|
كيف أجعل أمي الغالية تحب زوجي أريد حل
السلام عليكم انا ماعندي احد اقول له مشكلتي الا انتم لاني تائهة مادري وشلون الحل
احب امي اموت فيها الله يخليها لي ويطول بعمرها انا مشكلتي امي تكره زوجي والمشكله انها قدامة تبين انها تحبة وهي حتى الدعاء ماتبي تدعي له حتى اولادي يحسون انها تكره بس مايتكلمون وزوجي طيب معاها ولا يدري اصلا عن شي مادري وش الحل؟ كيف اخلي امي تحب زوجي وتدعيله وتدعيلي |
جيبي لها هدايا وقولي هذي زوجي اشتهاها لك يا امي
اعزميها ببيتكم وخلي زوجك موجود يرحب بها ولا تنسين الدعاء يا اختي اهم شئ طلعوها مشاوير معاكم سوق او حديقه او اي مشوار هي تحبه وربي يكتب الي فيه الخير |
حلوه افكار الاخت جينز
حاولي تطبقينها وخبرينا |
هلا أختي إن شاء الله الأمور تتحسن للأفضل بس أبغى أقولك على بعض الأمور إلي ممكن تغير مشاعر أمك إتجاه زوجك.... 1)حاولي دايم تمدحينه قدامها 2)ولو يوم زعلك لا تعلمينها قوليلها إنه دايم يرضيك ومايزعلك لأن الأم ماتحب أحد يزعل بنتها 3)وإنت أكيد تتصلي في أمك كل يوم وتسألي عن أحوالها خليه حتى هو يشاركك بالإتصال 4)وطبعاً مثل ماقلولك الأخوات جنز وعناديه في حكاية الطلعات والخرجات 5)وأخر شي وهو الحل الأكيد بأذن الله الدعاء دائماً....... فالدعاء ياعزيزتي مخ العبادة وإن شاء الله يفرج همك وتقبلي مروري |
كلام A(**n**)a مضبوط.. برضو لازم تعرفين ايش سبب كره امك لزوجك.. قد يكون في فتره عاملك بطريقه مو كويسه و اشتكيتي لها.. اشياء زي كذا ما تنساها الام و لا تغفرها لزوج بنتها.. بينما البنت(الزوجه) تتسامح و تنسى بكلمه من زوجها.. حاولي تعرفين السبب لأنه هذا نص الحل برأيي الله يكون بعونك |
شكرا لكم وتفاعلكم معي الله يجزيكم خيرا والله اني حاولت حتى خليته هو يعطيها هدايا وفلوس وانا ماقولها عن اي شي يسويلي حتى اذا كنت متهاوشه بس
مادري سبحان الله يعني اذا سوى لها شي وقلت ترى ابو فلان سوالك كذا ابي انها تدعيليه تقول الله يعطيه العافية بس كانها مغصوبه ولا ترفع صوتها بس انا ماقول ابدا لامي ليش ماتحبين زوجي لاني مابي احرجها ان شا الله يارب انها تحبه وتتمنى له الخير امين |
امي ماتحب زوجة اخوي وزوجة اخوي اخت زوجي هل ممكن يكون السبب؟
وانا احس انه السبب وانا اقول لها يامه ترى الاخوان مختلفين في الطباع |
اقتباس:
ممكن يكون سبب........ بس ليه ما تسألينها والله مافيه احلى من المصارحه |
يااختى ان كانت تعامله بالحسنى ولا تبدى له عدم محبتها
فلا ضرر هناك واستمرى بحياتك ولا تزعجى نفسك بهذا الامر |
اعرف صديقه تمر بنفس موقفك والسبب كان ان الزوج كانا يعامل البنت بشكل سيء وكان شخص لايستحق ان تبقى معه ولكنها بقيت والام كرهته ولايمكن ان تغفر له مايفعله ببنتها
ابحثي عن الاسباب .. واعرفي امك ليه تكرهه اذا تعرفين راح تحلين المشكله |
| الساعة الآن 04:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©