|
علي الطلاق اذا ......؟
السلام عليكم .....
كيفكم جميعا ان شاءالله بخير...... موضوعي اليوم من وجهة نظري مهم.... لاني بصراحه انقرصت منه او حسيت فيه لان كنت اسمع عنه واقول في نفسي الحمد الله زوجي مو من ها المتخلفين اللي يحلفون با الطلاق على اشياء تافهه طبعا وهو معصب واذا روق وهدت الامور يقول بتصدق او يصوم وخلاص ..........حرام عليك....... وسؤالي او مو ضوعي للرجل هل منكم من يستخدم ها الاسلوب ويقصد به تأديب الزوجه...... انا من وجهة نظري قمة التخلف...... اليوم تصوروا رحت السوق مع زوجي وقال غطي عيونك المهم انا نسيت وشريت اغراضي وطلعنا يوم ركبنا السياره الا هو معصب كلمه منه كلمه مني......... قالي......علي الطلاق اذا دخلتي السوق مره ثانيه........ كله علشان ليه ماغطيت عيوني ااااااااه يا القهر...... اكيد شفتوا مشكلتي يوم روحتي مكه بعصبيته رجعنا بنفس اليوم وبعصبيته بعد بطلع من ذمته بسبب تافه.......الله يهديه والله اول مره يسويها........... انا خلا ص مليت نفسيتي في الحضيض من عقب ذيك المشكله ويرجع يكررها بس بطريقه ثانيه........ المهم اني بعد الفطور تعوذت من ابليس وناقشته وهدت الامور...... يعني مو معقوله ما ادخل السوق عمري كله.....قال بطعم عشر مساكين وخلاص...... ااااااه يا القهر في باله شي سهل والله اني سكت ومارديت......لاني مليت من المشاكل والله استنى العطله علشان اروح لاهلي..... نقصت تقريبا 3كيلوا...او اكثر من اول رمضان الى الحين انا جسمي ما يتحمل كل ها المشاكل....... احس حياتنا تغيرت فيه شي.......مشاكلنا تزيد مستحيل نجلس يومين على بعض راضين ومبسوطين........ الله يصبرني ويهديه والله اكتب وانا ابكي........يسوي الشي بعدين يتاسف ويصلح غلطه........ حتى روحة مكه............قولوا مشااااااااااااء الله.......عوضني عنها ورحت معاه الاسبوع هاذا وجلسنا يومين حتى اهلي ما يدرون قلت بنروح للمدينه الله يجزاه خير والله ما قصر وعوضني عن قهري يوم مكه......... بس ليه انا لازم افكر بكلامي قبل اطلعه وهو ليه ما يفكر.........والله احس انه جرحني يعني انا ما هميته وباي وقت بايعني........... هذي اخباري......ها الاسبوع انتظركم واتمنى ما تقسون علي زي مشكلتي بروحتي مكه........ ابغى بس دعواتكم ان الله يهديه ويسخره لي ويبعد الشيطان عنا ........... |
اختى بندوره 2007 زوجك انسان رائع وبه صفه جميله وهى غيرته الشديده عليك0كم تساوى هذه 0الصفه عندك0 بوجود انسان كله واحد عنده0 بعدين ويش رايك بزوج لابنتك مستقبلا به نقس الصفه0 ودى لو اقسو عليك بكلمتين واقول لك ياليت كل الرجال مثله 0يغار ويغار ويغااااااااااااااااااااااار 0ولكن اجلسى معه وناقشى معه موضوع التفوه بالطلاق0والله يوفقك
|
هلا اختي
أنا رجل وأعرف معنى كلمة علي الطلاق وقلتها يوم طرحتي مشكلتي لاني كنت واصل حدي قبل ايام العزوبية كلمة علي الحرام وعلي الطلاق كانت دايم تطلع بدن اي قصد لأن بعض الشباب وخاصتن المتزوجين يبدونها على الحلف بالله وهذا اكبر غلط على كلاً يمكن زوجك متعود على الكلمة هذي وأحمدي ربك أنة يوم قلتيلة تفهم الموضوع وقبلها سفْرك يعني احمدي ربك ضربة المشوار بحد ذاتها تسوى الكثير وعلى فكرة كلموا مفتي وقولو لة انه متعود على هالكلمة وبعدين اذا غلط وعرف غلطتة وتعذر والله الشي هذا مايسونة بعض الأزواج والله يوفقك ويهدي زوجك وعلى فكرة بعد تراه وفر عليك الرجيم ههههههههههههههههههه تقبلوا تحيات أخيكم المحب دائماً ....لندكروزر |
اقتباس:
هلا فيك اخوي...انا معاك انه شديد الغيره وانا الحمد الله لبسي للعبايه محترم لكن كنت في المحل وطبيعي اطلع عيوني علشان اشوف...... بس ماتوصل للزعل والتفوه بها الكلمه.....الله يهديه |
اقتباس:
هلا فيك اخوي شاكره مرورك وانا ما قلت شي الحمد الله على كل حال وهو ماتعود يقول ها الكلمه اول مره يقولها من تزوجنا.........بس شقول........انا تعبت ومن ناحيه الرجيم انا بختفي اذا استمر الحال..... دعواتكم |
اختى2007 والله انا مثله مشاااااااااااكل على هالموضوع 00 وفى النهايه تفوهت بكلمه اعلم انها سيئه وللاسف فعلتها قلت لزوجتى والله ماعاد انزل معك السوق لين اموت 0وروحى مع اخوانك 0او ابنك لين كبر وصار رجال 0الحمدلله الان اقتنعت 0بعدين غطى عيوووووووووووووونك خلاااااااااااااااص ويكفى
|
احمدي ربك واشكرية انا ابي منك شي واحد بس قارني بين سلبياتة وايجابياتة
وبعدين والله الشي ماتعرفين قيمتة لين تفقدينة من غير شر انشالله أنا موضوعي اللي طرحتة الاسبوع الماضي ماتوقعت القاله حل وفعلاً حليت المشكلة بكل هدوء الله يوفقك والله اني علي الطلاق هههههههههههههه اني ادعيلك من كل قلبي واذا عن الوزن عليك بالحلا بعد الدسم دايم يقولونها الدكاترة تقبلي تحيات اخيكي المحب /...لندكروزر |
اقتباس:
هلا فيك اخوي.....انت قلت لين اموت...هههههههههه اتوقع اهون من علي الطلاق........والله كلهن مصيبه........ الله يهديكم ويخليكم لنا.......... مشكزره على مرورك الله يخليلك زوجتك |
الله يهديهم
ويوفقك اختي |
اقتباس:
لندكروزر......الله يسعدك ويوفقك والحمد الله انك لقيت حل لمشكلتك........ وصدقني الاخلاق تغطي على عيوب كثيررره..... وفعلا صادق ايجابياته اكثر من سلبياته......الله يهديه مالي غيره بعد الله ثم اهلي......... ومشكوره ماقصرت ولاتنساني من دعواتك والله يخليلك زوجتك والله يحليها بنظرك دووووووووووووووووم....... |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©