|
مخطوبــــه واحب غير خطيــــــــــــبي ...
السلام عليكم ورحمة الله وبركاته كيفكم ان شاءالله بخيــــــــــر .. ماابغى اطول عليكم بالكلاام .انا عندي مشكله اواجها هالايااام ونفسيتي مره تعبانه بسببها احس انها سالفه معقده ومالها حل وانا ودي انكم تساعدوني وتوصلون معي لحل مقنــــع .. ماابي اطول ببدأ بالسالفه .. انا بنت مخطوبه صار لي 6 سنوات انخطبت من ولد عمتي وانا عمري 17 سنه واللحين انا عمري 22 سنه وهو اكبر مني 6 سنوات بداية خطبتنا كانت على حب بيني وبينه وانخطبنا وكلمنا بعض وكنا عايشين قصة حب حلوه مع بعض لدرجة ان الناس كلها كانت تحسدنا على حبنا وتفاهمنا لكن مرة الايااام والشهور والسنوات وحسيت حبي له يقل كثير كل يوم اقل من اليوم اللي قبله الما حسيت ان خطبتنا من اساسها غلط.. لاني حسيت اني احبه حب مراهقه وطيش يعني مو حب وانا مكتمل عقلي .. مع انه للحين هو يحبني كثييييير لاكن اسلوبه في التعامل هو اللي خلاني اكرهه اكثر ... مثلااا .. _الغيره الزايده اللي توصله للشك _ اني لازم اطلع الما استأذن منه مع ان حنا مخطوبين يعني مو زوجين ,, والمشوار اللي يحس ان ماله داعي يقولي اجلسي لاتروحين مثلاا رايحه مطعم مع صديقاتي او مدينة العاب او مجمعات كان يرفض ومااروح الا بعد بكي وهواش .. _ يمنعني من اشياء خصوصيه مثل عباية الكتف .. بس الطاااااااااااااااااااااااااااامه الكبرى اني حبيت ولد خالي وولد خالي حبني وصرنا نكلم بعض وصرنا نحب بعــض مجنوووووووووووووووون واكتشفت ان ولد خالي هو اللي كنت ادور عليه من زمااان نفس اللي كنت احلم فيه يعني (( فارس احلامي )) والمشكله انه عكس خطيبي في كل شي مثلااا .. خطيبي متوسط الجمال <<>> ولد خالي مزيووون مررررره مرررره الحاله الماديه عاديه <<>> حالتة الماديه مرررره عاليه قاسي وقلبه قوي <<>> قلبه مره طيب واللي في قلبه على لسانه غيرتـــــه بايخه توصل للشك <<>> غيرته حلوه لدرجة اني حبيت الغيره منه اهله شوي شديدين يعني يتكلمون ورى ظهري <<>> اهله عسسسل ومثل تواضعهم مافيه ثقيل دم واللي يشوفه يقول عنه مغرور ومايدخل القلب <<>> خفيف دم واللي يشوفه يحبه من اول جلسه معه ولو اقارن بينهم اكثر طلعت بلااااااوي بعد ... واللحين انا مااتخيل نفسي زوجة لغير ولد خالي وولد خالي نفس الشي ومشكلتي .. اني ابي انفصل عن خطيبي عشان اتزوج ولد خالي اللي حبينا بعضنا بجنون بس ماعندي سبب مقنع اني انفصل عنه وانا مره مقدره مشاعره وامه اللي هي عمتي مااقدر ازعلها لانها في حسبة اختنا او بعد امنا انا محتاره كثير كيف انفصل عنه من دون مشاكل والكل يكون راضي ومقتنع بنفصالنا .. وابي اهلي واهله راضين على بعض واهم شي هو يكون راضي ومقتنع بالانفصال .. ادري انها مشكله بالنسبه لي مالها حل .. بس انا حبيت انكم تساعدوني في حل هالمشكله لانكم ماتتدرون وش كثر انا متعذبه .. اسفه طولت عليكم .. بس ياليت اشوف عندكم الحل الشااافي ميســـــــــــــاء ...... |
