|
متملك ولكني لا زلت كأي خطيب
الحمد لله على نعمه التي لا تحصى وآخرها إنه من علي بالملكة وإدراك رمضان لكن (الحلو مايكمل) بسبب اهل زوجتي واهلي اتفقوا على إنه مافيه مكالمات أو مقابلات إلى ما قبل الزواج بشهرين والحين باقي على الزواج 5 أشهر ، فيا خبراء الحياة الزوجية هل هذا الموضوع راح يأثر على علاقتي معها أو يسبب فجوة علماً بأن زوجتي هي بنت عمي ولهالسبب يقولون كل واحد يعرف الثاني فما فيه داعي وأنا ياجماعة ترا ماني مشفوح على المكالمات :29: أنا بس وربي خايف على علاقتنا إنها تجفو من البداية خصوصاً وإني ماشفتها أو كلمتها من مايقارب 14 سنة ....
|
كثير والله 14 سنه هذا دليل انك ماتعرفها وبصراحه مو من حقهم يمنعونكم تكلمو بعض شرعا هي زوجتك واذا بيدخلون بحياتكم من اولها اوصيك بالاسراع بالزواج او حاول تكلمها عن طريق اخوها او ترسل لها سلامك حتى يكون هناك نوع من القبول بين الطرفين
|
يا هلا ...
مبروك الملكه اخوي و كل عام وانت بخير .. اخوي اذا بتخلي الاهل من الحين يتحكمون فيك صراحه صعبه .. خلي شخصيتك قويه هي الحين في حكم زوجتك .. يعني لا تخلي احد يدير لك حياتك .. وربي يسعدك . أميرات .. |
شكراً جزيلاً على الردود بس أنا إنسان ما أحب التصادم وما ودي أسوي أي شيء ممكن يؤدي لأدنى شعور سلبي تجاهي من قبل أهلها...
الصراع في إني أحب البنت ولا ودي اتصادم مع اهلها خايف على مشاعرها وبنفس اهلها غالين علي :( |
اجل كلمها وحده مره دق عليها وقول لها انتي عزيزه وغاليه لكن بنصبر الين ربي يفرجها ونتزوج
|
بارك الله لكما وبارك عليكما وجمع بينكما في خير لا تقلق أنا ونورة الله يوفقكم ويسعدكم ان شاء الله قبل الزفاف باسبوعين او اقل بيكون فيه بينكما تواصل وابدأ انت الان ان احببت فقط بارسال مسجات على جوالها بس من اجل السلام او التهنئة .. ولا تفكر سلبي انه بيكون فيه فجوة بينكما لا مو شرط بما انكم مقتنعين ببعض ان شاء الله الامور تسير على مايرام وتمام اهم شيء القبول والايجاب وبرضى تام وبنسبه ان اهلك رافضين انه يكون فيه تواصل بينك وبين زوجتك لا اعلم ماالسبب الحقيقي برفضهم! وسببهم غير مقتنع لكن انت جس النبض بارسال رساله على موبايل زوجتك ان وجدت منها تواصل فهذا معناها انها راضيه يكون فيه علاقه تعارف مابعد العقد إلى الوقت القريب من الزفاف وان لم ترد عليك برساله او اتصلت ولم ترد عليك فلا تضغط عليها خليها براحتها اقتباس:
والله معك والله معك |
الركادة حلوة للرجال
|
انصحك تمشي مع كلامهم يعني صبرت العمر كله اصبرلك كمن شهر واغتنمهم في التجهيز و تتعلم اكثر عن مسؤليات الحياة الزوجية ...
