|
ارجوكم شوفوا لي حل
السلام عليكم انا اول مره اكتب عن نفسي بمنتدى بس الان خلاص مو قادره استحمل تعبت تعبت من المشاكل ابي اعيش مثل ما غيري عايش بسعاده وهنا لو مو عشاني عشان العيال انا متزوجه من 10 سنوات وعندي ولد وبنت زوجي كان من احسن الناس طيب جدا وخلوق والكل يحبه من اول ما تزوجنا كان يحب يشوف الافلام الاباحيه وبشوف الصور كنت ازعل واتضايق من الشئ هذا وهو عنده لا عادي والمفروض ما تزعلين منه وكنت انصحه واقوله العين تزني وحرام الي يسويه بعد فتره صار ما يشوف عندي شئ وقالي انه تركهم عشاني انا صدقته وقلت الحمد لله بعد كذا اكتشفت انه يشوفهم من وراي لما اكون مو بالبيت اسكت وخليته على راحته لاني ما قدرت عليه ولو قلت له شئ صارت مشاكل بيننا فقلت اشتري راحتي وهو مو بصغير رجال كبير وعارف انه شئ غلط وحرام المهم من خمس سنوات تقريبا تغير علي بشكل خيالي ما يقعد بالبيت الا للنوم بس ما يقربني بفراش الا نااااااااااااااااااااااادرا كل ما قلت له ليش يقولي انا رجال ومن حقي اطلع وما احب اصوات العيال وصار كل شوي يعايرني بالبارده والثلاجه وانتي اصلا ما تحبين الجنس؟؟؟؟؟؟؟؟؟؟؟ مع اني ما اشوفه ولا يتكلم معاي الانادرا ولا بيننا اي اتصال فكيف حكم علي بالبرود انا اسكت وتحملت قلت يالله فتره وتعدي حملت مره ثانيه وبفتره الحمل كنت جدا تعبانه وطول وقتي عند اهلي وبامر منه هو ولما كنت ابي اروح للبيت يرفض وهو يجيب لي اغراضي؟ مره جيت للبيت وانا كنت بالسابع حامل لقيته مغير بمكان الكمبيوتر وجايب كاميره ورقم سري ما اقدر افتح الكمبيوتر سالته ليش كل هذا اعطاني اعذار ما تتصدق وانه ناسي الرقم السري ذاك اليوم صارت سالفه ما بيننا طقتي وسحبني مع شعري يبي يطلعني برى البيت وهو دايما يقولي انا بطلعك قدام الناس عريانه عشان يقولوا انك مجنونه ومو صاحيه بعد ما شافني مو قادره اتنفس رماني بالارض واخذا البوكس تبع الكمبيوتر وطلع من البيت لمده 6 ايااام مدري عنه شئ وانا من النوع لو اموت اهلي ما يعرفون بمشاكلي ويحسبوني عايشه بنعيم بعد كذا جاي للبيت ولا كان اي شئ صار ولا حتى كلمه اعتذار وانا هبلا سامحته على اللي صار وصارت بيننا مشاكل بعد كذا لحد الولاده بعد ما طلعت من المستشفى وداني لبيت اهلي وما شفته طول الاربعين يوم ومكالمات بالقطاره ومن غير نفس بعد جا اخذني ورحت لبيتي عشان العيال ودست على كرامتي |
ونفس الشئ رجعنا للمشاكل كل يومين ثلاثه مشكله من سنه تقريبا اكتشفت عن طريق الصدفه ان زوجي العزيز كان على علاقه باكثر من وحده بالمسنجر والجوال شفت كلام ما بينهم بالمسن وكلام لصديقه او بمعنى اصح لعدوه لانه هو اللي ينصحه بالبنات كان يسبني ويكلمه عن المشاكل اللي بيننا كلام يقوله لبنات الهوى ولا فكر بيوم بقوله حق زوجته جاني انهيار تعبت مرضت كرهت كل شئ البيت الدنيا كلها عرفت ليش كان يطلع طول اليوم برى البيت ليش يتهمني بالبرود الجنسي مع انه ما يجيني عرفت وعرفت وليتني ما عرفت بعده بفتره اعتذر وان الشئ هذا قديم وخلاص بطل انا سامحته وقلت له الله يغفر لعباده فكيف حنا ما نغفر لبعض بعد كذا صار معي من احسن ما يكون لا مشاكل ولا شئ .........من فتره رجعت لنا المشاكل صار يقولي ليتني اخذ وحده ما معاها الا الابتدائيه صديقي كذا زوجته ما تقوله شئ لو يجي للبيت بعد اسبوع ما تقوله وين كنت؟؟؟؟؟؟؟؟ متاثر باللي معاه بالدوام ومشاكلهم يجي يطبقها علي ما يبيني اقوله وينك؟مو معناه اني 24 ساعه معلقه التلفون واشوف وينه لا والله من كثر ما يقولي هالكلام صرت اشك بنفسي لا يكون انا بشخصيتين اموره ما يقولي عليها اي شئ يخصه ممنوع اعرفه بالاول زعلت بعدين قلت بكيفك انت رجال ما تبيني اعرف شئ عنك براحتك زوجي من النوع اللي لا يمكن يجيني بالجنس انا اللي لازم اجي له؟؟؟؟؟؟؟؟؟؟؟؟؟؟؟ اقوله طيب مشتهيه يوم انت تجيني حسسني اني مرغوبه لو يوم بس يقولي لا ما ابي اجي لك مزاجي ما ابي انتي تجين ازعل واحلف ما اجي ولا اقربه تجي على راسي؟؟؟ اتهامات وانتي بارده وانتي ثلاجه خخخخخخ ارجع واقول يا بنت ربي عيالك وسوي اللي يبيه ودوسي على نفسك عشان اللي عندك ثاني رمضان صارت سالفه ما بيننا ورفع صوته علي مع نهديد بالضرب وطبعا قدام الاولاد (يا قلبي عليهم) واخوي كان فيه وسمع كل الكلام والسب وانواع الشتائم واختك ثلاجه وبارده وما اعرف ايش يعني فضيحه درجه اولى انا طلعت كل اللي بقلبي عليه ما خليت شئ رحت باخذ ملابسي وبطلع برى البيت لحقني ويضمني وما اعرف ايش وخلاص خلي نتفاهم دخلت الغرفه صليت الفجر قلت لو جا واعتذر وربي لا انسى كل شئ لكن للاسف جا للغرفه وهات يا حساب ليش قلتي انا ما ابغاكي ولا احبك ليش قلتي اني اقول كلام حلو للبنات بالمسن وانتي لا قلت هذا اللي صاير وانا بشر واحس مثلي مثل غيري مع انه يقولي دايما انتي مو مثل باقي الحريم انتي ما تستاهلين شئ ولا تستاهلين تسافرين قلت له انا تعبانه ومو قادره اتكلم بعد كذا نام واسكتنا على الموضوع لحد فجر السبت اللي فات طلع من البيت لليوم ما شفته اتصل مره سال عن العيال وصك السماعه بوجهي مع طبعا كلام زي العسل وارسل مسج يقولي اني ما اهتمك ولا شئ وعاجبني الوضع؟؟؟؟؟؟؟؟؟؟؟؟؟؟؟؟؟؟؟؟؟ .................................................. .........ز من ولادتي بولدي الثاني لليوم وانا ما اناااااااااااااام الا بحبوب كرهتي الحياه كلها يقولي انا سبب المشاكل كلها مع اني محافظه على بيتي ما ارفض له طلب كل شئ انا اسويه معتمد على بشكل كلي لو يخرب شئ بلبيت انا اروح واجيب احد يصلحه شايل يده من البيت سوق ملاهي تمشيه للعيال علي انا هو لا يمكن بزعم ما يحب الازعاج وصجه البزران يطلب مني اشياء حرام وكم مره وافقته عليهم لكن الان تبت لرب العالمين والله ما ارجع لاي شئ حرام ولا بطيعه بشئ والله العظيم واللي خلق السموات والارض انا بشر وكلنا نخطئ بس والله خلاااااااااااااص حياتي مستحيله كذا تحملت كثير مشاكل واتهامات وبلاوي حتى اهله ما سلمت منهم اول الزواج لكن الان لا والله ما اظلمهم ارجوكم اعطوني حل انا ما ابي الطلاق ابي عيالي يعيشون مع امهم وابوهم للعلم محد يدري بمشكلتي الان من اهلي حرام الناس رمضان وما ابي اضيق خلقهم المشكله انا عرضتها بقسم المشاكل الاجتماعيه سامحوني على التكرار |
والله ياقلبي مني عارفة ايش اقولك بس ماعندك غير تلجئى لرب العالمين وادعيلة انة ربي انشاء الله يهديه
عشانك وعشان عيالك وادعي يارب اجعل بيني وبين زوجي مودة ورحمة تحياتي |
أختي كان الله في عونك وهدى زوجك للخير وابعده عن رفاق السوء وعن الحرام بكل انواعه وجمعكما على الخير والمحبة وأبعد الشيطان عنكما .
