|
تصرفاتي طبيعيه او انا جريئه !!!
السلام عليكم ورحمة الله انا بنت مخطوبة .. واعلنت خطبتي رسميا من فتره لاحظت تصرفاتي استغربت شئ من نفسي بكلمكم عن نفسي اول شئ انا عمري 21 .. ادرس بالجامعه شخصيتي عمليه جدااا وجديه كثييييير .. واحب الرسميه كثير وما اعتبر نفسي جريئة .. لكن في مجال دراستي احاول اوصل الى الجرأه علشان امشي امور نفسي كـ مثال صغير .. بدل ما ادخل واسطة بيني وبين الدكتور مثلا رئيسه القسم اشجع نفسي واكلمه مباشره واخذ منه المفيد افضل من نقل الكلام او كان قلتي له وانا قصدي كذا وهكذا رأيي بنفسي .. انسانه حساسه جداااا وسواسيه نوعا ما .. يعني افكر واقول يمكن ضايقت فلانه بكلمتي ويمكن ويمكن احاسب نفسي كثير البعض يقول تتمتعين بشخصيه قوية .. عصبيه .. تفكيري واقعي احس انى مكابره ببعض مشاعري ! <<- يعني اظهر العكس او اخفيها تماماً !! الآن بعد هالمقدمة عن نفسي قلت لكم انى مخطوبة قبل الإعلان الرسمي جا خطيبي وشافني طبعا مثلي مثل اى بنت توترت وحسيت بخوف بس ماكان يبين على قلقه من داخلى بس ما ابين لاحد من اهلى تجرأت مره وقلت لامى ان الموقف صعب بس لابد منه حاولت تخفف على وقالت لى اذا صعب عليك تدخلين ممكن هو يدخل على بالمجلس الثاني بس انا رفضت وقلت صحيح صعب بس مو مشكله حالى حال غيري المهم دخلت حسيت انى بكون متوتره او بيبين على التوتر اكثر بس ماحسيت انه بين على مثلا وانا داخله ماقدرت التفت عليه واشوفه مشيت الين جلست على الكنب بس اثناء وانا امشي حسيت رجولى ترتجف وبمجرد ماجلست هديت ولما كلمني لاشعوري رفعت وجهى وطالعته وبعدين انصدمت من نفسي كيف اطالعه ورجعت نزلت عيني ونفس الشئ لما رجع كلمني بدون ما احس رفعت عيني وشفته بتقولون لى احسن المفروض تشوفينه اوكي ماراح نختلف بس انا احس نفسي وقتها نسيت ان اللى يكلمني خطيبي وكأنه مثله مثل اى شخص يكلمك طبيعي ترفع عيونك وتطالعه <<- حركه لا اراديه جلست اوسوس يبني وبين نفسي ليه كذا ؟ معقول انا جريئه الى هذه الدرجة !! مع العلم انى ماتكلمت معاه بس رديت على اسألته فقط وبأجوبه مختصره جدا جدا كلمة وحده بس على كل سؤال وانا ماسألته ولاسؤال ولاااشئ بس جاوبته وبعدين لما حسيت انه بدأ يآخذ راحته بالكلام عجبتيني وما ادري ايش شلت عمري وهجييييييت من المجلس بدون ما ارد وكنت احس بالوقت طوووووووويل جداا مع انى ماجسلت الا 3 او 4 دقايق الموقف الآخر لما جو اهله يباركون الخطبه امه وخواته على انهم ناس اول مره اشوفهم حسيت بقلق خفيف بس مو مره كثير مع العلم انى متعوده على الناس وعلى الحريم (يعني متعوده على تواجدي بينهم واستقبالهم بس مو الكلام معهم) <<- دايم ساكته مع الحريم يعني امي احيانا تهاوشني وتقول لي اذا احد قال لك شخبارك يافلانه وكيف الوالد والوالده والاهل ردي عليهم وقولي وانتو وش اخباركم وسألى عنهم اقول لها استحي ما اقدر :25: قبل فتره كان عندنا مناسبه وكنت انا ماسكه المجلس بحكم انى البنت الكبيره بالبيت اشوف الداخل والطالع يعني مو ما ادخل عند الحريم ابد فأنا اسمع البنات لما تدخل على اهل خطيبها ترجف وتخاف انا ماحسيت بهالشئ لانى حسيت انهم حريم حالهم حال اى حريم ممكن يجون وسلمت عليهم عادي ماحسيت انى ارجف ولاشئ يمكن كان يبين على بس انا ماحسيت بنفسي ولما سألتني امه كيفك