغيير بعد فترة ....و هذا قد يكون بسبب رؤيته لتقصير حقيقى منك ...لانه يقارن بينك و بين ابنته مثلا او بينك و بين زوجته

انصحك فى النهاية بغض النظر عن السبب ....ان تحاولى ان تقللى من صلتك و زياراتك لهم ....لا اطلب منك القطيعة ...بل التقليل بحيث تكون زياراتك لهم زيارات رسمية ...و ان الا يعلموا عنك اى شىء....فلا تطلبى منهم اى طلبات او تستخدمى خادمتهم مهما كانت حاجتك لها ...ولا تنتظرى منهم اى مساعدة من اى نوع

شقول والله انا مسالمه مامدح نفسي بس والله نفسي افتك منهم المشكله ساكنه يم بيتهم يعنى كل تحركاته يعرفونها سوى طبخت ماطبخت رحت بيت ابوي اتغدى تخيلو يوم كنت ادرس كنت ارد الساعه خمس العصر ومرات ارد الساعه وحده وكنت اكل عندهم قالى عمي لاتجين تاكلين عندنا كل يوم اففففففف قرفتهم احين اداااروح اي زيارة غصب عني تخيلو مره سافرت مندون مااسلم عليه صارت السفره فجئة قالى كلام قوي من باب الادب والاحترام انى اخد الاذن منه؟؟؟؟؟؟؟؟؟ شنو انا متزوجته هو مع ولده والله حاله تصدقون لوادري عن اهله جذي ماوافقت عليه اتمنى الزمن يرجع ورى

والله تبين الحق اختي من باب الادب انك لما تسافرين تسلمين على اهل زوجك وتسالينهم اذا محتاجين شئ

وبعدين لو تفتح عمل الشيطان

ولا تنظرين الى الامور بتلك الصوره

اخذي الامور ببساطه ولا تلقين بال لكلامهم

اختك بالله
جينز

مشكوررررررين وايد انا بعد قلت جذي ماراح اطلب مساعدتهم تحت اي ضرف بس والله يقهرون مايرحمون ولايخلون رحمة الله تنزل تخيلو معي حاليا انا ادرس وامى عرضت على تعطينى الخادمتها يوم بسبوع عشان تساعدنى لانها تعرف بنتى وايد شيطونه ومااعرف اسوي معاه اي شي بالبيت تخيلو انهم عارضو انى اخد الشغاله ليييييييش؟ مادري يقولون انه مب عدله ساعات اقول اطنش احسن ليما الله يفرجها ونسكن بعيد عنهم والله شقول عن عمي ماعليه اي عيب يشوفه يكلمنى بروحى وباسلوب حلو مو بتعصيب من كثر ماهو فارض سيطرته تصدقون ان حنا كان عندنا شغاله بس بسم عمي وحنا ندفع لها وتشتغل لنا ادايبها باي وقت نعطيهياه غير هدا ان سفرها مندون اي وجه حق حتى زوجي عصب على الموضوع بس اكيد مايسترجى يكلم ابوه ادعوي لي بس الله يفرجها بسرعه وابتعد عنهم اول ماتزوجت اسمعهم دايما يذمون بزوجه ولدهم الكبير على رغم انه تصير بنت اخت عمي دايما يدمونها وادا مر زوجها البيت لهم يحسسونه انه مظلوم وكاسر خاطرهم وديما يحاولون يحسسونا انهم مشفقين عليه حتى انا كنت اتسائل اقول ليش هو مزوج اسد يعنى لهدرجه بعدين والله زوجته طلعت مع العشره خلوقه ومؤذبه وفوق هذا حلوة بس صدقونى كثر ما الاهل يشكون من زوجه مهما كان الزوج يحبها ياثر على العلاقه ويسبب مشاكل كلمت زوجى قلت ليه مابي احد دخل فينا سو انى امشي سياره او ماامشي هدا حياتنا رفض الموضوع وقالى مايصير اقول لابوي هالاكلام مع العلم انى امشي سياره حاليا بس شوي خوافه مامشي الاماكن البعيدة بس الله يهديهم بيت عمي قاعدين يدرون حجج عشان يشعلون بينا المشاكل

اختى والله كانت السفره جتنى فجئه وكلمه زوجي يفهمهم الوضع يعنى ما كان في مجال حتى انى اسلم عليهم بس مالح حق يقولى ماتسافرين اله باذني

هو اكيد اسلوبه سئ معاك

بس يا اختي مالك الا تصبرين صدقيني عامليهم بالطيب انتي الي راح تكسبينهم

ولا تشتكين لزوجك ابد خليك كبيره بعينه تراه يحس ويشوف بس ما يقدر هم اهله بعد

الله يسخرهم لك ويسعدكم

اختك بالله
جينز

شوفي يااختي العزيزه لاتواخذينهم انا ابو زوجي بعد عصبي بس والله على قلبي زي العسل لان الكبار المفروض مانواخذهم زمنهم علمهم القسوه فعادي تحملي هذول قدوتنا في الحياه