افضل حل لك هو الصبر والدعاء وعلى ما يبدو ان زوجك عنيد ومسير من اصدقائه وكما هو معروف طريق الحرام مفروش بالمغريات. هل يوجد أحد من أهله له تأثير عليه يمكنك مكالمته على ان يتدخل وبطريقة غير مباشرة. ما هي نقاط ضعفه والتي يمكنك استخدامها لمصلحته. اقترح عليك ان تطلبي منه وقتا يخصصه لك على ان يسمعك به ولكن اختاري الوقت المناسب لا ان يكون(معصب) او متضايق او ما شابه. وقولي له اريد منك نصف ساعة اتكلم بها معك بعد ان نصلي ركعتان لوجه الله تعالىوتكون انت الإمام.وعندما تكون جاهزا ابلغني . ثم تطلبي منه ان يتحملك خلال هذا الزمن وعندما تجلسان معا امسكي يده وقولي له اقسم انني احبك وانت افضل رجل بالدنيا ......الخ من الكلام الذي يرضي غرور الرجل . ثم اطلبي من ان يجيب على سؤالك له عن سبب معاملته لك وانك ستنفذين طلباته كلها وبما يرضي الله وان كان هناك طلب مشكوك به يمكنكم الاتصال بقسم الافتاء لتصحيح افكاركم (حلال كانت ام حرام) ولكن لا تستسلمي للحرام معه فغضب الله كبير. لا تيأسي واصبري وادعي الله وابعدي وساوس الشيطان عنك وقومي بما يرضي الله وانصحك بالهدوءولا ترفعي صوتك أمام زوجك وابتعدي عما يزيده نفورا وغضبا. وعليك بالكلمة الحلوة والابتسامة الناعمةوالتحمل (أعلم ان هذا الامر صعبا عليك ولكن انظري الى ثوابه). الله ييسر اموركما للخير |
السلام عليكم ...
