|
أحب رجل متزوج
بابدا بقصتي والله يستر علي ويغفرلي
مشكلتي تعرفت على واحد وحبيته والمصيبه متزوج وانا زواجي قريب وكلنا فاهمين وضع بعضنا ولا احد قادر منا يتكلم بمستقبلنا وش نهايتنا مع ان كثير تصير مواقف سوا من طرفي او من طرفه ودايما تصير له مشاكل بسبتي والله يستر علينا دايما بمواقفنا اللي صارت لنا وتعدي على خير مااني قادره اتركه يعني فعلااااااااااااا حبيته من قلبي مو سواليف وطقطقه اكييد بتكرهوني وتقولون ماعندك احساس مررررررررررررره حاولت افاتح صديقتي بالموضوع وما عطتني فرصه تقول المشكله اني اعرفك وماصدقتني بكلامي الطامه الكبرى اني طحت بهالطريق وانا كبيره وعاقله وعمري 23يعني مو سن مراهقه واقول لاحرج\ مرره اقول حرام اللي تسوينه وبنفس الوقت ماني قادره اتركه متعلقه فيه وادعي ان ربي يكرهني فيه وانه يكرهني واحيانا اتعامل معاه باسلوب ابيه يمل مني شي مالقيت اي نتيجه بصالحي ومره اقول ياليت علاقتي فيه موحرام ابي رايكم بهمي والله فضيحه والله لايبلاكم باللي بلاني فيه الله يخليكم ماابي سب ابي حلول لها نتايج والله يوفقكم |
ياماشي بدرب الزلق لاتامن الطيحة
التوبة والرجوع عن الخاء فوراً ما ذنب زوجتة وما ذنب زوجك حتى تتبادلا الخيانة هل ستجدين من زوجك العفوا والصفح اذا اكتشف هذه الخيانة (الحب) الاجابة لالالا النتيجة طلاق لكي وخراب بيت وندم حين لاينفع الندم وياليت ولو فى ساعتها ستكون اتت فى غير وقتها توبي الى الله توبة نصوحه وارجعي الى عقلك وفكري فى زوجك وحافظي على سمعتك واحمدي ربك ان امرك لم يفتضح الى الان توبي توبي توبي وارجعي لله عز وجال واستغفري لذنبك |
عزيزتي ماذا تتوقعين ان تكون ردة فعل الاعضاء .... وانت تقولين انك غير مراهقة ومشيتي في الخطأ
الله يهدديج لا تتركي العواطف تسيطر على قلبج ولازم اتعرفين ان الرجال الي تعرفتي عليه استحالة بيتزوجك في يوم من الايام ... (( ولا رجال يتزوج الي كان يكلمها لان وحتى لو تزوجوا فترة وينفصلون وتكثر المشاكل ))) ... اكثري من الاستغفار والتقرب الى الله .... |
الله اكبر على الخيانة 1_خيانة الله والرسول 2- خيانة زوجك 3_ خيانة صديقتك 4_ خيانة اهلك وسمعتهم وهل تعلمين انك الان في تعداد الاموات لان عقوبة المتزوج الزاني الرجم حتى الموت بس وين الي يطبق الحدود ؟ اتقي الله في عيالك وفكري في سمعة زوجك واهلك وفي مخافة الله وتوبي الى الله قبل ان تفضحين فباب التوبة والاستغفار مفتوح وان ربك لبالمرصاد ويمهل ولا يهمل والحليم تكفي الاشارة واستغلي قدوم رمضان لان هذا كله من فعل الشيطان توبي الى الله توبي الى الله توبي الى الله
|
لا لا تقولي ماعندك ضمير انتي كونك هنا وتشكي وتبين الحل معناته عندك ضمير وتبغين التوبه واحد يساعدك للطريق السديد
وانتي اكيد تعبانه وتبين الراحه وبالنسبه للعلاقه لم تكن واضحه هل هي وصلت لحد الزنا ام فقط مكالمات وسوالف هناك فرق والي فهمته انتي الى الان لم تتزوجي بعد ولكن زواجك قريب يعني الحين ممكن تشوفيه او تكلميه بس بعد زواجك ودخولك بيت زوجك سوف يكون هناك فرق وراح تختلف الامور فاستغلي هذا الشئ وافتحي صفحه جديده بزواجك وعاهدي ربك ثم نفسك بالتوبه واجعلي زواجك بدايه لحياه نظيفه جميله باذن الله ولا تخافي على الرجل الي تكلميه عنده زوجته وعياله وبيكون مشغول معهم ويمكن تتحسن علاقته فيهم بعد ما تتركيه بالتوفيق تالا وبس |
