|
اش اتصرف معاه ارجوكم ساعدوني!!!!!
كيفكم والله ماني عارفة كيف ابدا اكتب بس قبل ابى اقلكم شي لاتقولولي انتي مقصرة ولا انت مو عاملة واجباتك ولا تظلموني اسمعوا وحكمو
انا متزوجة لي 3 شهور وقبل مااتزوج شرطت على زوجي اكمل دراستي وهو وافق ورحب بس تصرفاته بعد الزواج ماتدل تصرفاته على كده امس صحيت معاه من صلاة الجمعة ومانمت وبعد صلاة التراويح هو خارج مع اصحابه قلت خليني انام شويه اصر عليا اني اقوم البس واروح لاهله ووعدني ماتجي الساعة 1 غير واحنا نايمين ومتسحرين قلت طيب وبالفعل رحت لاهله عشان تاني يوم عندي دوام لاني كنسلت محاضرات بمافيه الكفايه طبعا دقيت عليه الساعة 1 وينك قالي شوي وراجع ولما رجعت طلب مني سحور ومايبى الاكل ينطبخ غير الساعة 3 وعبال ماطبخت ونمت الساعة صارت 5 وعلما اني تركت اسبوع الدراسة الاول وكتير محاضرات بتفوتني ماقلت شي اطبخله بس بوقت معقول رحت لصاحباتي بالجامعة يمكن اكون انا ظالمة كلهم يقولوا ماتجي الساعة 1 غير زوجها متسحر ونايم معاهاعشان بيقدر انه عندها دراسة ومسؤلية بيت بس هو ماعنده رحمة واحسه متعمد انه يبغاني اسيب دراستي من كذا موقف وانا دي اخر سنة وقلتله من ايام الملكه حتقدر تتحمل حتخليني اكمل ولا ناجل الزواج سنة لغايه مااتخرج اصر انه نتزوج وهذي هي النهاية انا بفكر اروح بيت اهلي لانه جاني القولون والامراض بسببه علما اني مو مقصرة معاه وباعترافه هو نفسه وقلت خليني اطلع من دحين احسن مما اجيب ولد ويتعذب معايا ارجوكم ساعدوني |
معقولة محد عنده حل انا بين نارين ارجوكم ساعدوني
الله يسعدكم ابى حل الله يخليكم ياجماعة مين عنده حل بهاالمشكلة |
التفاهم يختي وبكل هدوووووووء
او الجئي لوالدك حتى يتفاهم معه بس بكل سريه حتى لايغضب زوجك |
الله يعينك وينجحك....
يعني في حل مؤقت ممكن تستغلي وقت عدم وجوده بالبيت يعني يكون بالشغل او رايح لاهله او طالع مع اصحابه وانتي اجلسي بالبيت وذاكري وخلصي اللي عليك... |
ماعليك منه سوي اللي عليك واذا جت الساعه ثلاثه قدمي له السحور وبعدها اذا جاء وقت الصلاة صلي ونامي يمديك حبيبتي تنامين كم ساعه 4ساعات كويسه وبعد صلاة المغرب نامي ساعتين او ثلاث ساعات اهم شيء دراستك لاتضيع عليك تحملي كلها سنه وخالصه وبالتوفيق
|
شكرا على تشجيعكم لي وادعولي ربنا يوفقني
|
ادا كان برى مع أصحابه جهزي السحور له الساعة 1وكلميه بكلام لطيف وقولي له جهزتك لك طبخة يحبها قلبك تعال عشان نتسحر00وعوديه على كدا000
|
السلام عليكم
حبيبتي سارا حاولي انك تصبرين واحتسبي وبعدين صارحية وقوليله انه انتم اتفقتوا على كذا قبل الزواج وكان موافق ما معه حق يغير رايه الحين وحطي ببالك انه لايمكن تاخذين حقك من الرجال بالقوه اقنعيه وقوليله انك ماشاء الله عليك ومافيه منك وانت ما قصرت وامدحيه وعطيه كلام حلو وجيبي كل المميزات اللي فيه مع شوية بهارات بعدين قوليله انه الرجال دايم عند كلمته وياليت انك تكون عند كلمتك ليه تسوي تصرفات اطفشني عشان اترك دراستي انا مالي غير رضاك............... والباقي لك اتعاطفت معك لاني تقريبا امر بنفس التجربة |
الله يصلح اموركم ويسخركم لبعض
حبيبتي بالحوااار والهداوة يصير كل إلي تبغي انت بس ادعي ربي وسبحي قبل النوم علشان ربي يبارك لك في وقتك وجسمك وسلامتك حبيبتي من القولون |
ياختي ثلاث شهور توك حبيبتي في البدايه لكن
اختي لا تتنازلين عن دراستك محاكيتك صار لها اربع سنين تأجل ولا فيه فايده بعد ناس راحت ناس تخرجت وناس توضفت وانامكانك سر |
| الساعة الآن 05:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©