مشكلة مع خطيبي و ابغي مساعدة بليزززززززززززز
 

السلام عليكم و رحمة الله و بركاته



لو سمحتوا خواتي أنا عندي مشكلة و ابغي حل لها
مشكلتي أني ملجته من حوالي شهر تقريبا و خطيبي من ملجنا عمره ما قال حقي كلمة حلوه ، كل ما يتصل يسأل عن أحوالي و اذا بغيت شي منه و بس ، و أنا أعاني منه صراحة و كل ما أحوال أقول حقج كلمة حلوة ما يشجعني و خاصة أنا استحي .




أرجوكم ساعدوني بسرعة



شكراااااااااااااااااااااااا

غاليتي .. من وجهة نظري انك ما تبدئين انت
المفروض تجي منه
يمكن يعتقد انك جريئة وما يعجبه ذا الشي
ويمكن يكون مستحي منك ومع الأيام ان شاء الله يتغير
ترى شهر مدة قليلة
عليكي بالدعاء ان الله يحنن قلبه ويعدل حاله ويلين قوله ويملى قلبه بحبك
الله يوفقك ويهدي سركم ويريح بالك وخاطرك

السلام عليكم أختى فى الله
انتى من وجة نظرى اجتماعية نوعاً أو تبحثين عن الدفء لمشاعرك
وهذا جيد ولكن للحصول على الشئ لابد من الإعداد له
انتى زعلانه من شهر بس وأنا بحاول مع ملاكى بقالى 3 شهور ومتوقع نتيجه بعد 3 شهور كمان
لو كنتى مرتى بخبره سابقه أو ماشابه فلا تتعجليه ودعيه يأتى بنفسه
ونصيحتى اهتمى به فقط واسألى عليه دوماً واطلبى منه أن يطمأنك على نفسه
وانشاء الله خير

حبيبتي مع الايام راح يتكلم معاك لان ماصار لكم شي من ملجتوا يمكن يخجل انه يتكلم انتي ابدئي بس مو كلمات قويييه عشان لايقول انك خفيفه

الله يوفقك يارب يالغلا طولي بالك الله يسعدكم

شهر مده قليله جدا يمكن اهو خجووول او ماتربى على الكلام المعسول

ممممممممم ... انزين لييش ما تكتبين له كلمه حلوه بالمسج ..


انا بصراحه ما قدرت اقول لزوجتي كلمه حلوه مباشره .. عشان جي استعنت بالمسجااات .. وما تتصورين اشكثر استانست وهي بادلتني بالمسجات الحلوه .. ومع الايام بتتطور الحاله وبيصير كل شي تماااام



والله يوفقكم ان شاااء الله

الصراحه انكم يالبنات مو عاجبكم العجب ولا الصيام برجب وحده مو عاجبه خطيبه يقولها كلام حلو تستحي ووحده مو عاجبها خطيبه لانه مايقول كلام حلو اوف تكلمو انتم ليش لازم الريل اهو الي يبداء الكلام:11: