|
أنا عنيدة وزوجي عصبي ..ام وليد محتاجة نصائحكم
السلام عليكم ورحمة الله وبركاته
وكل سنة وانتو سالمين وينعاد عليكم بالخيرات والليرات :d قبل لأبلش بحب اقولكن برضاي عليكم لاتلوموني والله الي فيني مكفيني السالفة او مشكلة عمري طريقة تفكيري المخالفة لطريقة تفكير ابو وليد ابو وليد عاش وتربى ببيئة خليجية خشنة وانا عشت وتربيت ببلد اوربي يعني غربة بس من اصل عربي والمشكلة الثانية انا عنيدة وهو عصبي يعني فيكو تتخيلو:18: عنادي بيزيد عصبيته بعطيكم مثل قلت إله بروح لشي مكان وقال لأ وربي ما اعود اطلب منه شئ إن شاء أضل بالبيت شهرين وما اطلب منه ياخدني لمكان هذا بس مثال بسيط الشئ الثاني وبلا ما أتطرق للتفاصيل انه عم احس بصراع بمخي بين حكيه وبين الشئ الي تربيت عليه وقنعاتي يعني لما يقول كلمة وانا متأكدة انه غلطان برد عليه بتزيد عصبيته وإن ما رديت ضلني طول النهار احس بإهانة وضياع حقي في انه اعبر عن رأي هذول المشكلتين هن فقط الي معكرين حياتي عدا هيك ربنا مفضل علي بنعمه وزوجي ولله الحمد انسان واعي وملتزم وطيب ماشاء الله صار لنا11 سنة متزوجين تأقلمت مع نظام حياته وحكيه وثقافته بس في اني اسكت ما قدرت اضب اللساني والله بعترف انه لساني متبري مني بس هيك أنا الي بقلبي ع لساني وبقول الكلمة ولو يزعل زوجي هو كثير يقولي يا حرمة لاتعانديني وما بيصير الا خاطرك طيب بس دائما بعقب وبقول أنا مني حرمة مدري ليش هالكلمة حرمة عندي فيها تقليل من شأن المرأة الطامة انه كل الحلول بعرفها بس فيني عزة نفس بتخرب بيتي ذا ضلت هيك مرتفعة والله ما احب اشتكي لحدا لانه كلن فيه الي مكفيه بس مدري احس انه تعبت وطفشت وهيك ماعاد يمشي الحال والله بحبه لزوجي وعندي اياه بالدنيا بس آآآه لو ما كانت هذيك العصبية ع فكرة بس احاكيه يقول انا هيك تربيت وعنادا فيه بقول وأنا كمان هيك تربيت بشو تشورو علي أم وليد تم تعديل العنوان .. |
هلا والله يا ام وليد
لما شفت ال 11 سنة زواج استحيت اني ارد عليج انا نص سنه زواج ههههه بس اختلاف الطبايع موجود في كل بيت يا ام وليد فكيف اذا كان اختلاف جذري في بيئة التربيه اتوقع انه كلامج هذا من ردة فعل لموقف معين .... وبعد كم يوم راح تضحكين عليه :) بس اللي ابغي ابين لج اياه انه على ما سمعت انه اكره شي عند الزوج لما تكون زوجته عنيده وترادده ادري انه ساعات الرياييل يقهرون وودج لو بأقرب مخده علشان تفرينها عليهم بس تبقى الحرمه ( ولا تزعلين من هالكلمه ...ترانا نستخدمها حتى نحنا الحريم) أرزن وأقدر على امتصاص الزوج دربي نفسج على انج تكونين كوووول وبارده قد ما تقدرين...ونحن ما قلنا لج لا تعبرين عن رايج ...بس مو وقت ما يكون ابو وليد مولع....انتظري الفرصه المناسبه وبيكون تقبله اكثر لوجهة نظرج هذا الللي عندي يا قلبي والله يسعدكم |
أختي
انتي قلتي الحل : اقتباس:
حاولي .. أختي مجرد عرضك للمشكلة و كتابة سلبياتك بنفسك وادراكك لها .. هذا يعني انك انسانة طيبة ومحبة لزوجك وتريدين فعلا تغيير هذا الطبع .. اعانك الله اختي على التقليل من الحده في الردود مع الزوج و محاولة السكوت لفترة قبل التلفظ بأي كلمة ممكن تزيد من عصبيته .. وتذكري اختي الفاضلة انك في عش هادي وليس في ساحة معركة .. وقليل من التنازلات لا تقلل من أهميتك بل بالعكس سوف تزيد اسهمك ارتفاعا عند الزوج لان التغير سوف يكون ملحوظ .. ابعد الله عنك غيوم الكآبة والاحساس بالاهانة وانزل عليك السكينة والصبر . |
أنا أعاني من العناد 000
|
السلام عليكم
السلام عليكم ام وليد
تقولين أنت إن زوجك طيب وملتزم؛ طيب الحريم الآن ماذا يريدون من ازواجهم غير هذة الصفات أحمدي ربك على هذة النعمة ولسانك حاولي تمسكينة معها شوي وحتسبي الأجر من الله وأُكرر قولي الحمد الله يارب على هذة النعمة والسلام ختااااااااام:d |
يا هلا بام وليد .. ما عاش اللي يلومك .. فضفضي ولا يهمك ..