اختى ابتعدي عن هذا الرجل المتزوج ا .............. لاتوقعين نفسك في مشاكل انتي في غني عنها..............بكرة لما تتجوزي هتنسيه ان شاء الله ....عليشان ربنا يبارك في عيشك الجديد مع زوجك المستقبلي باذن الله ى
|
مثل ماقالت اختنا توتو انت لم تاتي الى هنا الا لان ضميرك صاحي 100/100 غالييتي ان لم يراك الناس وزوجك وزوجته فان رب العباد حي قيوم يراك استشعري ذلك وانت تكلميه انك مراقبه وانك محاسبه ان ذنبك عظيم وهو من خطوات الشيطان قديودي بك الى مالاتحمد عقباه وانت ان تزوجت لابد وياتي يوم خصام مع زوجك وروتين تريدين فيه التغيير هنا ستكون الطامة الكبرى اللتي قد تهدم حياتك مع زوجك ويلحقك العار الى ان تموتي ان لجات اليه في الوقت الذي هو مستمر في حياته مع زوجته مطمئن البال فهمتيني يالغاليه |
انا مع كلام الاخوات بما انك هنا بالمنتدى وكتبتي مشكلتك معناها ان ضميرك بدى يصحى بعد ما كان غافل لفترة وعدنك ضمير 100\100 بس محتاجه للي يوقف معك ويشجعك انك تتركي الطريق اللي مشيتي فيه اقطعي علاقتك فيه واستغفري ربك وتقربي منه اكثر وشهر الخير والمغفرة على الابواب فرصة عشان تتخلصين من ذنوبك الله يهدي الجميع ان شاء الله....... |
عيوني ..
أتخيلي مرارت الألم لو كنت إنتي مكان زوجته لا زم توقفي وقفه صادقه مع نفسك وتوقفي الي بيسير ..عشان نفسك .. وحتى لو تعبتي معليش أستحملي بعدين رح تشعري بالرضى عن نفسك صدقيني الله يعينك ويوقف معاك تحياتي |
ليش ماتحطين نفسك مكان زوجته هالمسكينه الي تلقينها حاسه بتغيره ولا تدري وش السبب ولا يمكن تدري وقاعده تتعذب بسببك خافي ربك ترى الدنيا دواره وكما تدين تدان دام ربي منعم عليك بزوج ليش ما تبادلينه العواطف وتتركين الرجال لحرمته انتي على وجه زواج ما تخافين ان زوجك بيوم من الايام تلف عليه وحده مثل ما لفيتي عليه وتاخذه منك بعدين تقولين حاولت اخليه يمل مني وما قدرت عذر اقبح من ذنب ليش يعني انتي زايده عن زوجته بشي لاااااااااااااااحبيبتي بس هالنوع من الرجال يحب المغامره وقاعد يتسلى فيك والشيطان قاعد يوسوس لك انك تحبينه ----------صدقيني هالطريق مامنه الا الدمار ابعدي عن الرجال وخليه يرجع لحرمته هذا اذا كان فيه رجاء يمكن يكون تعود على هالطريق ونفسه صدت عن زوجته بسبتك -----------يمكن يكون ردي شوي قاسي لاني عانيت من هالمشكله من ناس ربي منعم عليهم ببيت ورجال طيب وحبوب بس مالهم هم الا خراب البيوت اتقي الله اتقي الله في نفسك وحاولى تتقربين من زوجك تراك بنعمه غيرك يتمناها ------ياختي لا تتعذرين كلها بطاقه سوا ارميها بالزباله وطلعي بدالها وانتهينا لان مو معقول انك تكلمينه من جوال عام اصلااااااا مستحيل
|
| الساعة الآن 06:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©