والله يا اختي مدري ايش ارد اقولك لكن استغلي رمضان وأدعيله الله يهديه ويصلح حاله .. الله يعينك ويفرج همك .... أم حمزة |
واللة انا برايي تقولي لشخص من عايلتك تمونين علية مثل اخوك الكبير او عمك يكلمة وقتها بحس ان الموضوع كبير شوي
او انك تجلسين معه شوي بحكمة يعني مثلا تاخذين العيال يوم لبيت اهلك و تجلسين معه يوم واحد تتفاهيمين و بصراحة اختي تسامحك معاه من الاول هو السبب الرجال ليما اغلط لو سامحتية اكثر من مرا بتعود وربي و لا ابالي اصلا اتمنى من ربي سبحانة انه يعينك و افرج همك |
مساء الخير //
بالفعل الدعــــاء ثم الدعـــاء لزوجــــك بالصـــلاح والهداية والتوبة ،، فلا تنسي انتي في رمضـــان يارعاك الله اكثري من الدعــاء وتحري اوقات الاجـــابة شــئ آخــــر ،، بما انه لايريدك بتصرفاته هذه المشينــــة ،، ويطلق عليك كلام وانك مثل كذا وكذا ،، ولايهتم في البيت ولا شؤونه ،، وغير محافظ على مشاعرك اريد ان اسألك سؤال واحد فقط هل الابنــاء سبب في خوفك من حكاية الطـــلاق ؟! ام هل الاهــل وكلام اهلــك ونظــــرة المجتمـــع التي يوضح من رسالتك ان تخافينها ؟! اريد سؤالك هل حيــاتك في بيت اهــلك معززه مكــرمة اهون عليك ام حياتك بين يد رجــل لايخاف الله اهون عليك ؟!! حيـــاتك يارعاك الله ليست رخيصـــة حتى تهدريهــــا بهذه الطريقــــــة ،، خاصة وانت لاتنامين الان بالمهدئات !! ان لم تعني لك الكرامة شــئ ،، في سبيل الاولاد نسأل المولى ان يجعلهم قرة عينك ،، لاتنســي روحك هذه التي بين جنبات نفسك فلها حق عليك فلا تزهقيها بالعيش مع متسلّــط ســؤال : لما لاتُحــكمي احداً من اهلــلك واخــر من اهــلة بشرط ان يكون هذا الطرف الآخـــر الذي من اهــلة شخص يحبة زوجـــك او على الاقل يحتــرمة ويقدرة ، حتي ينظــر في مزاج زوجــــــك ،، فربما كان هناك سر لدى زوجــك ارى ان تبحثي عن شخصين واحد من اهلك وواحد من اهلة بشرط ان يكون عاقل فاهم يكن له زوجك الود والاحترام يبحث معكم هذه المشكلـــة وطمنيـــنا عنك في زيارتك القادمة اخوك الشــوق |
الله يسخره لكم ويحنن قلبه ويهديه
اللهم آمين اللهم آمين |
إلى متى صبر000 مالك إلا انسان حازم من أهلك ممكن يتدخل000ويعلمه انك انسانة وراك أهل00
|
اختي العزيزة...........
اول شي ابدئي انت بنفسك هدي اعصابك والجئي الى الله بكل جوارحك تضرعي الى الله والحي في الدعاء قومي الى الصلاة اخر الليل وادعي وادعي وادعي متيقنة بالاجابه0((ربي هب لنا من ازواجنا وذرياتنا قرة اعين واجعلنا للمتقين اماما)اللهم رد الي زوجي ردا جيلا ..اكثري من الاستغفار وقيام الليل والتسبيح..اصلحي مابينك وبين الله يصلح الله مابينك وبين عباده...............والله يااختي انت بسكوتك امام زوجك اكدتي له كلامه انك...وانك..حاولي معاه باللين مره وعشرة اذا مافاد ضروري تدخلي حكم من اهلك وحكم من اهله وساعتها اثنينكم يطلع اللي بقلبه وهم يحكموا..انا معاكي ان اللي بينكم من مشاكل تحافظي عليها وتكتميها لكن ماتوصل للضرب وكمان تعتبريه سررر لازم ينحط حد لكل اللي سواه فيكي .... المهم انت حاولي تعدلي شوي من نفسك شوفي هو كيف يبغاكي تكوني اذا يبغاكي زي بنات الهوى خليكي زيهم واكثر بس بالحلال وابهريه بحركات البنات..واذا والله هذا الشي مجربته وما نفع فما لك الا الحل الثاني حكم من اهلك واهله وان شاء الله يتعدل اهم شي لا تسكتي ولا تستسلمي لرفقاء السوء والبنات.........ولا تفكري في الطلاق حاليا لانك انت الخسرانه بتتركي زوجك للبنات الله لا يسامحهم وهذا هو اللي يبغاه عشان يصفاله الجو...........والله يسهلك امورك ويفرج عنك كربتك ويسخر لك زوجك |
| الساعة الآن 04:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©