وكيف دراستك يعني شوي استحيت بس عادي طالعتها ورديت عليها كـ اجابات على اسألتها بس (حسيت انى مستحيه بيني وبين نفسي بس ما احس انه بين لان انا كذاا ما ابيه يبين) وبوقتها ماتحركت ولاسويت شئ جلست شوي وحسيت انى لازم اطلع والله ضايق صدري من نفسي انا تربيت في بيت محافظ جدا جدا جداااا وما ودى اكون جريئه الى هالدرجة انتم ايش رايكم بموقفي تحسون طبيعي او المفروض يكون قلق اكثر احيانا احس نفسي من كثر ما انا ما ابي يبين على انى مستحيه صرت فعلا امثل دور اللى مو مستحيه .. لان ما ابي احد من اهلى يعلق او يضحك ياحليلها مستحيه <<- اعصب مررره مثلا قدام خوالى واخواني اسوي نفسي ناسيه الموضوع واجلس معهم عادي لانى لو حطيته في بالي ماراح اقدر اتكلم معهم ولا اطلع عندهم ما ادري والله عن نفسي اتمني انكم فهمتوني وعذرا ان كانت افكاري مو مرتبه بس الموضوع شاغل بالي وايش تتوقعون رد فعله هو مع اهله مني .. ايش ممكن قالو عني بخصوص هالموضوع مع العلم انهم خطبوني بدون مايشوفوني بس من كلام الناس عن امي وعني وعن العائلة فقط شكرا |
اذا انتي تقولين عن نفسك جريئه عشان سويتي كذا فانا اجل اكون .................، ياختي انتي حساسه والا اللي سويتيه اقل من المطلوب، يعني الغرض من الشوفه الشرعيه انك تكلمينه ويكلمك وتشوفينه ويشوفك عسى ان يؤدم بينكما، اما بالنسبه لاهله فصراحه ماشوف له داعي الحيا احس هذا كان زمان اول لكن الحين الوحده تدخل وتسلم صح ما تمصخها بالترحيب عشان مايحسون انها راميه نفسها على العرس لكن تسولف سوالف عاديه اصلا جيتهمم مو بس عشان يشوفون زينها بس؟ هي مب اثاث بينحط في البيت لكن عشان يسمعون ويشوفون طريقة الكلام و اللباقة في الحديث،
ارجو اني اكون خففت عنك شوي ونصيحه خففي من الحساسيه شويلانها بتتعبك وان شاء الله نسمع خبر زواجك قريب ونصيحه ثانية وقتها بلاش رسميات مع زوجك لا يهج بالتوفيق :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: :14: |
:d صج ضحكتيني وين الجرأة ؟؟؟؟؟؟؟؟؟؟؟؟
حبيبتي أول شئ :14: :14: :14: ... ثاني شئ انت وااااااااااااااااااااااااااااااايد مكبرة الموضوع ... انت تصرفتي بعين العقل ، تصرفاتج جدا طبيعيه على حسب ما قلتي ، يل حبيبتي لا تفكرين في الموضوع ولا شئ ... الله يتمم لج على خير ، ويعطيج خير المعرس ويكفيج شره .... |
اقدر اسميج مب خجولة
بس انج انتي جريئة ؟؟لا ولا يخصك طبيعي جدا وعاااادي وبالتوفيق |
تصرفاتك طبيعيه جدا وتدل على انك عاقله ورزينه ماشاء الله
واكيد عجبتي الولد واهله علشان كذا تممو الموضوع |
إشفيج يا أختي مكبرة الوضوع زيادة عن اللزوم؟؟
الموضوع كلش عادي؟؟ يعني انت الحين متضايقة من شنو؟ |
تصرفاتك جدا طبيعية بس انتي مكبرة الموضوع ماله داعي الخجل تصرفي على طبيعتك الله يتمم لك على خير ويوفقك ان شاء الله.......... |
السلام عليكم ورحمة الله وبركاته
