|
قبل الزواج تذكر هذا
بسم الله الرحمن الرحيم عند اختيارك اظفر بذات الدين كما وصالك النبي صلى الله عليه وسلم ... هذه الاوله مافيها كلام طبعا اذا قلت لاهلك هذا قالوا ... الحمدلله كلهن مسلمات :d فيها طرق تختار فيها اذا قالوا لك هذا الكلام بطريقتك الخاصه بالتركيز على الاختيار من جهتك ان اردت ان تتهنا بزواج ناجح بعد توفيق الله : * لا تقرب صاحبت الاسواق ... فاكثرهن يقولن نبي نوسع الصدر ويجلسن بالسوق بالساعات فتجدها بالاسبوع الواحد تخرج ( ثلاث مرات على الاقل ) ... مكروهه صاحبت الاسواق .... فالخروج من البيت يعلم الانسان اشياء كثيره . * ابتعد عن من يقولون لك هذه مدلعه ... فهي كثيرة الفركات من عش الزوجيه بسبب الدلع لانك لم تاتي على هواها .. فهناك فرق شاسع بين ( الدلع والتدلع ) فالعوبه عوبه . ان كنت غاوي مرمطه بين الناس وكثرة القيل والقال عنك بين ربعك واهلك والمشاكل التي ستحدث ( فترزوجها ) .. فلا يتزوج المدلعه الا رجلان الاول ( هو الذي يريدها مثل ..الجاريه .. بسبب جمالها فان مل منها طلقها وتركها ) فلا يعتبرها زوجها لابنائه فقط جاريه لانه يعرف انها صاحبت مشاكل . والثاني ( واحد عادي عنده المرمطه وهز الراس ) . اذا كلش اوكي واخلاقها زينه رح للمرحله الاخيره وهي ( امها ) هل هي عفريته مع زوجها ... يعني مشاكسه وراعية مشاكل اذا بغيت تعرف اسئل اهلك تمنياتي للعزوبيه بالاختيار السنع |
الله يسعد قلبك يارب:)
كل هذا طلعته فينا طيب سوي فينا خير احنا البنات واعطونا اسراركم يالشباب عشان نعرف الرجال السنع من الرجل الخيخه:29:<<< استغفر الله العظيم الله يهديهم ويهدينا تبغا الصراحه وانا اختك كلامك صحيح في كيفية الاختيار البنات الله الهادي لسواء السبيل الله يرزق البنات الرجال الصالحين ويرزق الشباب البنات الصالحات العفيفات |
الله يوفقك ياخوي:)
وأنا بحكم اني أنثى ومن هالمنبر أبي أوصي أخواتي البنات::29: 1- لا تاخذين راعي الطلعات والكشتات مع أخوياه ولا راعي الإستراحات ولا القهاوي لأنه اذا صار هناك يكون فاتح أذونه لكل كلمة ويبي يسمع كثير ويجيك راسه منتفخ من كثر ما سمع..:25: 2- لا تاخذين الجاف اللي ما يعرف يتعامل مع أنوثة المرأة ودلعها لأنه اذا حبيتي تدلعين حالك حال كل بنوتة يبي يعتبرك جارية ويمكن تعيشي معاه بمعسكر...وهذا تعرفينه من شكله :18: بيوم الشوفة ومن نظرة :eek: عيونه كأنه ضابط بالجيش و يبي يقولك ....للأمام سر:30: 3- اذا جيتي تتزوجين أسألي عن تاريخ أبو العريس مع أمه لا يكون مر بتاريخه ثلاث أشياء مهمممممممة الخيانة الضرب البخل الله يبعد كل المتزوجين واللي يبون يتزوجون عن هالأشياء:p والله يوفقنا أجمعين |
كلام جميل
و أنتِ الأمل جبتيها و أيضا أحذروا من الشاب الخكري ...!! و الشاب ألي حياته فرفرة بالأسواق ..!! و أبعدي عن الشاب المدخن ..!! و ... و ... و ... و حتى تقصري على نفسك كثير من عوار الراس أسألي هل هو يصلي بالمسجد ولا على المزاج !! و بالإضافة إلى كم يحفظ من القرآن << الأفضل يارب أرزقنا الصائم القائم الحافظ لكتابك يالله |
ألا يا ساري ما تسألون عن أبو البنت !!
|
جزاك الله خير
|
اقتباس:
السلام عليكم ذكرتني بشايب الله يذكره بالخير, يقول: الأولين يقولون: "إذا بغيت تشتري بقرة فسأل عن أمها وأم أمها و أمها فكيف بالإنسان" (طبعا كلمة بالأنسان من عندي وإلا هو يقول فكيف بالمرة) فعلا يا إن الكبار أصحاب حكمة :) أو لا... مع الأعتذار للجميع , و مرة أخرى الرسل لا تقتل :) والسلام |
اشكرك اخي ساري على الموضوع
تصدق صاروا الناس يسألون عن البنت اكثر من الولد <------------------<< انقلبت السالفة |
الحمد الله انى مصريه:d :d
|
سلام ياجماعه
لاتظلمون الرجال ولا المراه ممكن ابوهم ولا امهم يكونون على خطا بس هم شنو ذنبهم ممكن يكونون في دين وخلق ياجماعه فما نظلم الولد ولا البنت عشان الاب ولا الام --- والعكس ممكن صحيح --- ممكن الاب والام زينين والولد والبنت الله العالم شنو وضعهم -- وبالنسبه للبنت الي تطلع برع وايد ممكن احيانا تجيك بنت قويه وجريئه هالشي ممكن حلو لكن مع الوقت ماراح ترتاح خصوصا مع رجل طيب ويبيلها الخير وهي تحسب ان هالشي عادي لكن هي تكرهه لكن في الاساس هي الخطا بتصرفها بهالتصرف والله يهديهم --- وبعد لاتاخذون دلوعه . ترا راح تتعبون بطلباتها وزعلها وانها هي الصح وانت خطا بسبة اشياء تافهه تحسب كل شي صح لان كل البيت يقولها انتي صح وسوي الي تسوينه واوامرج مطاعه وهاي خطا كبير فيسببلها مشاكل لما تشوف واقع الزواج القادم ==== وعن البنت اهم شي شوف خلقها ودينها وشلون تعاملها مع اهلها ورفيجاتها وهم لازم تشوفون شنو المره تبي في رجل المستقبل والله يزوجنا كلنا امين |
| الساعة الآن 08:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©