معاناتي مع اخي
 

نسكن بشقه صغيرة تضمنا انا وزوجي واطفالنا واخي الذي ينعدم بداخله الاحساس سكن معنا بطلب من زوجي لمده محدوده وهي الى ان ينتهي من دراسة التوجيهي والاخ ماكذب خبر تسمر بالبيت والان هو انهى دراست وتوظف عند زوجي ولكن الطامه الكبرى انه ينوي ان يعيش معي طول العمر وهذه معاناتي بالتحديد
انا احس اني تحت ضغط عالي وانني بوجه المدفع جاء عندنا وانا معي طفل واحد والان عندي ثلاثة اطفال واريد ان اسقدم خادمه والبيت مايكفي وين تنام الخادمه عند اولادي مستحيل والبيت كله غرفتين وصالونوصاله طبعا الاخ مستوطن الصالون وانا متضاقه من وجوده وسبب لي ضغوط ترجع على زوجي واطفالي ولمحت له اكثر من مره احيانا اقول اسكن عند اهلك انا بحاجة خادمه ويتوقع اني امزح يعني مااخذ الموضوع بجد لا واللي يقهر اكثر انه سامع كل شيء يدور بيني وبين زوجي بغرفة النوم كذا مره وكم ملره شافني بملابس عاريه جدا ومع كذا مايحس كانه لازق بغراء وزوجي رافض اني اطرده يقول عيب عليك تطردين اخوك وانا اقول له خلاص احنا خذينا بيده وكمل دراسته وسندنا ظهره بالشغل وش يبي اكثر مابقي الا نزوجه ويسكن معنا هو والعروس لا والسخافه عاد اذا كان متابع فيلم بالصاله يطرد اطفالي واحيانا يدخلهم علي بالغرفه ويسكر الباب كان البيت بيت ابوه وانا اكتب الان وطالعه روحي منه صدق فيه ناس عديمه الاحساس والمسؤليه

حقيقى شىء فى منتهى البرود . عزيزتى كونى حازمة معه واجعليه يذهب للعيش مع أهله ولا تعطى فرصة لتدخل زوجك فى الموضوع . الله يكون فى عونك من هالضغط العصبى . وتقبللى مرورى

حاولوا انكم تستأجرون شقه يسكن فيهابالقرب منكم ويسدد الأجار من راتبه كونه موظف..واحذري انه يشوفك بملابس عاريه لانك تأثمين حرام عليك..مايجوز لك هالشي..والله يعينك..

والله يشوفني عاريه من تصرفاته البايخة يدخل علي بغرفة النوم بدون استأذان وكذا مره نبهته ومافيه فايده انا الحين مابغى اتفاهم معه على اي شيء ابغاه يطلع من بيتي وبس

يالله

الله يعينك

طيب كلمي امك ابوك اشرحي لهم الوضع

فعلا وين أهلك؟!
ياختي خبريهم مافيه أحد كبير يقدر يتدخل؟!
اذا مافيه قولي بصراحة معليش ياخوي انت عارف العائلة كثرت وانا قلت لأبو فلان أنه يبحث لك عن سكن ونحاول نساعدك في المصاريف!!!

واذا رفض قولي له انا جادة!
وتعامله مع أطفالك قولي له بصراحة مالك حق تطرد أولادي من الصالة علشان حضرتك تتفرج على التلفزيون؟!
مين سمح لك؟! أولادي أولى!! قوليها بقوة حتى لو زعل!
وحاولي انك ما تتنازلين عن اي شيء علشانه!
الله يكون بعونك وضع صعب فعلا..

يااعزائي اهي موجودين لكنهم مو قد المسؤليه وامي اذا شكيت عليها تطلعني انا الغلطانه وتقول انتي عصبيه ونفسك شينه وابوي لاهي بالدنيا وكانه ولدي مو ولدهم ولااحد حاس فيني حتى زوجي متعاطف معه ويقول اهلك ظالمينه ومع هذا يتكلم بزوجي قدامي الاخ مااحد عاجبه والمعروف ماينفع مع هالاشكل وهو مايبغى يروح لااهله يقول انهم طمعانين براتبي وماعنده سياره وبيتي اقرب له للعمل من بيت اهله مع انه يقدر يشتري سياره بس يقول حاليا مااعرف اسوق بعدين اتعلم السياقه وكل شيء بعدين وانا بموت من الضيقة كانه قاعد فوق راسي