سواقك سعودي تزوجيه
 

يا حبيبتي الله يرزقك بالزوج الصالح وبعدين هذي الادميه ليه ماسكتيها بكلمتين تخلينها تكره ابو اليوم الي ولدة فيه وش حارقها هذي .............عجيبه وسخيفه في نفس الوقت
حسبي الله ونعم الوكيل0

النوعية اللي مثل نوعية زميلتك ماينفع معها إلا الصمــت واللامبالاة

وكأنها تتكلم مع نفسهـا ..

لا تندمين لأنك مارديتي بالعكس أنا أؤيد ردة فعلك وصدقيني مش ضعف منك

لكن ترتقين بنفسك عن هالعقليات وتأكدي بأنه أي نقص تشوفينه فيها يمثلها فقط

وإحنا مسؤولين عن تصرفاتنا ولا يتضايق خاطرك أبداً .

الله يرزقك ويرزقنا ياريماني باللي يسعدنا ونسعده يـــــارب .

في الحديث المتفق عليه عن سهل بن سعد قال مر رجل على رسول الله صلى الله عليه وسلم فقال

رجل عنده جالس ما رأيك في هذا ؟ فقال رجل من أشراف الناس هذا والله حري إن خطب أن ينكح وإن

شفع أن يشفع . قال فسكت رسول الله صلى الله عليه وسلم ثم مر على رجل فقال له رسول الله صلى

الله عليه وسلم ما رأيك في هذا ؟ فقال يا رسول الله هذا رجل من فقراء المسلمين هذا حري إن خطب أن

لا ينكح . وإن شفع أن لا يشفع . وإن قال أن لا يسمع لقوله . فقال رسول الله صلى الله عليه وسلم :

هذا خير من ملء الأرض مثل هذا .


فأنت لست بأعلى شرف ولا نسب من خديجة رضي الله عنها فلقد تزوجت صبيها الذي يعمل

عندها لأنها عرفت قيمة الرجل ولم تترفع أنه صبيها , فنظرتها أشمل وأسع ادراكا منكِ ,مع أن ذلك

قبل اسلامها وقبل النبوة , وأنت الأيام كفيلة أن تعرفك قيمة هذا الشاب الملتزم .. سواء تزوجتي أو لم

تتزوجي ..

قبل سنة من الان تحدث امام المسجد عن رجل يعرفه شخصيا وهو حارس مدرسة بنات أن تزوج

مديرة المدرسة والوكيلة .. وهو حارس فقرااااااااااااااااااااان

بعض الناس عندهم لقافه زايده
او يكون مزحهم ثقيل دم

وبعدين مادري وش حارق رزها زميلتك
كانك قاعده على قلبها او تصرف عليييك

المهم ماعليك منها وطنشيهاااااااااا
والمفروض اول ماقالت لك تزوجيه كان قلتيلها تزوجيه انتي او زوجيه اختك
وسعي صدرك ياوخيتي
لو تزوجتي الناس بيقولون مافي شي بالطريق
وان ولدتي ........قالوا يله شدي حيلك جيبي له اخووو...يعني مافيه فككككككككه
وربي الناس مايتركون احد بحااااااااااااااااااااااااااااااااااااااااااااااله

الله يرزقك بالرجل الصالح والذريه الصالحه يارب

لو علينا ماعندنا مانع نتزوج الرجل الطيب الصالح سواء كان سواق او حتى حارس او وزير .. لكن كلام الناس والاهل اللي يتشرطو يمنعنا من ذلك ..


حبيبتي محد راح يجبرك تتزوجي شخص بعينه لكن لا تتعالي على احد حتى وانا كان سواقكم .. يعني كان ماقلتي لاعوذ بالله انا اتزوج سواق .. كان قلتي الولد ماينعاب وحتى شغله مايعيبه مو احسن من الولد اللي عنده فلوس الدنيا ونايم وصايع هنا وهنا ..



شوفي اختي صديقتك هاذي من النوعيه اللي ماينسكت على كلامها وتطنشيه لازم تردي عليها وتوقفيها عند حدها لانها مع الوقت بتتمادى .. ارجعي لمواضيع شوبارد وشوفي كيف كانت توقف هاذي النوعيه عند حدها ماشاء الله عليها الله يحميها ويكفها شر الحاسدين ..


الله يسهل امرك وامورنا .. ويرزقكم ماتتنيه عاجلا غير اجل