مشاعر المطلقه بعد الطلاق
 

زميله لي دائما تشكو من حالها

فهى مطلقه وتعيش عند اهلها..مع اطفالها 3 ولكن دائما تشكو بانها لاتستطيع العيش بدون رجل يشاركها حياتها.......وترى نفسها لاتملك صفات تؤهلها لزواج وخصوصا هذا الشي سيحرمهها من اطفالها .

ولا احد يتقدم لها

معاناتها ..جعلتني أتسائل ..عن مشاعر المطلقه بعد الطلاق وكيف تستطيع السيطره على جيشان عواطفها ورغباتها

هل بأمكانها التخطيط لزواج او ماذا تفعل لتتزوج.....بدون خسران اطفالها؟

معاناه المطلقه شديده وحاجتها لرجل تكون اكبر لان ذلك يرجع لها الثقه بأنها لازالت مرغوبه.

ولكن كيف تساعد نفسها في تجاوز هذا الاحتياج؟

0

فالمفترض دائما اظهار حب الخير والستر والموافقه على الزوج الصالح

والظهور بشموخ وتألق وعدم الانطواء واهمال النفس 0

أسأل الله ان يوفق كل اخت للستر والزوج الصالح

0
---------------------------------------------------------------------------------------
اخي الكبير ممكن توضح كيف اطلب الزوج وبنفس الوقت اظهر بمظهر الشموخ؟؟
كيف اجمع بينهم؟؟؟؟؟؟
شكره ومقدره لك

اختي سكون 11
انا مطلقة صارلي 4 سنين و اعرف تماما ما تمر به صديقتك
و انا بتكلم معك بكل صراحة و شفافية :

مشاعري بعد الطلاق سوداوية , من جهة الاكتئاب و الضيق و من جهة اخرى الحاجة الى رجل ليسد و يشبع الرغبات و المشاعر اللي تنتابني.

و انا احلفلك لولا الخوف من الله لكنت اتجهت الى طريق خطا ليسد هذه الرغبات سواء كانت رغبات عاطفية او غريزية او بالاصح الجنسية .

عن نفسي حاولت اسيطر على نفسي عن طريق الابتعاد عن المثيرات اللي تهيج المشاعر , اللجوء الى الله,احاول اغض بصري , احاول امتنع عن مشاهدة الافلام الرومانسية..
اما عن الزواج فلا زلت انتظر نصيبي ,صحيح ما احد تقدم لحد الان لكنني كلي تفاؤل و ثقة...طبعا صعب ادق البيببان و ادور على زوج او حتى اكلم خطابه( منقوده عندنا ).

بالنسبة الى صديقتك فالله يصبرها على مصيبتها و عليها بالدعاء و الصبر , و اذا امكن تقدر تكلم اي خطابة ...

