|
مساااعدة صديقي يبي ينفصل عن خطيبته والسبب الم الدوره الشهرية
السلام عليكم ورحمة الله وبركاته اخواني باقي شهر عن زواج صديقي لكن اكتشف بالغلط ان خطيبته الي مملك عليها ماتجيها الالام الدوره الشهريه ويقول ان خطيبته ماتدري عن الدوره الشهرية الا اذا شافتها يعني مافي الالام ولا شيء ينزل الدم بدون اي متاعب والمشكله انه قرأ مقاله ان وجود البكاره هو سبب هذه الالام والمتاعب قبل نزل الدوره الشهريه فجلس يفكر ويقرر ليش خطيبته ماتجيها متاعب مثل كل البنات وهو طاير في راسه الف عفريت الحين وبدا يشكشك ويشك في خطيبته قلت له يابن الحلال حافظ على خطيبتك ولا تتسرع ولا تظلمها قال اصلاً المتاعب موجوده في كل البنات الابكار وماتروح المتاعب الا عند المتزوجات فقط وش الدبره وش اقله وخايف على مستقبله من هالخرابيط ساااااااااااااااعدوني |
انا عندي قريبه ما تجيها آلالام الدوره الشهريه بتاتا
وانا مو كل شهر ساعات لا اله الا الله علي ما أحس اي الم ما اشوف الا دم خاصه لما اكون تعبانه نفسيا تنزل الدوره من دون اي الم ومن اي مقدمات هاي اللي قلته واقع لازم تنقل له لصديقك وخله يتقي الله في بنت الناس لأن غشاء البكاره فيه انواع وبعضه لا ينزف يعني لو طلق خطيبته يمكن يلاقي بنت فيها الم بس غشائها لما ينفض ما يطلع منه دم واقولك شي خاص عمتي لما فض غشائها لم يخرج دم انصحك خطيبك وقوله الأخلاق مو بالم الدوره ولا بدم الغشاء ترى ف يناس تسوي ترقيع للغشاء واخلاقها زفت انصحه يذكر الله وارجوك قوله عن قريبتي وعمتي وعني وقوله انت بنعمه ترا اللي تجيهم آلالام مشكله لأن الزواجه ما تقدر تعطي الزوج حقه ولا تتفرغ له من كثر الألم واهم شي قوله لا تصير ظالم لان الله بيحسابه يبني اشياء على مقالات وكلام مو صحيح ولا منطقي |
لاحول ولاقوة إلا بالله
متى هالشباب يتعلمون ياخذون المعلومات الصحيحة من مصادرها الموثوقة وش هالخرابيط !! وش دخل الآلام بالبكارة ومن قال إن المتزوجات مايتألمون ؟؟ الله يهديه ويفتح عليه وينور بصيرته ويرجع لعقله قبل يتهور |
وش هالتفكير المتخلف
و يصدق كلام اي مقااااااااله قول له ان المقاله هذي خاطئه مليون بالمئه لاني قبل لا اتزوج ما كانت تجيني الام الدوره ولا شيء يعني لمن كنت بنت و بعـــــــد ما تزوجت و اجهضت بديت احس بالألآم يعني بالنسبه لي المقوله معكووووووسه و ياكثر البنات اللي اعرفهم ما يحسون بأي الآلآم بوقت الدوره يعني الحين خلاص كلهم من غير غشاء بالصراحه صديقك قهـــــرني والله لو تسمع خطيبه هي اللي بتنفصل مو هـو |
الله المستعان
مين قال ان سبب الالام الدورة الشهرية هو غشاء البكارة حرام عليه لا يظلمها الالام حتى بتجى للمتزوجة وانا متاكدة الله يهديه وينور بصيرته للحق |
الآلام ناتجة عن تقلصات الرحم ,, ولادخل لها بغشاء البكارة
|
والله الجهل بهذي الامور مصيبه
يا عالم وش دخل الام الدوره بغشاء البكاره |
اقتباس:
بنسبه لألأم الدورة اعتقد تختلف من بنت لبنت البعض تشعر بتعب والبعض لا والبعض مجرد مغص شوي باسفل البطن وخلاص او شوي مسكن ويروح الألم وبعدين هو ليه من الان يشك باخلاق خطيبته ويشك بشرفها !!!!!!!! عشان يطمئن خليه يستفسر من طبيبه نساء وولاده وبتشرح له الامر الله يوفقه معقوووووووله !!!:29: !! فيه شباب بهالمستوى من الثقافه لازم يتثقف شوي الله معك |
:eek::eek:
الله يهيدكم بس ايش الافكار هذي مافيها الا العافيه الله يحفظها ويحميها بسم الله عليها الرحمن الرحيم هذي الامور البنات يكتمون سرها عشان العين البنات يحسدوا بعضهم اللي ماتجيها اللام بسم الله عليها الرحمن الرحيم الله يحفظها ويحميها ويصونها قوله اجل يبغا البنت اللي تطيح في المستشفى طول مدة ايام الدوره يالطيف الطف اللهم لا شماته يارب بسم الله علينا وعلى بنات المسلمين خليه يتعوذ من الشيطان ويشيل الخرافه من راسه لاحول ولا قوة الا بالله رحمت البنت الله يسخرلها اللي يخاف الله فيها ويصونها ويقدرها ويخاف عليها |
استغفر الله العظيم وش دخل الم الدوره بالبكاره ... ومن قال ان الوحده لما تتزوج تروح الام الدوره ..كان ارتحنا وافتكينا ..لكن فعلا اهل العقول في راحه وياخي قوله بنات الناس مولعبه عنده.... |
| الساعة الآن 04:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©