|
تصدقون عندي مشكلة
بسم الله الرحمن الرحيم والصلاة والسلام على سيد الخلق اجمعين وعلى آآآآله وصحبه اجمعين ومن تبعهم واقتفى أثرهم بإحسان إلى يوم الدين اللهم اغفر لي وللمؤمنين والمؤمنات والمسلمين والمسلمات الاحياء منهم والأموات وبعد عندي مشكلة مزعجة:( ومحيره:23: وتتكرر يومياً مزعجة لأن فيها احياناً تهزيء وأحياناً وعيد وأحياناً الفاظ غير لائقة ومحيرة لأنها تحدث بشكل يومي وتنتهي ايضاً بشكل يومي انا استيقظ دوماً قبل زوجتي عشان الحق صلاة الفجر وارجع بعد الصلاة عشان أوقظها وعندما أوقظها ولا شعورياً تقوم تهاوش فيني وتهزئ يا لدب طير وخر عني وجع انقلع عن وجهي ترى ان قمت لك شتك شوت او قرب حبيب شوي ولما اقرب:o ترفسني:d وبمجرد تنتبه لنفسها تتأسف وتعتذر وخلاص توبه وتحب على راسي وتدغدغني:d وليت لساني انقطع وما قلت لك .... وليت يدي انكسرت وما سويت فيك .... ونرجع ثاني يوم نفس الموال وهكذا لنا 3 سنوات;) وبما انها ناوية بعد التخرج تتوظف فالمشكلة مرشحة للاستمرار لسنوات اخرى انا ادري انها تعبانه وخصوصا لان الاولاد ما يخلونها تنام بالليل لكن كمان احياناً افكر في افكار شيطانية افكر اخليها نايمة واروح لعملي ويروح عليها الدوام (كحل مؤقت):25: واحيانا افكر اخنقها وهيه نايمة (كحل دائم):d فأي حل ترشحون لأخوكم ابو الفغاغير:( |
اخي .. انا انصح انك تبين لها فوائد وفضائل صلاة الفجر وترهبها من ترك هذه العباده بان اللي ما يصلي الفجر في القبر راح يكون مع الافعى ..:29: وهذا شي بروحه يخوف والله يكون بعونك
|
والله ولا حل من الاثنين ينفعون
لكن من رأيي قبل لا تصحيها تلبس درع واقي وتتقدم مرفوع الرأس وفق الله مساعيك ولو انا منك ما اصحيها الا وانا عند باب الغرفه علشان اي موقف عنف اي كوع اي بنيه اي شوته ايتها حاجه تجي في الهوا ويمديني اشرد مع الباب مالك الا الصبر على ام عيالك...زي ما نصبر عليكم يارجال اصبروا علينا واجرنا واجركم على الله |
يا فاغر .. اخيرا حصلناك .. وانااا اقووول من هاي ASSER_26 .. لكن الاحلى من موضوعك .. العنوان .. الله يخليك لزوجتك ويخليها لك .. |
انت تقومها بعد الفجر بشويش وتترفس :24:
الحل :22: انك تقومها قبل الفجر :17: بترفس وطقاق ونفس خايسه:18: ومثل دور المعصب عندها عندها فقط بتقوم بشويش وخايفه بعد:24: |
الحل الوحيد وهو الصبر والاستمرار في كسب الحسنات هي مقتنعه إنك على صواب والدليل اعتذارها بعد ماتفوق من سكرة النوم . أسير أنا كنت مثل زوجتك وكنت أقول للوالدة ومن بعدها زوجتي الطرق السليمة لإيقاضي : 1- مناداتي بالإسم . إذا مانفع 2- هزهزتي هز خفيف باليد مع الصوت . إذا مانفع 3- اغسلي يدك بماء بارد و ضعي يدك على خدي . 4- رشي ماء على وجهي . 