مشكلة أخي ساعدوني بأرائكم
 

السلام عليكم ورحمة الله وبركاته

اولا ..رمضان مبارك علينا وعليكم ان شالله

اخواني واخواتي انا راح اطرح لكم مشكلة اخوي مع زوجته وابغى رايكم في المشكلة الله يخليكم

ترى ورا المشكلة دي خراب بيت

بسم الله نبدأ ...

اخويا عمره 24 سنة وله متزوج 9 شهور بالظبط وقبلها كانت فترة خطوبته سنتين وزيادة .:14: .(زوجته عمرها 21)

المشكله انو اخويا مه زوجته مرةةة مو تمااام لانو اليوم جا عند امي وقالها انا خلاص ابغى اسيب زوجتي

طبعا امي قالت ليش وايش اللي صار ... رد لها ..

انو زوجته ماباااااااردة جدا جدا معاه:24: ومو قادر يوصل لقلبها وانو هما مو متفاهمين ..وانو الكلام دا من ايام الملكة

حتقولوا كيف يعني ..انا راح اقولكم على مواقف تصير بينهم وانتو احكموا..معليش حطول عليكم بس استحملوني ..
*يتتمنى يسمع منها كلمةحلوة او كلام دلع حتى لو كان رساله جوال..


*يعني متلا يقول انها ما تهتم فيه متلا اذا كان متضايق من شي برة البيت يعني اتشاكل مع احد برة البيت ورجع زعلان مقفل ما تسال فيه ولا تقوله حتى ايش بك ..وطبعا كل مرة مو مرة او مرتين ..ودا شي يزعل:29:

*تقرف من ملابسه ومنه يقول انو ملابسه سواء كانت نظيفة اووسخة ماتشيلها من مكانها حتقولوا كيف غسلتها ..اصلا هيا ماتغسلها ..امي الله يعطيها العافية تغسلها وهولما يجيبها تقغد عالمكان اللي جابه فيها لين تغبر واللي يقها انها ترفع ملابسها كلها وهملابسه لأ..



*ملابسها حقتها وهيا عروسة (طبعا غير حق الخروج ..قمصان ..ومن الكلام دا ) جدييييدة زي ما هيا الى ان حملت ..(هيا حملت بعد زواجهم ب3 شهور)

*ابدا ما تقولوا يللا نروح عند اهلي ..يعني تكره روحته عند اهلها والعكس..:(

وغيره غيرو من الاشياء التانية يطول ذكرها هنا هو مرر ةمتضايق من الاشياء دي :19: رغم انو يقول انها طيبة مررة :22:

طبعا انا امي نصحناه انو يجلس معاها ويصارحها ..وهو قال نو تعب من مصارحتها وانو كم من مرة بينلها هو من ايش متضايق ومافي فايدة

ارجوكم ساعدوني ايش الحا مع زوجة زي كدا والله اخويا حالته النفسية مرة تعبااانة حتى فكر انو يسحب السنة دي من الجامعة (رغم انها اخر سنة له ) لانه مرررة مو قادر يركز في شي..



وانو هو حاول يعدل فيها ماقدر

خللى يجرب وستخدم اللين ويبعد عن العنف لأنى فهمت تن مراتة حامل وحرام طفل مش ليها ذانب يعيش مع اب وام منفصلين :28:

والله يا اخmahmoudbasha جرب معاها كل الطرق

بالتلميح ..بالمصارحة بالمجاملة بالطيبة بالرومانسية

ايش اقلك هيا مرررة باااردة

وانا اعرف اخويا مرررة رومانسي..

ومشكور ما قصرت

اتوقع هي ماهي متعودة على المسؤليه وبصراحه الغلط من اخوك الله يهديه وليش امك تغسل ملابسه المفرووض هي تغسلها وهذا واجب عليها خليها اذا شافت ماعاد في الدولاب ملابس بتستحي على دمها وبتغسلها

وبصراحه مااقدر اظلم البنت امكن عشان حامل وتتوحم بهالفتره ولازم احد ينبهى لهالشي وبالذات اخوك يصارحها ومايترك لها الحبل على القارب وترى احنا نخاف من سالفه الطلاق والحرمه الثانيه امكن تصحصح شوي

والله يهديها ويخليها لزوجها وانتي بعد انصحي اخووك بالصبر بصراحه كثير اسمع قصص المتزوجين حديثا مايتعودون على المسؤليه بدري والله يعين

واتمنى لك التوفيق اخيتي

اختي ام البراء مشكورة ما قصرتي

مسألة الملابس بدايتها انها ماتعرف وثانيها انها تقرف (ترى حتى ملابسها امها تغسلها هيا )

مسالة الحمل حطيناها في الحسبان بس هو يقول انا ما اتزوجتها وهيا حامل وحتى لما خملت انا صبرت بزبادة على الوحام واللي يصيرفيه ..لكن هيا الحمد لله خلصت وحامها هيا بالشهر السابع ..

ومشكورة مرة تانية

زوجه اخوك جيده انا زوجتى لاتشيل ملابسها ولا ملابسى ولاتعلم عن شىء وتدعى الكمال وبكل وقاحه

قولي له : يقول البدوي ابن البدوي لو ان كل واحد طلق زوجته على شان ماذكر لوجد بنات البلد مطلقات ..
وليخاف الله في ولده القادم .. وليصبر لعل الله ان يصلح الحال ... وليخفف شي من رومانسيته وليتنازل بعض الشي ليسير المركب .. وليحذر من التهاون في دراسته فانها مستقبله ..


اخوك البدوي

اخي التوفل ..الله يعينك على ما ابتلاك بيه <<يعني زوجة اخويا احسن من ناس كتير:29:

مشكور على المرور

اخوي بدوي ولد بدوي ..هو ماقرر خلاص انو يطلقها

هو يحبها مرررة بس انه هو خلاص ما عاد فيه يصبر مرة سوى كل شي معاها ومافاد

ومشكور على المرور

الله يحنن قلب زوجته عليه ،،،