|
مشكلة أنا وأخي وبنات عمي !
السلام عليكم أنا مابي أطيل عليكم قبل لاقول موضوعي ... لاحد يحب وحده الا بعد مايخطبها لايروح فيها مثلي أنا حبيتلي وحده وليتني ماحبيتها....العواقب جات مش عالكيف وعدتها وياكثر الخطاب رفضتهم وأمنت وتطمنت اني جايها لكن أخوي اللي أكبر مني اللي مفروض يتزوج قبلي خطب وملك على أختها !!! عندي 4 عمام وأخوي خطب من عم وأنا أبي أختها ويوم صارت وعرف الجميع اني ابي اخت زوجتة اخوي زعل ابوي وعمي الاول والثاني والثالث وللأسف العم الرابع أبو البنتين هو الكبير لكن الله يرحمه مو فيه يسكتهم انا ماكل هوا ومتعذب ومحتار فعملت حركه ادري انها بايخه ولاني قد عواقبها ارسلتلها رساله قلت انا كنت العب عليك لا اكثر ولا اقل بس ابيها تكرهني وتشوف دربها لانها ماراح تكون من نصيبي واقولها انتي مو البنت الوحيده اللي اعرفها ومن كثرهن ماعرف عددهن لين صدقت والله اعلم الزبده بنهار رمضان دعت علي وتقول يارب تنتقم من ظالمني وربي لايوفقك ودعت علي لين شبعت وادعيه قويه واخرها تقول آميييين انا مادري هل انا الظالم ولا عمامي ؟؟؟ وربي خايف من دعوة المظلوم....والزواج قلت لأمي ماراح أتزوج لين ربك يفرجها وداخل قلبي ونيتي ماراح اتزوج. شكرا لكم....احمد |
ارسلتلها رساله قلت انا كنت العب عليك لا اكثر ولا اقل
ياأخي الحبيب أخطأت بتصرفك هذا وأشعرت الفتاة بأنها مخدوعة وشوهت صورتك وسمعتك حاول تدارك خطأك بدون إعادة أي علاقة مع الفتاة |
غلطان
وضح لها الامر ولا تجرح البنت وتدمي قلبها لو تخبرها الحقيقه احسن قد تتضايق هي من الصراحه ولاكن لن تتضايق منك وقد تستطيع ان تحل الموضوع من ناحيتها والله يوفقكما للذي فيه الخير |
تفكيرك سليم وانت بالحقيقة ما خدعتها ولا ظلمتها ...
انت بالعكس بينت لها شي من صالحها بعدين ... اذا كنت شخص حاولت بشتى الطرق للوصول اليها ولم تستطع فهذا اظنة الحل المناسب حتى تكرهك وتشوف غيرك وتشوف مصلحتها حتى لو ظنت انك واحد كذاب فأنت عند ربك شخص غير كل هذا وهذا هو الاهم .. الله يوفقك ببنت الحلال اللي تنسيك همك وانا اخوك وخل حبك بعد الزواج مو قبلة ... ؟؟ |
اقتباس:
ليش يزعلون ؟ وش السبب ؟ |
وش فيها إذا أخذت أخت زوجة أخوك؟!! عمامك ليه معارضين؟
|
الصدق كااان اهووون من ها الكذبه الي مكان لها داعي ابدا
وبعدين لزم اتحاااول تصلح .. وتفهمهم انه هذا زواج ومب لزم يزعلوون الأهل عشان خذت من عم واحد ... حاااول تجلس معاهم وتصارحهم او خل حد من الي كلمته مسموعه عندكم يتفاهم و يوضح الأمر لهم ... والله يكون في عونك اخوي وماوصيك الدعاء في ها الشهر الفضيل كثر منه ومن قيام اليل الله يصلح ان شاء الله وتكوون من نصيبك ... والله ولي التوفيق |
المسكينه الله يكون في عونها ،لاكن الله يهديك كيف تواعدها في الزواج مو الافظل انك تاخذ راي اهلك لاكن عليك انك توظح لاهلك موقفك مسكينه ظحت لك وانت لازم ما تتركها
|
? ليه يزعلون ؟ شسالفه!!؟
|
مو قادره افهم وين الغلط انت واخوك تاخذون بنت واختها؟
والا عيب عندكم تتزوجون من نفس العايله مافيه سبب مفهوم عشان نتكلم |
| الساعة الآن 12:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©