والله الله يعينك اختي
عندك حل واحد مافي غيره طفشيييييييييييه ما تريدين اطفشيه صارحيه المصارحه احسن حل بس لازم ما يعرف عن حبك لا الاخر والاحسن حل صلي و استخيري ربنا والله يوفقك |
اختي اكبرخطأ الزواج من دون حب دامك منتي مرتاحة لة ارجوك ابعدي عنة لاتخربين عمرك على شانة الزواج مافية مجاملة حاولي اقناعة انك ماتبينة لكي تنحل المشكلة وبعدين دامة شكاك مؤشر سيئ لشخصيتة والله يوفقك في مايحبة الله ويرضاة
|
أختي الفاضلة
كيف نشأت العلاقة بينك وبين إبن خالك وكيف رضي إبن خالك أن يقيم علاقة مع إنسانة مخطوبة وكيف نسيتي خطبتك ومحبتك لخطيبك ومحبته لك وتحولتي بهذه السرعة لإبن خالك وكم مدة العلاقة مع إبن خالك وهل تعلمين ياأختي أن ماقمتي به يعتبر خيانة لخطيبك ومن سيضمن لك بأن إبن خالك لن يشك فيكي مستقبلا لاسيما وأنه أخذك بطريقة خاطئة ومن سيضمن لك أن إبن خالك لن يتغير واضح من كلامك أنك مندفعة وبشدة ومقررة للإنفصال والله المستعان أنصحك بقطع علاقتك بإبن خالك بأسرع وقت ممكن ثم قرري هل تريدين الإستمرار مع خطيبك الحالي أم لا وأما إبن خالك فأظنه ومع إحترامي الشديد قد يغير رأيه إذا جد الجد المعذرة على صراحتي أختي ولكننا هنا نتناصح بكل صدق أرجو أن تفكري جيدا في التساؤلات السابقة كما أحب تذكيرك بأمر هام وهو أن علاقتك مع أي شاب بدون زواج تعتبر علاقة محرمة ولايرضاها الله سواء إبن عمتك أو إبن خالك ولايصح الإسترسال في هذه العلاقة |
صباح الخير
عزيزتي شلون ترضين على نفسج انه اتكلمين انسان وانت محطوبة ؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يهديج ، باكون قاسية عليج اشوي بس استحملي قبل 6 سنوات كنت أتحبين خطيبج مثل ماتقولين وكنت اتشوفينة فارس احلامج ووووووو ، والحين تغير رايج فيه !!!! لان ولد خالج طلع في الموضوع بتمر عليكم الايام والشهور والسنوات وبيتكرر نفس الشئ بطلعين عيوبه كلها مثل الاول ،، يوم خطبج ولد عمج ما استخرتي ؟؟؟ اسال الله العظيم ان يرشدك الى طرق الصواب ، ويزوجك الولد الصالح الذي يعينك على الحق ... |
أنا رايي من رايي من سبقاني مازن محمد ومحمد هيا
لازم تتقبلي التوجيه دامك طلبت الراي أنت أخطأت عزيزتي حينما فكرت في رجل آخر وأنت مخطوبة وأخطأت حينما سمحت لنفسك بأن تكلميه وتتبادلين معه مشاعر الحب وخطيبك المسكين ياغافلين لكم الله بصراحة دام هذي عمايلك ترى غيرة ولد عمتك في محلها ومافيها مبالغة لكن بعد ماطاح الفاس بالراس أنصحك تنفصلين عن خطيبك ولاتستري أكثر في خداعه. قولي له: احنا انخطبنا على صغر ولما كبرت ووعيت حسيت ان احنا ما نتناسب لبعض وأنا مع احترامي لك لكن ماأشوف فيك فارس أحلامي لذلك ماراح أقدر أرتبط فيك. حتى لو كان كلامك قاسي عليه وبسبب له صدمة فهو أمر لابد منه ومصيره بينساك وبيرتبط بامرأة تقدره وتسعده. طبعا ماراح يكون الكل راضي وراح تزعل بعض الأطراف