اختي الكريمه شكيت بنفسي انا اللي كاتبه الموضوع:11: لأن كل اللي قلتيه حسيته بنفسي عزيزتي ،،،، 1_ اسميها ثقه بالنفس 2_ اسميها الأعتماد على النفس 3_ اسميها القدره على التحكم بإظهار المشاعر رغم انها تختلف من الداخل 4_ بحكم اختلاطك ومعاملتك مع الرجال كالدكاتره والأساتذه وغيرهم استطعتِ ان ترسمي شخصيتك القويه ورسمتي حدودك وطريقة تعاملك معهم وبالمقابل حينما قابلتي خطيبك تعاملتي معاه مثل ماتعاملي اساتذتك في الجامعه بكل ثقه هذا لايعيبك بالعكس جميل لكن نصيحه لي قبل ماتكون لكِ الرجل مهما اعجب بالفتاة على انها قوية الشخصيه وواثقه يحبها ان ترضخ له فكل اللي عليك دربي نفسك انك تكوني اكثر تدلل وحياء امامه وامام اهله على الاقل لفتره حتى تعرفون اكثر بعض حاولي قد ماتقدري كلمي نفسك وتراجعي اثناء الموقف احلى شي الصمت مع :) الإبتسامه ادري انك مو متعوده لكن لازم تتعودي انا بحكم اختلاطي كثيرا مع رجال وتعاملي معهم لأن ماعندي لا أب ولا اخوان يقضون مصالحين اضريت ان اكون قويه حتى لايستغلني من توسوس عليه نفسه وايضا قدرت اتحكم بنفسي في المواقف التي يحتاج لها الشخصيه القويه تكون موجوده لدي التي الكل يتعجب منها الكثير والوقت الذي يجب علي ان اكون انثى تجدين الأنوثه بكل معانيها حاولي عزيزتي ولا تشيلي هم الموضوع بسيط اهم شي ان تكوني متفاهمه مع خطيبك وحاولي قد ماتقدري تظهري اعجابك برجولة وشخصيته وانك تشعرين وانت معاه بأنوثتك الحقيقيه اهم شي لاتظهري شخصيتك القويه معاه يعني اذا كنت لوحدك من غيره اثبتي شخصيتك القويه وإذا سألك قولي له لازم اكون قويه لان مافي احد غيري واخاف احد يتغفلني لكن لما تكون معايا اشعر بالأمان والثقه بك فلا احتاج ان اظهر الوجه الاخر :) يعني اتمنى انك فهمتي عليه كيف تتعاملي معاه ولاتنسي ياعزيزتي صلاة الاستخاره والدعاء والاستغفار وقيام الليل واخيرا:: اسأل الله العظيم رب العرش العظيم ان يفتح لك ابواب رحمة ويألف بين قلبك وقلب زوجك ويجمعكما على خير بإذن الله ويجعلك قرة عين له ويجعله قرة عين لكِ حصنتكم بلا اله الا الله |
اقتباس:
اولا :: بارك الله على تفاعلك على الموضوع الأخت السائله ... ثانيا :: اتمنى منك في المرات القادمه وكل الاعضاء وأنا اولكم طبعا ولاانسى نفسي عتدما يكون الخطاب بيننا معشر الرجال مع أخواتنا الأعضاء أن يكون ردودنا بدون عبارات (( حبيبتي )) (( او نحوها من الكلامات )) واعذروني على هذه المداخلة ...... بالنسبة للأخت السائلة :: أقول بارك الله لك فيه وجمع بينكما في خير ... لاعااااادي جدا .... يوم رحت أخطب أم اسامة الله يحفظها ... كانت داخله تسلم على أمي وكأني لست بالمجلس وعندما شافتني انحرجت واااجد وبعد ماجلست اصبحت اكثر عليها من الطلب (( ارفعي راسك )) ابي اشوف العيون وتشوفيني بعد حتى امها الله يحفظها وقفت في صفي وقالت لها يابنتي ارفع عيونك وشوفيه وبعدين الاحراج او سميه الحياء افضل للبنت انت يوم طالعت فيه شيء عاااادي سوتيه وحتى انك ماتكلمتي معاااه وجلست بس 3 - 4 د بينما انا جلست معها يوم النظرة الشرعيه تقريبا 15-17 دقيقة ... بس انا صرفت الموضوع شوي وطلبتها ماء وراحت ورجعت وخففت على نفسها شوي ... انا اقول انت لاتبالغين في هذا الموضوع ... انتي ماتكلمتي وكانت اجاباتك مختصره جدا جدا (((( ههههه)) ايش بقي ... والله يتمم بخير ,,,,, يارب العالمين |
حبيبتي مثل ماقلتي توسوسين كثير انتي طبيعيه جدااااااااااااااااااااا بالعكس هاذي مو جراه ابدا لاتشغلي بالك في شي وربي يوفقك إن شاء الله
الاشراف: أخي الكريم لفظ المشيئة يكتب هكذا (ان شاء الله) بارك الله فيك |
| الساعة الآن 12:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©