|
الله يوفقكم ساعدوني اريدان اتوب ولا زال يلاحقني
الســـلام عليـكم
كيفكم .. ان شاءالله بخير ======== انا جيت بحط مشكلتي بين ايديكم وان شاءالله الاقي لها حل عندكم والله يجزاكم الخيير ياربي .. انا بنت عمري 22 وقبل سنه ونص تقريبا تعرفت على شاب من النت هو طيب واخلاق بس كل يوم اتهاوش معااه وبالفتره الاخيره صرت مااطيقه لاني صرت فكر بشكل جدي وادري انو الشيطان لعب علي قلت يابنت خليك عاقله والله ماتستفيدين شي وكل هذا مايرضي ربك ولا اهلك والحمدلله مقتنعه واللي هونها علي اني ماكنت متعلقه فيه لذيك الدرجه وعزمت على ترك الطريق هذا كله ولله الحمد .. طبعا ماكنت بقول له اني بتركه لاني ماادري من اي نوع هو استغليت فرصة سفره برا وصرت ماارد عليه ابدا رجع من السفر بعد شهر وصار يتصل علي وماارد ويرسل مسجات وبرضو ماارد صارت تجيني ارقام غريبه وماارد بس المشكله ماهي هنا المشكله انو يعرف رقم جوال امي ويعرف اسمي وبعد ارسلت له صورتي من زمااااان بس الصوره مااظن انها عنده لانه ماعنده جهاز فيه ذاكره وقد قال لي ارسلي لي صورتك لانو اللي قبل انمسحت ومن بعدها رفضت ارسل له شي والى الحين وهو يتصل علي وانا مو عارفه وش اسوي اخرتها اليوم اتصل مرتين مارديت ارسل لي مسج فيه رقم جوال امي وانا محتآآآآآآآآآره وربي مادري وش اسوي يعني لما جيت اتوب واترك هالاشياء ينشب لي الغبي هذاا ================ تكفوووووووووون اللي عندها حل الله يخليكم ساعدووني ابي ارتاح منه وربي عفوا تم تعديل العنوان |
الله يهديك ويصلح حالك
والا هذا مو اسلوب مع هذا طالما انك عرفتي غلطتك فحسبك الله طنشيه ولا تردي وخيرته بيتعب |
لا تستسلمين لاتصالاته وتهديداته أبدا ..
عندي لك فكرة .. أخذي رقم مميز لوالدتك وأهديها اياه .. وقولي لها هذا الرقم أحلى من السابق .. وأقنعيها تغيره .. إن شاء الله توافق وترتاحين .. والله يثبتك ويغفر لك يارب .. |
اقتباس:
مافيه مشكله اصلا يا عزيزتي شوفي سبب وغيري رقم جوال امك او قولي يمه خليني اخذ رقمك دخيلتك عاجبني او قولي يمه خلينا نغير ارقامنا وناخذ رقم ورديفه تعرفين هالحركه يصير رقمك مثل رقم امك بس رقم واحد مختلف يعني اخترعي اي شي او انتي استلمي جوال امك وخليه معك او شوفي لك دبره بيمل في يوم ويزهق ومايصير يدق عليك ماعليك منه ابدااااااااااااااااا الله يثبتك |
يأختي هداك الله
الكلام بين الرجل والمرأه بدون محرم وبدون سبب حرااااااااااام حرااااااااااااااام ولا تطاوعي الشيطان الغوي الرجيم |
الله يهديك بس...
شوفي لك اي حجه علشان تغيرين رقمك ورقم امك ... وانتبهي تستسلمين له حتى لو هددك ... هو ارسل لك رقم امك علشان تخافي منه لكن انتي طنشيه وهو راح يتعب ...صدقيني لو خفتي منه واعطيتيه فرصه انه يهدكك راح تنهدم حياتك انتبهي ياختي ... هموووم |
الله يثبتك على هذه التوبة
لا تستسلمي لتهديداته و أصلا هذا النوع من البشر جبان, أعتقد غير جازمة أنه لن يتصل, فقط حركة غبية للضعط عليك. ثم من يملك لك النفع و الضر الله أم هذا الجبان, خلي ثقتك بربك كبيرة و إن شاء الله لن يخيب ظنك. ثم يا حبيبتي من تخافين أكثر الله أم والدتك : أجيبي على هذا السؤال ثم قرري تردي على إتصالاته أو لا. أكثري من دعاء : اللهم أسترني فوق الأرض و تحت الأرض و يوم العرض. |
حاولي تغيرين رقم أمك...
|
الله يغفر لج و يثيتج
شوفي هذا مجرد تهديد ما يقدر يسوي شى بس عشان يلوي ذراعج و اذا طنشتي يكون واااايد احسن اذا طرش مسج تهديد و وعيد لا تردين اذا رديتي بيعرف انتي خايفه و قوليله اذا تبيني بالحلال تعال اخطبني و الله يستر عليج و علينا |
عندما كنت صغيرة وأقع في بعض الأخطاء أحياناً كان الحل الوحيد الذي كنت أشعر أنه سيريحني من عذاب الضمير والخوف من العواقب هو إخبار أمي رحمها الله.
عزيزتي.. غالباً هو جبان يستخدم رقم والدتك كمحاولة للضغط عليكِ .. ولكن في نفس الوقت نحن لا نستطيع أن نجزم بأنه جبان بالفعل .. فربما يكون طائشاً ويفعل ما لا تتوقعينه .. لذلك فالحل الأفضل في رأيي هو أن تصارحي أمكِ وتعترفي لها بالخطأ الذي ارتكبته .. وتتحملي بشجاعة العقاب الذي قد تنالينه منها .. وفي نفس الوقت ستحصلين على من يقف بجانبكِ في حال أقدم ذلك الشاب على أي فعل متهور. |
| الساعة الآن 07:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©