5- (من جد اتكلم ) الركض لخارج الغرفة بعد تطبيق 3 أو 4 وعلى بال ماالحقك في الشقة يكون فقت من نومي واستوعبت ايش اللي يصير واوقف المطاردة . إذا مانفع أو بالأصح إذا خفتوا من التطبيق (وهذا اللي حصل والدتي وزوجتي رفضوا 3 و 4 بسبب 5 ) 6- قبل صلاة الفجر بنصف ساعة أطفئو المكيف علي ، وعند الأأذان ايقظوني بشكل عادي . طبعاً هاذي مايسويها اللي فاضي لك وما فضى أحد لي يقوم قبل الصلاة بنص ساعة عشان يطفي المكيف . لذا الآن وجدت حلين منا سبين لي وللجميع : 1- ارسال أحد بناتي الصغار لإيقاظي ، ولأنهم صغار ماأقدر انافخ عليهم وعشان لايكرهوا الصلاة (طبعا صلاة غير صلاة الفجر ) . ونجح هذا الحل مع صلاة العصر حيث أكون في قيلولة ، ومع صلاة المغرب والعشاء لأني أكون على الكمبيوتر . 2- اهتمامي انا بالصلاة ، أنا انسان واقعي نعم كلنا نهتم بصلاة الفجر نظرياً ولكن عملياً لأ ، لذا لما أجهز نفسي من الليل للقيام لصلاة الفجر تجدني أستيقظ قبل الساعة ماترن . موقف طريف حصل لي : عندما كنت عزابي كنت أنام في شقة لوحدي ، وأتت الوالدة في يوم من الايام لتيقظني لصلاة الفجر وقلت لها طيب ورأيت طفل صغير ممسك يدها وبفمه والله اعلم لهاية ، المهم قلت لها طيب وقلت في نفسي إذا صحيت أسألها عن هذا الطفل طفل مين ورجعت نمت . بعد ماصحيت (طبعاً وللأسف ماصليت الفجر في وقتها ) سألتها مين اللي كان معاكي ؟!! قالت : ماكان معي أحد بسم الله الرحمن الرحيم علي ، لا يكون في الشقة جن :24: . ومن بعدها ماصارت تجي تصحيني :d ، خافت على نفسها الله يحفظها . المهم يا أسير طولت عليك بالنسبة لزوجتك مثل ما قلت لك أصبر على مايأتيك منها ، مثل ماأنا صابر على زوجتي ومثل ما زوجتي ووالدتي صابرين علي . |
يا هلا ..
بصراحه ما الووووم زوجتك .. اذا كانت تربي يعني عندها طفل طوووول الليل مسهرها .. القومه من النوم صعبه خاصه اذا كانت تو عينها غافيه .. حاسه بشعورها ... يعني يا خوي حتى لو ترقعك كفين احتسب الاجر عند رب العالمين .. اهم شي اخوي انك ما تفكر تشغل عداد النذاله .. اعتبر نفسك انك مجاهد في ساحة حرب و لازم تتحمل الطعنات و الاصابات و الاهانات و التجريح ... لانك بعدها بتسمع الكلام الحلو من ام العيال .. وربي يسعدك يا ابو الفواغر البطل.. أميرات ... |
الله يهدي زوجتك انا عكسك تماماً والله يهدي الجميع
|
أخي أسير..
أعجبني أسلوبك في سرد قصتك الغربية مع أم العياااال.. الله يساعدك على تقويمة الفجر.. ههههههههههههههه.. |
: هل هيا تنام بعد مانتا تنام هذي في حد ذاتها مشكلة ؟؟ لازم تنام هيا والاطفال معاك ؟؟؟ لا تخليها تنام لوحدها ... نومها بدري معاك لاتدخل السرير وبعدين هيا بعد ساعة تنام ؟؟؟ لو كان من الاطفال وازعجاهم اوكي اتفق معاك انو يكون يوم يومين لكن مش ثلاث سنوات ؟؟؟
والله يااسير هذي تستهبل ثلاث سنوات تقوم وتتاسف مسالة هبل البعيد عن كل مسلم شوف اذا ضربتك عاقبها بنفس الطريقة اضربها وخليك واثق من نفسك ...... واجهها وكلمها على هذا الموضوع ... قل لها ثلاث سنوات وانا اكلمك وتسوي نفسك انك تعبانه ... هيا تقصد انو مالك شغل فيني انا اصحى بكيفي وله اوريك حضرب بطريقتي الخاصة واسوي نفسي اني نايمة وبعدها تمسح عليك كلمتين وتقول لك اسفة سامحني . واجهها بس لا تتأثر ولا تنهز وكلمها بهدوء الولهان |
| الساعة الآن 10:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©