انا العكس زوجي هو العنيد .. والحقيقه العناد طبع كريهه في العلاقة الزوجيه .. وكدرت حياتنا ببداية زواجنا .. ولكن اللحين وبعد 5 سنوات زواج .. الحمدلله الحمدلله قدرت اخفف عناد زوجي .. وصار متفاهم اكثر .. طبعا انتي يا ام وليد ست العارفين ان الزوج .. عباره عن طفل صغير .. بل احيانا يكون طفل رضيع :d .. من زود التصرفات الطفوليه :15: .. وانتي ما شاء الله عليك حكيمه واكيد ما تخفى عليك مفاتيح زوجك ومن وين تدخلين له .. على فكره .. انا بعد اكره كلمه حرمه .. ولا ادري من وين جايبينها ؟؟:18: |
اهلين بحبيبتي ام وليد
شو اخبارك يالغلا ومبارك عليج الشهر وعساج من عواده الله ام وليد الي تقول هالكلام اجل وش خليتي لنا الي تونا نخطي في الزواج ياقلبي انا احب نصايحج لي لما تصير عندي مشكلة حبابة انا العكس عندي يعني انا العصبية وهو العنيد وادا التقت عصبيتي وعناده خلاص يتكهرب الجو تماما انا اعصب وهو يصر على موقفه وانا يعلى صوتي ويبدأ هو يصارخ مشكلة فالحين تعود لما اعصب يسكت ويخلني اتكلم واتكلم وادا جافني بطول يقول لي خلاص حبيبتي روقي خلي كلامنا لما تهدأي صار يمتص عصبيتي بحنانه وحبه وضماته وانا الحين تعلمت ادا جفته بيصر على شي معين اسكت عنه بس اقول له تحمل قرارك وصرت ما أبدي راي وتدريجيا بدأ يحس نفسه انه وحيد في قرارته ماتعودها فرجع يشاروني وانا مافرض راي او اعاارضه يعني اعطيه راي محدد يعني بشئ بسيط ياعيوني ياام وليد انا وزوجي كذا تعاملنا مع بعض وفي عادات وطباع مستحيل تتغير بما وخصوصا انه من اصول بدوية وحتى لو مو من هذي الاصول مستحيل نقدر نغير الانسان ادا كان رابي على شئ وبيئة معينة يعني نقدر نحاول نغير اشياء طفيفة لصالحنا والاصل ماتوقع ابدا وهي أساسا الي بينا شراكة فهو يرضى بأصلي وانا ارضى بأصله وطبيعة تربيته ونشاته واحاول اوظف اجابياته اتجاهي وعلشان العمر الي بينا والعشرة والحب لعيونه يهون يام وليد وياعمري الريايل تجيب راسهم الكلمة الحلوة والحنان انتي جوفيه لما يعصب وانتي تبين شي منه ومصرة عليه كلميه بحنان وتدلعي عليه وادا كان مع النوع الي عصبيته يقبل انك تضمنيه او تتقربي منه بيوصلك الي تبيه ولا لاء؟ هذا طفلك الكبير اهتمي في كلامك الحلو بزيادة اتجاهه ومو انا الي اجي انصح صاحبة الواجب المتعلمة الفاهمة راعية الاصول ام وليد انتي استاذتي بس ماعرفت ادخل واجوف عندج مشكلة صغيرونة خلنا نقول وما اشارك بتعقيب والله يخلي لكم ابوكم ابو وليد ويخلي لك عيالج يااارب ويدوم العشرة والمحبة بينكم طول العمر ويوفقكم لطاعاته ويتقبل منكم صيامكم وقيامكم وطاعاتكم ويسخر قلبج له ويسخر قلبه لج ويحنن قلبه ويخلصج الله من عصبيته يااارب ورمضان كرييييم القلب داعي لج حبيبتي |