هالشي لابد منه لاكن حاولي بقد ماتقدري تكوني ودودة ولطيفة في أسلوبك اقنعيهم أنك ماقدرت تتفاهمي معاه ولا قدرت تحبيه رغم احترامك ومعزتك له ولأهله وانهكم بتظلون أهل وحبايب رغم كل شي. وياحبذا لو تكلمين عمتك بنفسك عشان تحطينها بالصورة. لازم تواجهين الموقف بأسرع وقت عشان ترتاحين في النهاية. أما بالنسبة لولد خالك فهذا قصة ثانية بعد ماتنهين علاقتك بولد عمك أعيدي النظر فيه وفكري بروية وانتظري منه هو المبادرة ولاتشعري أي شخص من حولكم بوجود علاقة سابقة بينكما. أسأل الله لك التوفيق والفرج القريب. |
السلام عليكم
كيفك ميساء لفتني موضوعك بشده شوفي بقولك شئ يمكن يجرحك بس ياليت تتقبليه بروح حلوووووه انتي تعتبري خاينه لخطيبك وعلاقتك بولد خالك مدري خالتك غلط وانتي عشانك تحبينه ماتشوفين عيوبه اتذكري اننا كلنا بشر وانتبهي من قهر الرجال ترى مايسير اللي تسوينه وصدقيني الشيطان محلي ولد خالتك بعينك لأنه حرام عليك ومخرب عليك مع خطيبك لأنه حلالك وهذي طبيعة بني ادم يبي الشئ اللي مو له ولما يجي بيده ياخذ متعته وتنطفي حرارته على العموم انا والله مصدومه فيك حييييييل لأن الموضوع مايبيله حل واذا انتي شايفه ان ولد خالك احسن لك اتركي ولد الناس بحاله وصارحيه ترى اهون عليه من انه يكتشف ذا الشئ واتذكري انك سببتي جرح راح تلف الدنيا ويرجع عليكي تقبلي تحياتي |
هل إبن خالك مستعد إنه يخطبك إذا تركتي خطيبك الحالي؟؟
وهو إيش يقولك عن خطبتك الحاليه وإيش رأيه فيها؟ الله ييسر لك الخير |
من البدايه الخطبه لسنوات غلط واكبر غلط علشان الحب اكيد راح يقل لانكم تكلمون بعض مثل المتزوجين يعني ماخليتوا شي لان الزواج بعد بعد طول السنين يقل الحب والانبهار اللي كان بالاول ويصبح الوضع عادي يعني مو مافي حب بس حب روتيني ملل وعادي فهمتي ليش حسيتي ان خطيبك حبه عادي .. وعلاقتك مع ولد خالك كانت غلط بس اذا انتي تشوفين انك ماتبين ولد عمتك صارحيه قبل لا تكبرين المشكله وبس من غير ما تجرحينه والله يكون بالعون
|
حبيبتي انا مريت بنفس التجربه لكن فيه اختلاف بسيط
نصيحه لوجه الله لاتتركين خطيبك والله ولد خاللك يحاول ان يظهر باحسن صوره امامك يعني الصفااات السلبيه فيه راح يخبيها قد مايقدر وكلهم كذا دامك عارفه خطيبك وفاهمته وخلاص صرتي عارفه طبعه تغلبي على تصرفااااته السيئه بعقلانيه منك اكسبيه واللي قريته انك تبين تفتكين منه باي طريقه ولعلمك اذا تركتي خطيبك واحذتي ولد خااااااااالك رااح يبان لك كل شي زتعرفين انه تمثيل في تمثيل بس عشان يلفت نظرك ويكسب اهتمامك ولعلمك بعدين راح تبدا شكوكه حانت خطيبها واهو 6 سنوات معها وانا ماراح تخوني ؟؟؟ حتى لو قاللك وااااثق انتي ماتعرفين شاللي بخاااااااااااااطره وبعد كل هذا اصلا كيف تجراتي تكلمين غيره دام كنتي تكلمينه والله يوفقك ويسمح امرك |
| الساعة الآن 08:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©