وبيكون الشهرين اللي اتفقوا انك تقدر تكلمها كانهم سنتين وبتقول كلامي صحيح لان الانتظار يخليك تحسهم طواااااال .... مثل كلام خطيبي يقول هالفترة تتعبه يحسها طويله ههههههههه.... تحياتي |
حفظك المولى ورعاك انت وعروسك
والله يجمعكم على خير ويألف بين قلوبكم اخي الكريم ممكن تطلب مكالمات مره كل اسبوعين بحجة انك تسألها عن ذوقها بالفرش والبيت قولهم ياناس انا كيف افرش البيت من راسي واحب انها تشاركيني بأفكارها وذوقها هذا بيتها مثل ماهو بيتي وقولها بهدوء وخفه وبين مزح وبين جد يعني لاتكون عصبي ولا شي وبعدين الله يهديك وين الزعل وين المشاكل والتصادم هذي زوجتك وهذي فرصتك واكيد البنت تنتظرك وتفكر فيك وتعبانه اكثر منك ودها تعرفك اكثر بس اكييييييييييييد خجلانه من اهلها تقولهم ابغا اكلمه واتعرف عليه فأنت لازم تبدأ مافيها شي لو اتصلت على عمك وسلمت عليه وقلت له والله ياعمي انا بأكون صريح معاك وبصراحه ياعمي صبرت صبرت مافيني اصبر كم شهر كمان فياليت ياعمي ترحمنا عشان ربي يرحمك وتعطينا الضوء الأخضر عشان اقدر اكلم خطيبتي واتفاهم معاها عشان اتألف معاها وتتألف معي لان يادوب اخر شهرين يادوب التجهيزات الأخيره للزواج وووو ومايمدينا نستمتع بهذي الأيام وانت ادرى ياعمي :22: يعني لمح له والح له يعني اكيد الاب يبغا يشوفك فعلا جاد في حبك لبنته او لأ ووحاول وتأكد مارح يردك اذا قالك لأ قوله طيب مره في الشهر طيب لازم زياره عائليه مره في الشهر يعني تزورهم وتجلس انت وهي واهلها معاك يعني شوي شوي والله يهديه اهم شي انت لاتاخذها بعصبيه او شي خذها بمزح وانك مشتاق ولمح من هنا ومن هنا وحتى لو ماصار كل اللي اتفقنا عليه على الأقل يوصل لخطيبتك انك مشتاق لها وانك تحاول توصل لها واهلها رافضين انا متأكده انها راح تطير من الفرح لما تسمع عنك اخبار انك متصل وانك زرت ابوها لحظه جتني فكره كمان اذا فيه لها اخوان قريبين من عمرك تودد لهم واطلع معاهم حاول تدخل فيهم لان 100% بيوصل لها الكلام ويوصل لها ايش عملت مع اخوانها شوي شوي ممكن ترسل مع اخوانها رسائل غراميه يوصلوها لها او حتى لما تزور عمك تجيب صحن شكولاته واكيد هما راح يوصلونه لها:17: وهي ياعمري بتطير من الفرح حاول بس اهم تعرف نفسيتك عمك اول هل هو من النوع الشديد :29: ؟ >>>>> فكل الكلام اللي قلته انساه لأنه مارح ينفع اما اذا من النوع الحبيب وانت تمون عليه فخذ راحتك :22: وجرب وحاول معاه الين يميل والله يوفقكم ويألف بين قلوبكم |
أخي أنا ونورة
تبي رايي بصراحة الأهل معذوريييين لما يمنعون عنكم أي شي لأن الباب اذا انفتح مايتسكر لأن المكالمة وراها شوفة أو بتقعد تحترق على نار والشوفة وراها أمور تخلي الأهل في قمة القلق لكن ممكن تتواصلون عن طريق رسائل الكترونية تخليكم تتعرفون على بعض و تعيشون جو الحب الطاهر والرومانسية الحالمة ولا تفوتون عليكم المشاعر الحلوة بها الفترة وممكن رسائل ورقية بخط اليد عن طريق أخوها أو أهلكم ترى لها طعم غيييير بالإضافة للهدايا في الأعياد أو النجاح أو عيد ميلاد أو بدون مناسبة. وعندك حق ماله داعي تسوي مشكلة عشان هالأمر البسيط دامك ما تحصل مضرة منه هذا مو ضعف شخصية بالعكس تعايش مع المجتمع اللي انت فيه وكفاية عطوكم فرصة شهرين قبل الزواج تشوفون بعضكم فيها وبعد الزواج بتكونون مع بعض للأبد ان شالله. أنا لست متشددة بالعكس فبيئتي تسمح برؤية الشاب لزوجته بعد العقد وزيارتها ولكنني أتفهم قلق الأهل حول هذا الأمر ولا أؤييد خلق مشاكل من لاشيء في هذه الفترة الحساسة. الله يسعدكم ويهنيكم ويبارك لكم يارب. |
| الساعة الآن 09:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©