|
سؤال للرجال...
عندما يتعرف الرجل على امراة غير زوجته....كيف يمكن للزوجة اكتشاف ذلك ...ماهي التصرفات والحركات والاساليب التي يتبعها الرجال لاخفاء ذلك... اعرف انها اسرار مهنة الرجال ...وما تبون تخرقون بقسم المهنة...لكن نقول اكسبوا اجر وعلمونا.... معلومة صغيرة تستر بيوت كتيرة... |
تطلبين المستحيل !!
مافيه رجال يبي يعلم بالشيء هذا لأن أهم شيء عندهم مصالحهم الخاصة لكن يظل في النهاية موضوع مهم و جميل و سيكون أروع لو وجد التجاوب من الرجال |
شوفي ولا احد رد ولا حيردوا
|
ياحليلك
يعني مصدقه انهم بيقولون لك وشلون |
اقتباس:
الله يبعد عنهم الحرام ... |
موضوع مهم وشيق بس ما اشوف رد من الرجال :) بس تدرين انا اتوقع لم تشوفين زوجك متغير وعليه حركات مو مضبوطه اكيد في سر مو شرط بنت في حياته بس اكيد بكون في شي خاشه عنك
|
يؤ يؤ واضح من ردودكم انكم متحمالين علينا نحن "المساكين" معشر الرجال ! أبقولك شي اختي ياروحي-انا ولا يهونون الباقين إذا كنا متفقين منذُ البداية على أن الحياة الزوجية أساسها علاقة مشتركة بين طرفين (رجل وامرأة) يجمعهما الحب والمودة والإخلاص...الخ فبتأكيد الخيانة الزوجية إن صدرت -لاسمح الله-!! سيكون بطلها أحد أطراف هذه العلاقة . بصريح العبارة (الخيانة الزوجية ليست مهنة للرجال كي يكون لها أسرار كما ذكرتي !!) هي ظاهرة إجتماعية سلبية ومشينة وبالتأكيد محرمه لا يرضاها دين ولا عقل !! وأقترح عليكِ وعلى الجميع (رجال ونساءَ ) البحث عن الأسباب والدوافع - لكي تكون الحلول ناجحة وفعالةَ- بدلاَ من إضاعة الوقت بالبحث عن "تصرفات وأساليب وحركات الرجل" (كما ذكرتي)!!أو المرأة! والله المستعان ,, |
لو أنتوا يالرجال منزلين موضوع تطلبون فيه إجابة سؤال من النساء
كان ماقصرنا .. لكن الشرهه على ألي معطيكم وجه بزياده و أنتوا ماتتجاوبون معانا !! |
اقتباس:
طيب رغم ان مالي في هذي الامور ولله الحمد قبل كل شيء كل رجال وله طريقته لاكن بذكر أغلب الحركات اللي اشوفها من اصدقائي وزملائي في العمل 1-اذا شفتي زوجك زايد موضوع التشخيص عنده بزيادة يعني وين ما يطلع مرسم 2-اذا شفتي زوجك مهتم بجواله ولا يبيك تشوفين اللي فيه وفواتيرة زايده حبتين 3-اذا شفتي زوجك كاثره طلعاته بزيادة 4-اذا شفتي زوجك اذا قربتي منه ما هزه شيء ولا اهتم 5-اذا شفتي زوجك ماصار يهتم في موضوع الجماع 6-اذا شفتي زوجك صار قاسي بتعامله معك 7-اذا شفتي زوجك قل اهتمامه فيك 8-اذا شفتي زوجك عنده جوالين أو يطلع يكلم برى 9-اذا شفتي زوجك دايم يقولك ماكل برى 10-اذا شفتي زوجك دايم يطلع مع اخوياه للأسواق هاه وش رايكم تكفي هذي النقاط ولا ازيد ارتحتوا الحين معليش يا معشر الرجال كبينا شوي من عشاكم بس لاتنسون تدعون لي ان الله يزيدني جهل في العلاقات المحرمه وان الله يرزقني بالزوجة الصالحة |
انا رجل
انتم يا اخواتي تتكلمون وكأن الذي يخون عنده شفره مخفيه لا يعرفها الا الرجال وتتهموننا اننا لا نريد ان نفضح بعضنا في سر المهنا ونسيتوا اننا نعيش في مجتمع واحد ولكل شخص طريقه لاخفاء اسرارهالخاصه سواء كان رجل او امرأه فهناك اناس عندهم قدره على اخفاء كل شي سري وبقلب بارد وعلى ما قالوا يدخلك من جهة ويخرجك من جهة وفيه اناس اخرين ضعوف مثلي ما يقدر يخفي ولا شي لو كان ياكل علك وزوجته ما تبيه تاكل مثلا ما قدر يخفي العلك هههههه فلا تسوين زحمه على الرجال عموما وانت اكثر وحده تعرفي زوجك وعادته وطريقة حياته والله يصلح احوالنا واحوالكم واحوال المسلمين |
| الساعة الآن 11:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©