دمتي بود

اختي سكون

جزاكي الله خيرا لي اهتمامك بزميلتك


يا ريت لو حاولتي تساعديها

ممكن تكلمي خاطبة


بالنسبة لمشاعرها

اقول ايه


ربنا يلطف بيها وبينا

أول ماتطلقت قلت فكة ماعاد أبي أتزوج , لكن بعدين صرت أدور الزواج , أدقدق على خطابات , وأدخل مواقع الزواج بالنت , المهم جاني خطاب بس ماكتب ربي شي والحمد لله شر زايل إن شاء الله .
الحين وبعد أربع سنوات أصابني الفتور , ولم يعد الزواج مهما عندي لحصول تغيرات في حياتي , حيث أني أسكن وحدي الآن مع طفلتي , والبيت الجديد أدبر فيه من وإلى , طبعا هذي الحالة مؤقتة لأن البيت أجار , يوم كنت مع الأهل كان عندي فراااااغ كبير وكنت أنام ودي أتزوج وأقوم ودي أتزوج , لكن الآن ودي إن ربي يخلي لي أمي وأبوي , لأن عملي على شغل البيت ماخذ وقتي غير إني أحس بالحنان أكثر من أمي وأبوي ودايم يدقون علي يتطمنون , لكن الصراحة إذا وقعت في مشكلة في البيت تحتاج رجال أحتاس وأتمنى إني متزوجة وغيره .. لكن الحمد لله ييسرها ربي لي .
الصراحة أنا هالسنة انقلبت مية وثمانين درجة يوم سكنت ببيت لحالي , حتى الرغبات الجنسية خفت كثيييير , أول كنت أفرغها بأحلام اليقظة , لكن الحين أحيانا كثيرة مالي خلق على هالأحلام ...
إذا في مقدورها تسكن ببيت لحالها ولو يجي معاها أخوها لامشكلة لكن تصير هي مديرة البيت ورئيسته , صدقيني بتقل رغبتها بالزواج كثييير , وإذا مافي مقدورها عليها بالدعاء , تقوم الليل وتدعي لنفسها بالفرج والزواج , طبعا تلتزم ماستطاعت بآداب الدعاء , وتستمر تدعي تدعي , بتحس بعدين أنها تشبعت فيها الرغبة بالزواج , وهذا مايحصل لي عندما أجتهد بالدعاء , وبالنسبة لأولادها تعطيهم أبوهم إن كان أبوهم ثقة ويحبهم وبيربيهم صح , فلاتخاف عليهم , مصيرهم إن شاء الله يكبرون ويجونها , غير إنها بتشوفهم باستمرار إن شاء الله , وهي حتى بتلهى عنهم وتنشغل بالزوج الجديد , وإذا الأب ماهو ثقة تشترطهم للي يتقدم لها , والله يفرج عنها (آمين)

اشكر كل من أهتم بالموضوع ..

بجد كلامكم فيه العلاج وفيه المواساه وصادق

وبأنتظار لمن لديه كلمه ...

انا حاليا منفصله ومابعد تطلقت ..
عندي بنتين (6ونصف سنوات ,سنتين) الكبيره عند ابوها ومبسوطه ومرتاحهوالصغيره عندي ..
طبعا الطلاق رح يتم بس بياخذ وقت شوي ..
الأوضاع في البدايه ماكانت سهله ولولا الله ثم اهلي واقفين بصفي وداعميني والا كنت رح اقتل نفسي من الهم والصدمه اللي جتني بعدما دريت عن خداع الزوج واستغلاله لي ..
والحمدلله اخذت قرايه عند جدتي ومع دعوات ربي انه يفرجها علي .. وكنت اتصدق وادعو ربي انه يكتب لي الخير حتى لو كان الخير في طلاقي منه ..
وسبحان الله الامور تتوضح قدام عيوني يوم وراء يوم ان الطلاق هو القرار الصحيح بدون استعجال الامور ..

وصدقوني مواجهة المجتمع والتأقلم مع الوضع الجديد صعب في بدايته , ومثل ماقالوا الاخوات لازم اصير شامخه ومتألقه واحاول انسجم مع الاهل في مواضيعهم ونقاشاتهم ..
وكلها دروس ياخذها الواحد في حياته تفيده في مستقبله وتنفع غيرها من اخواتها اللواتي مررن بنفس المرحله ..
بس لازم الوحده تلهي بنفسها ولا تخلي الهم ياكلها , اذا مو مكمله دراستها هذي فرصتها تكمل دراستها وتاخذ دورات تفيدها ,العلم مايوقف عند سن معين .
واذا ماعندها وظيفه , تشد حيلها وتدور على وظيفه تستفيد ماديا منها .
وإذا هي انسانه طموحه ويمكن زوجها كان مهبطها , هذي فرصتها انها تبدأ مشروعها وتدور على نجاحها بنفسها .
مافيها شيئ اذا استخرتي واستشرتي اهلك في كل امور حياتك , والله مافي مثل الاهل الله يخليهم ذخر لنا .

الله يكون في عونكم يارب

لا تعليق