|
تزاعلت مع زوجي مو عارفه اتصرف ممكن تساعدوني الله يوفقكم
السلام عليكم ورحمة الله وبركاته
لو سمحتواا صديقتي محتاره طلبت مني اطرح مشكلتهااا وان شاء الله تساعدونها فيهاا تناقشت هي وزوجهااا وتشادوا بالكلام بالاخير قالها اطلعي لبيت اهلك وهي ع طول راحت لان كرامتها ماتسمح لهااا انها تقعد لحظه وحدة قبل لاتطلع من بيتها قالها خلاص اقعدي بس هي رفضت وراحت بيت اهلها لان الكلمة قويه بحقها ابي شوركم اتصل عليهاا مره وحده ع الموبايل وماردت عليه هل هذا الي سوته صح ؟؟؟؟ ولا تخبر ابوها بالسااالفه ؟؟؟ واذا اتصل مره ثانيه ترد ولا لا مدري الرجال يعتبرونها اذا ردت ورضت بسرعة ان هي ماتهتم وممكن مره ثانيه يسوي الحركة ومايهتم بالعواقب ايش الحل الثقل مرررره وعدم الرد ؟؟ ولا ترد وترضى بسرعة نفسي افهم لو اي رجال رضت زوجته بسرعة ايش يعتبرهاا ؟؟؟؟ وترا عندها طفلين وهذي اول مشكلة كبيرة تصير لهم عشاان كذا مو عارفه كيف تتصرف افيدوووهاااا الله يساعدكم |
خل تتعوذ من ابليس تره الريايل ما يحبون الحرمه اللى تعاند
|
الحل أن تستعيذ من الشيطان وترجع لزوجها
ونصيحة نصيحة نصيحة ألا تخبر أهلها .. فإن تدخل الأهل في الغالب ( يعميها ولا يكحلها ) إذا تدخلت الأطراف الخارجية فإن المشكلة ستكبر وتتفاقم وهذا ليس في صالحها أبدا أختي الكريمة .. الحياة الزوجية يلزمها الكثير من التنازل والضحيات وها هو زوجها قد تراجع في كلامه وأوصاها بالبقاء ثم اتصل أيضا ولم ترد .. أعتقد يكفي إلى هنا ! لا داعي لخلق مشاكل أكبر (( وأن تعفوا أقرب للتقوى ولا تنسوا الفضل بينكم )) |
الدنيا رمضان
خليها تتعوذ بالله من الشيطان وترجع بيتها ولاتكبر السالفه |
الله يهديها ترجع وتتعوذ من الشيطان
|
الله يهديها ويصلح أحوالهم ......... أنا ما أعرف شو أشور عليها بس أهم شي ما تخبر أهلها بأي شي وتحاول تتفاهم هي وزوجها بينهم من دون تدخل الناس ............ |
يقول المثل اسال مجرب ولا تسال طبيب انصحك اختي صاحبة الموضوع ان تتعوذ من الشيطان الرجيم وتعود الى بيتها قبل ان تكبر المشكلة وحاولي ان تكسبي زوجك بالكلمة الطيبة قبل ان تتفاقم المشكلة عندها لاينفع الندم على مافات |
زوجي دايم يقول ( لا كرامة بين الزوجين )
و كرامتها من كرامته و العكس صحيح و أهم شئ يستفيدوا من المشكلة هذه و لازم الزوجين دايم يخلو هناك ( خط للرجعة ) أو مدري إيش يسموها ؟ |
وهي ع طول راحت لان كرامتها ماتسمح لهااا انها تقعد لحظه وحدة
هذي الكرامه اللي مالها اصل بين الزوجين اصلا سبب من اسباب المشاكل بين الزوجين...كرامتي وكرامتي...يعني لو نجي نتكلم عن الكرامه ودققنا على كل شئ في الحياه الزوجيه ما راح نخلص من كرامتي وعزتي ...اتقوا الله .... وكن حسنات المعشر مع ازواجكن يكن لكن عبدا ودودا كريما... لا كرامه اللا في دين الله...وفي حق من حقوق الله....اذا ما اهين ديننا هنا نقول كرامتنا ما تهون ..عزتنا... يعني خليها ترد على زوجها وتتعوذ من ابليس وتكون إمرأه رجوعه ..رحيمه..حنونه...بلاش الكلام اللي ما منه اللا وجع الراس...لا تنسي هي كمان شدت في الكلام والله يعلم شو ردت على زوجها حتى تطلع منه هذه الكلمه.. اذا ارادت عيشه هنيه وسعيده...لا تكبر السالفه...وترجع لزوجها..بكل هدوء ..يعني اعتذار منه واعتذار منها وترجع المياه الى مجاريها...اقل مكان تقدر تبتعد فيه عن زوجها هي غرفة نومها... يا اختي اذا اراد الزوج هجر زوجته ينام معها في نفس الغرفه وبنفس السرير اللهم يقلب وجهه بس....والصراحه قد مرت علّي انا وزجي اننا مره زعلنا...بس ننام بنفس الغرفه والله ثواني واحنا اصحاب.. : ) ....لانه ما دام حنا جنب بعض كل واحد بيتقرب من الثاني شويه اشويه وبعدها كلمه ثم ضحكه ثم....... والله يوفق الجميع وهذه نصيحه للجميع.. من وجهة نظري الزوجه اللي تخرج من بيتها وحنق في بيت اهلها..تنكسر في نظر الزوج.....وتبدأ بينهم جفوه....وامكن يبقى في قلب شئ.... |
اقتباس:
شكل صديقتك عايشه مع زوجها والسلام مافيه شيء اسمه كرامه بين الزوج وزوجته لأن كرامتهم وحده |
| الساعة الآن 03:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©