|
كم مصروفك من زوجك؟
السلام عليكم اخواتي كيفكم جميعا......... اليوم براسي موضوع وان شاااااااء الله يعجبكم وهو للمناقشه سواء منك او من الرجل ولكن هو خاص فيك.يا حواء...........بكتب با العامي والفصحى معليش.:15: سؤالي ........كم مصروفك من زوجك طبعا هذا لغير الموظفه وهل انتي راضيه فيه ولا تحسين انه قليل وما يكفي مصاريفك......... سؤالي مو تطفل بس من كثر ما شفت من مشاكل بين الازواج بسبب المصروف...... انا عن نفسي زوجي يعطيني 1300 كل شهر واذا كانت ظروفه ما تسمح من تسديد للاجار والفواتير يكون عيالي لهم نصيب منه..هذا اذا كان مضغوط ماديا..... والحمد الله انا عن نفسي راضيه وشاكره ربي........ واللي ما تبغى تقول بكيفها.........والله شكلي بنجلد على ها الموضوع بس تحملوني:16: :16: وبا النسبه للرجال اللي يرفضون يخصصون مبلغ معين كمصروف لزوجاتهم ليه......والله كثير يرفض يكون لزوجته مصروف يكون محدد لها كل شهر ويكتفي يعطيها على مزاجه.....والله حرام احس حق ا لزوجه مهظوم...:19: .... وهذي وجهة نظري ...واتمنى التفاعل في موضوعي لا تفشلوني,,,:d :d ,,,, وتقبلووووو تحياتي ...... وكل عاااااام وانت بخير بمناسبه قرب شهر رمضان المبارك الله يجعلنا من صوامه وقوامه قولو اميييييييين :17: :17: |
انا عن نفسي قبل ما اتوظف كان زوجي يعنطيني مبلغ بسيط بس كنت مشيه فيه حياتي وطبعا نظرا ان عندي مذخراتي من قبل كانت حياتي ماشيه عادي اليوم انا موظفه وما احس ان شي تغير لان الحياة غالية وكل شي مرتفع فما فرق معانا الوضع كثير بس الحمد لله على كل حال حالنا احسن من غيرنا بوايد
|
يا هلا فيك اختي بندوره ...
شوفي اختي انا صار لي 23 سنه متزوجه .. وعمره زوجي ما عطاني مصروف في يدي ... عادة انا اروح معه الي السوق و اشتري كل اللي محتاجته لي و للعيال و هو ربي يسلمه يدفع .. واذا احتجت مبلغ من المال افتح محفظته و اسحب اللي احتاجه واذا ما لقيت المبلغ متوفر في المحفظه اسحب البطاقه الذهبيه حقته و اسحب المبلغ اللي احتاجه ... و بعدين ارد له البطاقه مع الورقه بقيمة المبلغ اللي سحبته من رصيده عشان يعرف كم سحبت .. وفوقهم بوسه من عندي ... يعني مريحه نفسي من السؤال اذا احتجت شي ما يقول لي انا عطيتك مصروفك وين صرفتيه ؟؟ لاني اكره هذا السؤال .. شكرا خيتو على الموضوع .. أميرات .. |
تخصيص مبلغ للزوجة ماعتقد انه حاجه سليمة.
عند الذهاب للسوق اعتقد الزوج هو من يحاسب وكذلك عند تسديد فاتورة الزوجة. فلماذا المصروف .؟ |
اخ فهد مو كل الازواج يروحون السوق مع زوجاتهم ولا كل الازواج يدفعون فواتير الزوجات علشان كذا انا اشوف ان المصروف يمكن يكون ضروري لسد الحاجه دون الطلب
|
هلا بك حبيبتي نواره والله صادقه الحياة تغيرت والميه زي الريال وكل شي غالي........الله يوفقك...
اميرات هلابك وعيني عليكي بارده ومو كل زوج يرضى ان زوجته تاخذ بطاقته وتصرف على كيفها.....والله اعرف وحده تتمنى يحط بيدها مية ريال كل شهر......وانا عن نفسي غير مصروفي اذا رحنا انا وياه للسوق موب يقصر ساعات يدفع لي وما يسألني وين مصروفك.....هذا غير فاتورة جوالي عليه....الله يوفقك حبيبتي ويخليلك زوجك..... اخوي فهد الجبيل..با العكس انا عن نفسي اؤيد انه يكون لها مصروف معين تصرفه على كيفها وتشتري اشياء ممكن خاصه فيها وماتبغى زوجها يعرف او تدخره وتشتري حاجه في بالها.......مو كل ما احتاجت شي قالت لزوجها عطني بها الحاله هو راح يمل وبيعطيها مره .....والمره الثانيه بيقولها خلاص امس دخلتك السوق وش تبين اليوم بعد.....هذا الموال كل شهر طبعا.... واحترم وجهه نظرك.... |
انا عن نفسي قبل ما شتغل كان يعطيني 1000 والحمد لله مشيت أموري عال العال ...
|
اقتباس:
احيانا تطلب طعام من مطاعم وجبات سريعه ويكون الزوج غير متواجد احيانا يطلب الطفل نقود للبقاله ويكون الاب غير متواجد وتحتاج النقود للصالون النسائى التجميلى فالرجل لا يدخل معها اليه احيانا تود ان تفاجأ الزوج بهديه -- اظن لهذه سوف تبدل نظرتك هههههههههههههه |
وعليكم السلام ورحمه الله وبركاته
ههههههههههههه عجبنى ردك على محمد هيا شكلها انثى تتريق والله انا زوجى يعطينى 300 ريال السوق عليه الفواتير عليه كل شى عليه ال300 هذى فى يدى بس كدا لو ابغى شى وهو مهو معاى اعرف وحده زوجها يعطيها 500 وعليها الجوال واى شى تحتاجه مدرى تكفى ايش ولا ايش الله المستعان الله يعطيك العافيه لك فائق احترامى |
شكر اختي على الموضوع
من ناحيتي كزوج - المصاريف انواع ع وحسب الحاجة والوقت فمثلا كل بداية شهر مبلغ 300 ريال لزوجتي 150 ريال لابنتي - وهذا المبلغ فقط مصروف خاص فاتورة الجوال ما تعرفها نهائيا ولا تدري كم فيها بتروح لاهلها اسبوعيا 200 ريال مصروف السوق مستقل حسب الحاجة يتراوح من 500 إلى 2000 ريال شهريا للزوجه والبنت يعني بمعنى اصح ما فيه شي محدد - اسحب واصرف - الله يعوض وتحياتي للجميع |
| الساعة الآن 02:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©