منتدى عالم الأسرة والمجتمع - حامل وعندي كم سؤال اتمنى المساعده ..

منتدى عالم الأسرة والمجتمع (http://www.66n.com/forums/index.php)

- صحة المرأة (http://www.66n.com/forums/forumdisplay.php?f=107)

- - حامل وعندي كم سؤال اتمنى المساعده .. (http://www.66n.com/forums/showthread.php?t=142869)

حامل وعندي كم سؤال اتمنى المساعده ..

السلام عليكم ورحمة الله وبركاته .

اخواتي الكريمات انا حامل للمره الاولى وانا في الشهر السابع وعندي كم سؤال واتمنى تجيبون علي ...

من بداية حملي ظهر في صدري وظهري حبوب صغير وحمراء وتحكني مره وش ممكن اسوي عشان تروح ؟وإذا فيه كريم استخدمه بعد الولاده ياليت ماتبخلون علي .

من اول ماعرفت اني حامل وانا ادهن بطني لكن بدون فايده تمزق وكل يوم في زياده ..

الى كل حامل او من سبق لها الحمل كيف تشيلون الشعر في المنطقه الحساسه لاني اتعب مره إذا شلت بالحلاوه لانه يصعب وصلي اليه مع الحمل؟

وعندي مشكله انه ىإذا جامعني زوجي احس بألم فضيع ونشوفه زايده وضوق زائد عن حده وحتى لو رطبت احس بألم ؟؟؟

اسفه على الجرأه بس ياليت الي عندها الحل ماتبخل علي ابدا وانتظر ردودكم واتمنى ماتطنشوني ... وشكرا

صباح الخير
الحبوب طبيعي تظهر راجعي دكتورة جلد ،، أما بالنسبة لبطنج بعد الولادة استخدمي كريم تقشير ،، وبالنسبة للشعر حطي جدامج منظرة أسهل أو استخدمي الموس ،،
الله ييسر لج أمورج ،،

و الله أختي حالتي نفس حالتج و أنا جسمي أبيض

و الحبوب طالعه ف صدري و تبين وااااايد

و بالنسبه لأزالة الشعر أنا أخلي زوجي يساعدني لأني

ما أقدر أوصل لين تحت هههههه

و للخطوط اللي ع البطن مثل ما قالت الأخت بعد الولاده

استخدمي كريم التقشير والله يهون عليج ان شاءالله

اللهم آمــــــين

شو كريم التقشير??وشو اهميته??
شكرا:)

مشكورين على المرور بس والله غريبه 56 زياره ومرد إلا 3 ..

السلام عليكم ورحمة الله وبركاته ...

يالغلا مسألة الحبوب الي تطلع هذي عادي لا تحاتين شي بس عشان ترتاحين راجعي طبيب مختص بالامراض الجلدية .. وان شاء الله مافيك شي

اما عن تمزقات الجلد .. انا نفسك طلعلتي فكنت استخدم بالمرز ... جيد جدا.. واذا ماراحت سمعت ان دهن الجلد بعد الولادة بخل التفاح يساعد .. انا قلت بعد الولادة اقصد بالاربعين عشان الريحة ...

وبالنسبة لشعر العانة (المنطقة الحساسة) انا كنت اخلي زوجي يساعدني .. وانصحك اتخلينه يساعدك لا تحاولين زيادة عن اللزوم لانك بتتعبين ...

الله يسهل عليك ولادتك ..

مشكوره حبيبتي بس كيف بقول لزوجي يساعدني والله استحي ..

أختي لا تستحين هذي ريلج

و بو عيالج و حلالج

قولي له تره والله عادي

حبيبتي الله يهون عليك و يقومك بالسلامة

الاخوات تقريبا ردوا عليكي

لكن في ما يخص باخر سؤال

اقتباس:

وعندي مشكله انه ىإذا جامعني زوجي احس بألم فضيع ونشوفه زايده وضوق زائد عن حده وحتى لو رطبت احس بألم ؟؟؟

يفضل التقليل من الجماع ( يستحسن لو تخليكم على التفخيذ) هذه كانت نصيحة الدكتورة لصديقتي هي كمان في السابع
لانه و حسب كلام الدكتورة الجماع في السابع و الثامن ممكن يسبب ولادة مبكرة
و عشان كذا اغلب الاطباء ينصحوا بالاكثار منه في التاسع عشان يسرع و يسهل الولادة

الله يسهلها عليك

اختي بالنسبة للالم اثناء الجماع لازم تحكي للدكتورة ممكن عندك فطريات...لاتتأخري ممكن تؤذي البيبي
طمنينا عليك