بسم الله الرحمن الرحيم

اختي الكريمة صنيه البطاطس لها اكثر من طريقة

(1)

صنيه البطاطس باللحم

المقادير


لحم قطع + بصلة + مقدار من الماء + عصير طماطم + ملح و فلفل + صلصة طماطم + بطاطس


الطريقة

نحضر حلة و نضع فيها البصل مفري يشوح اما بسمن او زيت

اول ما يدبل نضع قطع اللحم و نشوح علي نار عاليه حتي يتغير لون اللحم نضع عصير الطماطم

و تترك اللحم حتي اقتراب النضج ( و ليس تمام النضج )

نحضر صنيه نضع فيها حلقات البطاطس بتكون حلقات سميكة اقل من عرض الاصبح


http://www.66n.com/pics/hosted/w0cg3...2bb5831fsm.jpg

و نصب عليها خليط اللحم بحرص شديدة و تترك لتغلي علي البوتجاز

ثم تغطي و تدخل الفرن في القاع 10ق ثم في المنتصف شويه ثم نفتح الجريل

و اثناء الطهي لو احتاجت ماء اضيفي القليل منه و ليس الكثير حتي لا تفقدي تسبيكة الصلصة


(2)

نفس المقادير السابقة


الاعداد


نحضر حلة و نضع فيها مقدار من الماء و البصل و ورق الغار و الحبهان تغلي الماء

نضع قطع اللحم و تسلق بالطريقة العادية

في حلة ثانية نفرم البصلة و تقلب حتي الذبول ثم نضع عصير الطماطم و مكعب مرق

و تترك لتغلي 10ق ثم نوطي عليها النار و تترك حتي تتسبك

نحضر صنيه نرص فيها حلقات البطاطس و نصب عليها الصلصة المسبكة و قطع اللحم و تترك لتغلي فوق البوتجاز و تدخل الفرن

( لو اللحم تام النضج اثناء السلق توضع اللحم في اخر 10ق للبطاطس و هي في الفرن )

(3)

المقادير نفسها



بس بدل اللحم فراخ + اضافة ثوم مفري علي الصلصة

انا افضل سلق الفراخ و شكلها بيكون شهي اكثر مع الوراك

نفس طريقة التسبيكه و نرص البطاطس في الصنيهو عليها التسبيكة تغلي فون علي البوتجاز

ثم تدخل الفرن و اخر غلوة نضع الفراخ

ممكن تكون الفراخ بدون عظم

(4)

طريقتي ...

مش نفس طعم المسبك لكنه شهي ايضا و لو مذاقه الخاص


نحضر صنيه نرص البطاطس و نضع حلقات البصل و عصير الطماطم و مكعب مرقة و ملعقة سمن ( حسب الرغبه )

و تغطي و تترك لتغلي علي النار ثم تدخل الفرن


(5)

طريقتي

صنيه البطاطس البيضاء

http://www.66n.com/pics/hosted/6cq7g...jpr4p6cf19.jpg

نفس الطريقة السابقة لكن دون عصير طماطم و نضيف ماء

و بتكون شهية لو اضفنا عليها قطع من الفراخ


الاضافة لجميع الاطباق ( قرن فلفل حامي مقطوع نصفين فقط )

او فلفل بارد ( حسب الرغبة )

و اي استفسار انا تحت الامر

تحياتي