|
اريد أفكار لهدايا العيد .. خبراتكم اخوتي
أبغى أفكاركم يا حلوين وياحلوات...
بس أفكار حلوة وغريبة... قبل الزحمة.... هدايا للعيد ( أطفال أولاد وبنات , شباب وشابات , وكبار السن نساء ورجال) ياويل أحد يدخل ولا يعطي فكرة سواء سواه أو شافها:16: ومبارك دخول الشهر عليكم وعلينا الاشراف: تم تعديل العنوان ليتناسب مع المضمون,, |
أختي الكريمة
كبار السن >>>مسبحة الشباب والشابات >>>شموع صغيرة او ورد الاطفال >>>قصص اتمنى اكون افدتك تحياتي |
كبار السن >>>ألبوم السيرة النبوية لطارق السوايدن
الشباب والشابات >>>مجلدات مجلة حياة الاطفال >>>قصص القرآن لموفق سليمة اتمنى اكون افدتك |
اخي اعطيهم فلوس على حسب العمر وهم يشترون اليبغوه انت مستحيل تعرف إحياجات الجميع حته لو كانو من نفس فئة العمر:28:
|
ليش نضحك سؤالك عاااادي جدا
اول شي راح افصح عن فكرتي ..... الكبار بفلوس زينه الشباب برضو فلوس اقل من الكبار الصغار شغلتهم شغله عند الوالد بنعيد عليهم بفلوس وعندي لما يجوني غييييييييير اجيب ورق سلوفان ملون واحط فيه حلاوه وبالونه وبسكويت وشوكولاته ويمكن فلوس كمان بس 5 ريال او 10 ريال ولعبه للبنت والولد كذلك له لعبه بس فكرتي السنه غيييييير مابحطها بورق سولفان نونو ( سر المهنه ) وكل واحده يالله تبدع |
السلام عليكم ورحمة الله و بركاته أولا نأتي الى كبار السن من الأب و الأم هؤلاء لديهم هدايا خاصة جدا جدا و ثمينة أيضا و تعتمد على حسب الحالة المادية ,, لكن هداياهم يجب ان تكون مختلفة عن الجميع يمكن ان تكون للأم قطعة ذهب علبة عطر ثمينة و زكية جلابية راقية او عباءة جميلة او شيء من هذا القبيل اما للأب ,, فقد يكون ساعة او خاتم فضي او ثوب فخم ثم الاخوة حسب اعمارهم للشابات اكسسوارات ,, كتيبات دينية ,, و حسب اهتماماتهن الشباب ,, اشرطة دينية ,, نقود ,, الاطفال .. هدايا بسيطة كألعاب او كيس صغير حلويات لكل طفل .. .. فالأطفال يفرحهم أي شيء و كل عام و أنت الى الله أقرب |
العيد الي فات جا اخوي عمره 40 تقريبا ميت ضحك
يقول بمجلس الرجال كان فيه عماني شياب وهو والشباب الاخرين يعني من مختلف الاعمار جا جدي وعطا الاطفال 50 او 10 على حسب صله القرابه او العدد والميزانية والشياب والشباب اعطاهم ريال واحد فقط <<< غيرها حط هلل منها انه بس رمز ومنها بجد تدخل الفرحه بقلوبهم اما احنا شنسوي هدايا للبنات << بس فلوس طبعا 100 او 500 مو اقل بس اذا اكثر مايضر اما الوالد انا بقول هداياي على مر السنين عطر .. دهن عود كمبودي .. دهن ورد طايفي .. مسبحه .. طقم من العربية للعود .. خاتم .. محفظة .. جوتي .. شرقي <<< يعني الي كان ناقصه << طبعا هذا مو الوالد لا واحد بمقام واغلى من الوالد الوالده جلابية .. عطر .. طقم ذهب .. خاتم الماس واقولك شنو صار فيهم العطر انتهت مدة صلاحيته ولا استعملته طقم الذهب طلعته باعته معنها مو محتاجه خاتم الماس ب 2500ريال رمته فوجهي وقالت مو حلو مافيه لمعه (( مع ان الالماس الزين ما يلمع )) رحت رجعته وجبتلها فالصو اكسسوار 25 ريال ولبسته على بالها الماس اطفال اخواني واخواتي بلونه وشوكلت وخمسه ريال وسيارة بالرموت كنترول والبنات عروسه فله او لكلاهم قيم بوي اتمنى تلقى منها شي عجبك وماتلقى الي لقيته من امي |
اله يعطيكم ألف عافية أخواني وأخواتي على مروركم على الموضوع .......
ومشاركتكم .... ومشكورين وما قصرتوا.... بس ما فهمتوا وش أبغى!!!!! أبغى شيء غريب وغير تقليدي أعطيكم من أفكاري اللي سبق ونفذتها .. بنت لا بسة لبس توتي (الطائر الأصفر) ومعها سلة كبيرة على شكل عش عصفور وفيها بيض الكندر وفيها عبارات كل عام وأنتم بخير... فراشات بلاستيكية اللي لهاعصا عند أبوريالين وعصافير نفس الشكل حطيت على ضهرها توع من الطراطيع وعلى عصاها صاروخ ورتبته بكرتون كبير فيه فلين أخضر متين( كأنهم ورد نابتين) وبنفس الفلين وضعت حلاو أبو عود اللي على شكل قلب الصراحة شكله حلو مررة وكتبت على نفس الكرتون كل عام وأنتم بخير... تعرفون الدببة الصغار جبتهم وحطيت فيهم عدة أنواع من الحلاو وثبتها بشكل جمالي وغلفتها بسلوفان أبيض وجبت دب كبير مررررررررة وسلة أكبر وثبته فيها وحطيت معهم الدببة الصغار وكتبت على الدب الكبير كل عام وأنتم بخير... وش رأيكم؟؟؟ |
قريت مره فكره
فيه واحده ملبسه بنتتها ثوب ولصقت على ثوبها الحلويات وتعالي شوفيه كيف صارت البنت تمشي والكل يلقط منها حلاوه |
| الساعة الآن 06:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©