منتدى عالم الأسرة والمجتمع - التشيز كيك بالنسكافية على طريقة منال العالم بالصور

انا عملت التشيز كيك اللى بالنسكافية اللى عملتها منال العالم بجد طلعت تحفة و طعمها جميييييييييل جدا جدا فقلت اللى متفرجش على الحلقة اقولو الطريقة و المقادير و مع الاسف انا مصورتش الخطوات لانى كنت خايفة انها متطلعش حلوة لما اعملها (طبعا حيكون انا السبب مش وصفة الست منال)

http://www.66n.com/pics/hosted/4a6r9...7ooto047wc.gif

ادى المقادير:

6 ملاعق كبيرة زبدة او 90 جرام
1 1\2 كوب بسكويت دايجستف مطحون
400 جرام اي نوع جبنة كريمى
ملعقة كبيرة جيلاتين او ظرف جيلاتين
2 ملعقة كبيرة بودرة كاكاو
1 كوب كريمة لبانى
علبة حليب مكثف نستلة
ملعقكة كبيرة نسكافية
قطع شيكولاتة

و ادى صورة المقادير اللى انا استخدمتها

http://farm3.static.flickr.com/2036/...b7673e7e_m.jpg

الطريقة

نسيح الزبدة على النار (انا بصراحة نسيت اسيحها و استخدمتها ذى ما هى بس عجنتها لحد ما ذابت مع البسكويت)

نسيح الجيلاتين فى حوالى 1\4 كوب ماء مغلى حتى يذوب تماما

نذوب النسكافيه فى حوالى 1\4 كوب ماء

نحط البسكويت + الكاكاو مع بعض و نقلبهم و نضيف عليهم الزبدة ونقلبهم مع بعض تماما

نحط المقدار فى صينية متحركة القاع و نضغط على البسكويت جيدا حتى نغطى قاع الصينية تماما

نضع الحليب + الكريمة + الجبنة مع بعض و نضربهم حتى يصبح الخليط مثل الكريم شانتيه او دريم ويب

ثم نضع عليهم الجيلاتين و نقلبه

نضع نصف المقدار على البسكويت ثم نضع قطع الشيكولاتة ثم نرش بودرة كاكاو (مكانش عندى الشيكولاتة فحطيت الباقى من بودرة البسكويت)

نضع على باقى المقدار النسكافيه و نقلبهم ثم نضع المقدار على الجزء السابق و نضع الصينية فى الثلاجة لمدة لا تقل عن 4 ساعات

و دى صورها لما جينا ناكلها

http://farm3.static.flickr.com/2001/...2f1984b1_m.jpg

http://farm3.static.flickr.com/2195/...4f98fafb_m.jpg

http://farm3.static.flickr.com/2044/...868ae71f_m.jpg

و بالهنا و الشفا

ملحوظة: ماخدتش اكثر من ربع ساعة و كانت جاهزة