مشكلتي مليت من إهتمام والدي !
 

السلام عليكم ورحمة الله وبركاته.


مبارك عليكم الشهر وكل عام والجميع بألف خير

حابة أخذ آرائكم بمشكلتي اليوم :(

وأحس ودي الموت بعد هاليوم

الا صار كان ودي اروح السوق ارجع شغله
عارضني الوالد

قعد يقول لي مو عدل البنت كل يوم وتطلع
ورمضان وزحمة شوارع
لا تتعبي نفسك بعطيك قيمتها وارميها بالزبالة

قلت طيب روح معاي أو أخوي
زهقت كل شي على هالسواق
والله زهقت هالصيف ماسافرت
يعني احبس نفسي بين 4 جدران
بتروح معاي صديقتي ومابطول

وقالت لي أمي لا تروحي قلت انتو راجعين من سفر انا زهققققققققت كله دراسه
واذا يوم قلت لك طلعي معانا ماتطلعين


المهم وكلمة وكلمه

وصلت اني قلت بكره بعد أوصل 40 سنه وتتحكمون فيني
عمري 23 سنة وصلت السن القانون وكيفي

ماما عصبت

وانا قمت و اعتكفت بغرفتي

:( :(

للعلم إن حالتي النفسية هذي الأيام زي الزفت
ما أدري ليش ؟؟ هل للحبوب الا أخذه لتنظيم الدورة له اثر؟؟؟

والله اني متحسفه لهالشي
ومش عارفة ليش عصبت نفسي وصارت لي مشكلة من سبب تافه
؟؟؟؟

تحياتي..

مبروك عليكي الشهر ياغــاليه


حبيبتي معليه بكون صريحه معاكي حبتين :26: ..


مااشوف في مشكله بالعكس اشوف اهتمام وخوف من الوالد تجاهك .. وهاذي نعمه كثيرات محرمين منها .. و تبغي تتمني على نفسك الموت :( الله يهديكي .. وربي مافي شي يستاهل كل هاذا التعصيب والعزله والنكد على نفسك ..


ابوك ماقال شي غلط بالعكس كلامه عين العقل .. انتي ماتشوفي الشوارع برمضان والله انها تجيب الصداع .. زحمه موت ..


اما حكاية يتحكمو فيكي .. فهاذا من حقهم وخصوصا في حكاية الطلعات والخرجات وكمان خروج مع الصديقات فهاذي اشوفه يبغالها شويه حزم وعدم التسرع بالموافقه بالطلوع .. (لكن غيري مسمى يتحكمو فيكي لانه بهاذا المسمى راح تحسي انهم بالفعل متحكمين فيك وخليه خايفين ومهتمين بي )


انت ببيت والدك وهو ولي امرك بكل شي يخصك وان شاءالله لمن يجيكي نصيبك راح يستلم الزوج هاذي المسؤوليه .. يعني بالله بكره راح تسوي مشكله وتروحي بيت اهلك لانه زوجك منعك من خروج السوق برمضان ..

سن قانوني هاذا بالتعاملات القانونيه مو مع اهلك .. وايش يعني سن قانوني؟؟ يعني خروج عن طاعتهم وعن طورهم !!!.. لا والف لا .. سن قانوني يعني سن رشد وسن تحمل مسؤوليه وعضو فعال ..


وكمان من حقهم يختارو لكي العريس .. ومايوافقو لو شافو ان المتقدم لكي مايناسبك .. يعني تخيلي مثلا جاكي واحد عاطل عن العمل او واحد اجنبي او مثلا يضعو شروط بعقد الزواج مثل سكن مستقل او اكمال دراستها ... فهذا الشي مايعتبر تحكم بقدر مايعتبر ضمان مستقبلك لانهم راعون و مسؤلون عنك وربي راح يسأل كل راع عن رعيته ..



فكري فاانتي بــ 23 يعني تعديتي سن المراهقه والتصرفات الطائشه واصبحتي كبيره وعاقله ..

طيب كان اخذتي بقيمة الغرض اللي بترجعيه الفلوس وكان شرطتي 10000 ريال << لو انا منك اسويها :d


اتمنى حبيبتي تتقبلي نقدي بصدر رحب:22: .. لاني ابغى اوعيك واوضحلك امور يمكن غافله عنها.

تم النقل للقسم المناسب...

السلام عليكم ورحمة الله وبركاته...

مشكورات أخواتي على نصايحكم
الله يجزيكم الجنه ..
والشكر للمشرفة على النقل ..

أختي مالك عالمي
جاري تطبيق النصحية الله يعين
والله يثبتك على رضى والديك

أختي العام
تطمني بالعكس نقدك فتح مخي لشغله
اني لو بكره تزوجت مابقدر ارفض طلب للزوج
فكيف الآن أخالف أهلي وهم الا تعبوا فيني!!

الله ينور لك دربك دنيا وآخرة ويرزقك الزوج الصالح


تحياتي..

عليكم السلام ورحمة الله وبركاته

متأكدة بأنه عصبيتك نتيجة ظروفك الطبيعية في هذا الوقت مثلما ذكرتي

لأنك أعترفتي بأن المشكلة تافهه واستغربتي سوء تصرفك

ماعليكِ إلا الإعتذار بطريقة جميلة لوالديك وتعوذي من الشيطان

وهذي تجربة تتعلمي منها كيف تتحكمي بأعصابك وقت أي مشكلة

وفقك الله .

السلام عليكم ورحمة الله وبركاته..

يؤ ليش تغير عنوان موضوعي
من "مشكلتي"
إلى "مشكلتي مليت من إهتمام والدي"

صراحة أبد مش لايق لمضمون الشيئ اللي كاتبته

أختي غالية مشكورة على نصيحتك

والحمد لله من أمس اعتذرت وطلبت رضاهم
الله يخلصني من هالعصبية إلا مدمرتني


تحياتي

عليكم السلام ورحمة الله وبركاته

الحمد لله الذي هداك وأعتذرتي منهم وهذي أفضل خطوة

وإن شاء الله ماتتكرر وتحاسبين نفسك مليون مره قبل تزعلين من والدينك

بالنسبة لعنوان الموضوع لو أعدتِ قراءة مشكلتك لوجدتيه أنه مناسب جداً

خاصة وإنه العناوين المُبهمة لا تجد المشاركة من أغلب الأعضاء

وفقك الله .

يجب علي ان تتحكمي باعصابك ،، لان الحبوب الي تاخذينها تودي الى الانفعال والعصبية ،،
الله يعينك ،،