|
أزواج ولكن
بسم الله الرحمن الرحيم والصلاة والسلام على سيد الخلق اجمعين السلام عليكم ورحمة الله وبركاته كيف حالكم جميعاً يشعر كثير من الأزواج المتزوجون:d في مواقف كثيرة باحراج منقطع النظير ليس له (الاحراج) اسباب واضحة المعالم وقد لا يشكل لدى البعض شيء يذكر لكنه للكثير منا يشكل و يشكل و يشكل مثلاً تخيل ايها الزوج انك في المكتب وفجأة صديقك (الملقوف) يقلك فلان شوف شعرة ذهبية طويلة على كتفك:d حلو لون هالشعرة طبعاً في ناس ما شاء الله تبارك الله يلقط الشعرة من العجينة:d وصديقك يعرف انك متزوج وهذي بالتأكيد شعرة زوجتك ماذا ستفعل في تلك اللحظة اعطيكم خيارات الخيار الأول ستفقع وجهه ببقس الخيار الثاني ستفقع وجهه بكف الخيار الثالث ستفقع وجهه بمقفى يدك:d (خيار رابع مستبعد) ستقول ايه هذي شعرة حبيبتي زوجتي هاتها لا بارك الله فيك ولا في عويناتك:d موقف ثاني تخيل كنت نهاية يوم اربعاء في العمل واتفقت مع الزملاء تتقابلون اليوم في استراحة ما ورجعت البيت وانت طالع صلاة العشاء ومتكشخ صادفت زوجتك متكشحة (غريبة:d ) سألتها بعينان تملؤهما البرائة :19: خير وين رايحة قالت لك مو انت وعدتني توديني السوق (انت كنت مواعدها ونسيت) وانت تحب زوجتك وما تقدر تزعلها هل ستتصل باصحابك تقلهم تعبان ما اقدر اجي طحت من فوق العمارة وجاني صداع:d ام ستتصل فيهم تقلهم ولد عم صاحب اخوي من الرضاعة صار عليه حادث بروح ازوره:25: و(جواب آخر مستبعد) ستتصل باصحابك تقول بودي زوجتي السوق وإن خلصت بدري جيتكم:25: كثيرة هي المواقف التي وللأسف نشعر بالحرج فيها ليس لأنها محرجة بل لأن لدينا ثقافة غريبة فمثلاً صديقك عارف انك متزوج ويعرف ان زوجتك حرمه والحرمة فيها شعر والحليب عند البقرة والبقرة تبغى حشيش:d آسف تحمست للأنشودة:o نرجع للحرمه والحرمه شعرها حيكون طويل وله لون اذا ما كان ذهبي حيكون اسود، اخضر، ازرق اي لون ومو نهاية الدنيا ان صديقك شاف شعرة زوجتك يعني الموضوع بسيط ودمتم |
صح لسانك كلامك صح وموضوعك حلو وعلى قولك مو نهاية الدنيا والانسان الحكيم يعرف كيف يتصرف بهاالمواقف بحكمة من غير مايفلت اعصابه
|
يافاغر
اجل لو تشوف اللي عندي زوجي يستحي حتى يطالع فيني عند اهله ولا يمسك ايدي ولا يسولف معي كانه ميعرفني وكانه عيب الواحد يكلم زوجته وولا عالشعر كم من مرره هاوشني لاني احضنه قبل لايطلع وشعري يمسك فيه ويقول انه يعلقون عليه في الشغل وكسر خاطري وصرت لما اجي احظنه يدفني ويقول ماله داعي احراج وطبعا معمره جاب ورد لي عشانه ساكن مع اهله ويمكن يشوفونه وهو شايل الورد ولما نطلع مع بعض حنا واهله تخيلو يقعد يصبصب للكل عساس احترام ويتعداني عشان يقولون بطلللللل والله ميحب زوجته اكرهه من كل قلبي |
اقتباس:
وعليكم السلام ورحمة الله وبركاته الحمد لله أنك أقتنعت أنه لابد الرجوع للإسم اللامع "فاغر" نعم هو أسم ارتبطنا فيه وأعجبنا . أما بخصوص الموضوع والحمد لله أنا بعيد جداً عن الاختيارات العنيفة ولكن للأسف صديقي في العمل يتحرج من ذكر فقط عدد اخوته البنات فما بالك لو أقوله شعرة ذهبية ولا فضية :d عاد هذه قناعاتهم وأنا احترمها . أما حكاية أحترامنا لمواعيد الزوجة فهذه للأسف مازالت النظرة الغبية المتداولة بين الرجاجيل "ها خايف من مرتك" وتلقاهم أول ناس يخافون من حريمهم بينما نحن نحترمها . وسلامتك . |
والله انك يا فاغر مواضيعك وااااااايد تعجبني وما فيها حييييييله صراحه وتضحكني وانا دايما انتظر مواضعك اللي اكثر من روعه والله يعطيك الف عافيه ..
وبصراحه انا ودي اعرف ليش الرجال يستحون جذيه ... والله حاله ما عطيناكم نحن الحريم نبا سبب بس عشان نتكلم عن ازواجنا |
هلا فيك اخى فاغر وينك ما قراءنا لك شى منذ مدة كيفك وكيف اخبارك عساك بخير موضوعك ضحكنى والله لان هالمواقف دائما ما تحدث لى فى العمل لكن ولله الحمد انقذ الموقف قبل لا ينتبه احد لكن والله مشكلة
موضوعك جميل وغريب منك كعادتك دائما مبدع .تقبل مرورى اخوك حالة خاصة |
ماشاء الله
تعجبنى كثيرا طريقة طرحك للمواضيع أخى ((فاغر --- أسير )) فأنت ترسل رسالة مهمة فى قالب مبسط
اما بالنسبة لموضوعك فهو جدير بالاهتمام و أترك فيه المشلركة للمتزوجون . |
بالنسبة لـ الموقف الاول
بأقول له .. (( حبيبي عيونك 10 / 6 )) :( لان لو تلقى ( شعره وحده ) ما تقدر تميز لونهـآ .. :D بالنسبة لـ الموقف الثاني احاول في البنت .. أنهـآ تأجل الروحه ! اذا كان راسهـآ يابس .. (( الشكوى على الله )) .. نوديهـآ و نخلص سريع سريع و الحق على الشباب ! ================================ و نرررجع و نقول .. ومو نهاية الدنيا ان صديقك شاف شعرة زوجتك |
كلام جميل
اخوي فغرور الي ماهو مغرور ولكن مافهمت وش علاقة الموضوع بالمضمون |
الله يسعدك .. طريقة جميلة لعرض موضوع جاد مثل هذا ... كتبت فأبدعت حقا.. الله يرزقك ياااااااااااااارب ويحفظك من كل شر ..اللهم آمين |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©