|
لم استطع ان افهم زوجي وافكر بالطلاق
السلام عليكم
عجزت ان افهم زوجي وعجز هو عن فهمي وافكر بالطلاق عجزت فيه افهمه اشياء احبها واشياء اكرهها حاولت مرارا وتكرار ان افهمه لكني لم افلح بذلك افكر اخذ عيالي وارحل عن دنيته يمكن يعيش بسعاده لاني احس نفسي سبب تعاسته ما اقول عنه انه انسان ظالم لا زوجي طيب لكني عجزت افهمه فعلا ولا افكر ان ارجع لأهلي ابدا فأنا بطريق واهلي بطريق اشتغل اي شغل واعيش انا وعيالي بكرامه بعيد عن كل العالم ابي احس براحه النفسيه ودمتم في حفظ الله |
اش بك أم فارس
وحدي الله وزيحي هالافكار من راسك |
اقتباس:
اقول شرق يقول غرب اقوله غرب يقول شرق عجزت اتناقش بالمشاكل عجزت كل شي ماني قادره افهمه ولو رجعت لاهلي بذبحوني علشان كذا اعيش بكرامتي بعيده عن كل الناس |
عسى ماشر فوفو ..
اذكري الله وريحي نفسك..وابعدي عنك فكره الطلاق.. وقولي لنا شنو صاير؟؟ |
اختي الفاضلة
توكلي على الله , وفكري بهدوء , واستعيذي بالله من الشيطان الرجيم, فكري باولادك وبنفسك , انظري الى ذلك الجانب المشرق والايجابي في زوجك , وفكري في الصفة التي ستطلق عليك بعد الطلاق اختي الفاضلة الطلاق سنة الله في خلقه كما الزواج ولكن وجودنا في مجتمعات بعيدة كل البعد عن الله يجبرنا على التوقف قليلا قبل اتخاذ اي قرار والتفكير في نتائجه وراي المجتمع سبحان الله اصبحت قراراتنا المصيرية مرتبطة برأي المجتمع كلمة مطلقة كبيرة اختي لن تحتمليها خصوصا وانك بعيدة عن اهلك وهم من سيحتويك وسيصد عنك كل كلام الناس الجارح الحياة صعبة ومهمة التربية تحتاج الى معين بعد الله كل البيوت فيها مشاكل , وليس كل الازواج نائمون في العسل هذا ما ارتضاه الله لك اللهم لا اعتراض زوجك طيب استثمري طيبته تقولي لا يوجد تفاهم اختي ليكون التغيير من طرفك غيري اسلوبك قليلا وانصحيه بتغيير اسلوبه فكري وارجعي بالشريط الى الوراء ما هي الحالات التي نتخاصم عندها حاولي ان تحصيها ستجدي الكثير منها يرجع لسبب واحد حاولي البحث والتحري وقرري على ان تغيري من اسلوبك واعط نفسك فرصة اخرى ولا تياسي من رحمة الله واحمدي الله على ان زوجك انسان طيب ولا يهين كرامتك وفقك الله |
اقتباس:
المشكله وما فيها كل يوم هواش على اشياء تافهه جدا استحي اذكرها ويعمل زفه من غير عرسان وانا التزم الصمت وان سكتت يقولي تكلمي تكلمي وكل يوم على نفس الموال وان هاوشت وصارخت تسير المشكله اكبر اخر مره يهددني يقولي اكلم عمك الي هو هنا عنا بالغربه بصراحه اخاف على بنتي وبعدين ارجع واقول ماني فاهمك وان عشت معك عشرين سنه بنبقى على نفس الموال علشان كذا نطلع بخسائر اقل من عدد الاطفال والله يعيني على هالدنيا اراضيه ما يبي يرضى اتكلم معاه يصارخ خليه يتزوج يمكن تفهمه غيري لكن انا ما اعتقد افهمه |
عليك أختي بالدعاء الحي على ربك أن يصلح حالك وحال زوجك 00أطلعي على كتب نفسية وأجتماعية توضح لك طريقة التعامل مع الناس وأصنافهم 0 أوصيك بشراء شريط فهم النفسيات بين الزوجين للشيخ جاسم المطوع ،، كذلك أشرطة الدكتور ميسرة طاهر عن كل ما يتعلق بالحياة الزوجية 0 زوجك لازم تدرسينه جيدا وتتفهمي على عقليته ن شاركيه في همومه وهموم عمله لابد أن يكون لك مفاتيح لكي تفتحي قلب زوجك ، الناس أجناس فكل شخص يتأثر بما تربى في صغره ، فلعل زوجك بيئته غير بيئتك بمعنى أنك من بلد وهو من بلد أو تكونا من بلد لكن أختلاف المناطق أو الطبيعة الأجتماعية لكما لذلك إياك والتفكير في الطلاق لكي لايعيش أطفالكم كالأيتام وفقك الله وأصلح شأنك وعليك بكثر الاستغفار وكذلك بقراءة سورة البقرة في بيتكم كل 3 ليال وشكرا لك
|
اقتباس:
كنت اصارخ لما يصارخ ويزيد الطين بله الحين لي يومين ملتزمه الصمت لكن قلبي نجرح ما احس بيرجع يلتئم الجرح حاولت كثيييير ان اغير من اسلوبي واسلوبه ساعات افكر بالدنيا اقول ما تستاهل ازعل عشانها وساعات اقول انا كم متبقي لي من العمر والله اعلم ليش ما اعيشهم سعيده قضيت عمري كله مشاكل بمشاكل من اهل الى زوج من حقي ان اعيش ايام ويمكن قلائل بسعاده لكن الي كاسر يدي البنت ماذنبها بالذات اني عانيت بين ابوين مطلقين |
اشفيكم يا ناس الكل يبي يتطلق:29: وانا اولكم:mad: والله جد شالسالفه الظاهر فيه فيروس في الجو في الجو يحرض على الطلاق:23: تبين تتطلقين لأنه ما فهمك؟:eek: من الآخر كذا مالك حق يا شيخه تعوذي بالله واقعدي في بيتك وانشغلي بالعيال واتفقي انتي واياه مافيه نقاش الا بهدوء.. وابتعدوا عن بعض فتره ..ولو حتى في البيت..راجعوا حساباتكم اسأل الله ان يعينك |
اقتباس:
لكني اعلم بأني لن افلح لكني سأحاول في رعايه الله |
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©