اقتباس:
وربي انا المستحية اني اطرح مشكلتي بس شو اسوي مالي غيركم بعد ربنا بهالغربة وان حبيت اخد رأي امي بينخرب هالبيت من كثر حبها لابو وليد :25: كل اشئ الي تفضلتي قلتيه بطبقه بس لفترة وتعود ريما لعادتها :o :o :o نفسي هالعناد يروح بس ما عرفت اله طريقة وكمان عصبيته بتزيد عنادي بحس كأنه بحلقة بتدور مدري إيمت بتنتهي بتشكر ردك وكل سنة وانت سالمة |
لا ياام وليد ماهقيتها منك :d
الرجل بطبيعة الحال مخلوق عصبي .. ايش نسوي ربي خالقه كذا .. لكن نجي للحرمه ( كتبتها عشان تعصبي :d ) مخلوق هادي وربي خالقها كذا .. الرجل يعصب والزوجه بدورها تمتص الغضب .. مااقولك ضعف منها او اهانه لاسمح الله لكن لانها حنونه وتتكيف بسرعه عندها قدرة على التحمل والصبر .. في مثل هاذي المواقف .. عكس الرجل اللي له القدرة والصبر على الحياة ومشاكلها بشكل عام عكسنا احنا الحريم الرجل عنده قوة التحمل في ظروف المعيشة المتقلبه والظروف الخارجية ( عن البيت ) .. لكن الزوجه عندها قدرة التحمل والصبر على بيتها وزوجها واولادها .. الرجل يتمسك كثير بعادته وتربيته اللي متربي عليها وحتى لو كانت غلط .. لكن الزوجه تتكيف خلاص مع عادات زوجها لانه لها القدرة على ذلك .. << خلاصة كلامي .. اني ماقلت هاذا الكلام الا عشان اشجعك على ترك العناد جانبا لانها راح تأثر عليكي وعلى نفسية زوجك واولادك .. وراح تخدش انوثتك ياام وليد ابدا ابدا ابدا لاتحطي راسك براس الزوج .. لانه بالاول والاخر انتي اللي راح تندمي .. لكن تقدري تجيبي راسه باابسط الطرق وبااسلحتك .. ممكن تقنعيه بوجهة نظرك بطريقة بعيده عن العناد وقريبه للتفاهم او خاطبيه واقنعيه بطريقة ماتبيني انه هو غلط .. لاتقولي لا مااقدر هاذا كرامتي ولا واهانه لي .. بالعكس هاذي طبيعتنا نحن النساء .. احس اني رديت بالعربي الفصحى .. :d |
اقتباس:
هلا بأم فراس انا ما كتبت الا لانه ما عاد فيني استحمل عصبيته ولولا ولادي لرحت بيت اهلي بس اش نسوي احس جناحاتي مكسورين بهم الله يخلي لي اياهن وكمان هالغربة تعصب وتضيق النفس تنازلت كثير مشان اخلي مركب حياتنا تمشي لغة اهلي وما احكيها مع ولادي عادات بيهن هي لماشية بس كل اشئ.واله حدود بتشرك مرورك حبيبتي وكل سنة وانت سالمة |
| الساعة الآن 10:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©