منتدى عالم الأسرة والمجتمع - ثاني العيد ستعود زوجتي إلى البيت ومعها طفلتنا الجديدة ــ أريد أن أعمل لها مفاجئة تتذك

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

ثاني العيد ستعود زوجتي إلى البيت ومعها طفلتنا الجديدة ــ أريد أن أعمل لها مفاجئة تتذك

السلام عليكم ورحمة الله وبركاته ...

إخواني وأخواتي الأعزاء هذه أول مشاركة لي في هذا المنتدى مع أني مسجل من فترة لكني كنت أفضل دائما الاطلاع والقراءة.

ثاني العيد ستعود زوجتي إلى البيت ومعها طفلتنا الجديدة ــ أريد أن أعمل لها مفاجئة تتذكرها الدهر كله ....
أصل الموضوع هو أن زوجتي دائما تشكو من عدم اهتمامي بها وبالهدايا والحقيقة هي أنني بارد من هذه الناحية لكني الآن على عجلة من أمري وأريد أن أجهز البيت خلال يوم أو يومين لأستقبلها مع المولودة الجديدة والحمدلله عندنا بنت وولد وهذه المولودة هي الثالثة .
المهم أنا شريت بعض الأشياء وهي أشياء للزينة من التي تعلق في السقف وبالونات وشيئ مثل الصفرة ألوانه جميلة ومكتوب عليه Baby Shower (ما أدري ويش يعني هذه الكلمة). وناوي أشتري بعض الأشياء كمان بس قلت أشوف اقتراحاتكم فأنا في هذه الأشياء صفر على الشمال وطبعا الهدية لها وللمولدة الصغيرة . ملاحظة هامة أرجو من المقترحين والمقترحات اللاتباه لها: الميزانية مو أكثر من 500ريال مع إن 500 تهز الميزانية لكن أم لجين تستاهل .

على فكرة لا تنسوا الكلمات الرومانسية التي سأكتبها لها على الجدران والتسريحة والدولاب وفي كل مكان .

إخواني أخواتي أنا في انتظار اقتراحاتكم وآرائكم في أسرع وقت ممكن .

أبو لجين

اول شي الف الحمد لله على سلامة ام لجين ، وعقباااااااااالي يارب

ثاني شي / ما شاء الله عليكم والله لا يغير عليكم ويتمم عليكم فرحتكم ، آآآآآآآآمين
،،،،،،،،،،،

بصراحه لو كانت الميزانيه 100 ريال بتكفي ، اهم شي انها من القلب طالعه

اقتراحاتي :

- باقة ورد حمـــــــــراء روز مع كرت ( الله لا يحرمني منك ياعمري والف الحمد لله على رجوعك لي سالمه )

- حلو تزين طاوله وتحتفلون بهالمناسبه ، حط ع الطاوله شمووع حمراء ووردية ، ( كيكة آآيسكريم صغنونوه على قدكم ( باسكن عنده تشكيله روعه ) ...

- جيب فلينه متوسظة الحجم ، زينها بالشرايط الملونه والصق عليها صوركم مع بعض احلى الصور عندكم اللي لها مكانه في قلوبكم ، وعلقها في مكان حلو ومناسب ،، وبطريقه يدويه وحلووه على ذوقك

- مافيه شي كان ودها فيه للبيت وما شريته لها او حطيته لها ، هذا وقته

- لا تنسى الكيمرا لتصوير هاللحظات الحلوه

- اما بالنسبة للهديتها ،، وبأسعار تقريبيه

- طقم اكسسوار راقي سعره 250ريال

- سلسال ذهب خفيف مع تعليقه قلب نعومه ب 390 ريال

- خاتم ذهب ناعم وخفيف ب 270 ريال

- ساعه 400 ريال

ولا تنسى بنوووتك ،، اشتر لها فستان صغنون ناعم بهالمناسبه

بصراحه كل هالافكار من راسي ولو سوى لي زوجي لما ارد البيت مع النونو شي واحد منها بطيييييير من الفرحه الشي لو بسيط بس من القلب للقلب يوووووووصل علىطوول

وعليكم السلام
الله يسعدكم ابو لجين لكن 500 ريال بسيطه جدا ماتقدر تزودها شوي !

عند بداية مدخل البيت ابدأ برمي الزهور لين تصل لغرفه النوم مع رومي الورد على السرير ايضا ..

اشتري لها ساعه انيقة + وردة

لا تنسى تجهيز طاوله الطعام افرش عليها مفرش انيق وضع عليها كوب عصير واحد تشرب هي منه وانت تشربه منه وايضا بعض من الحلوى وتورته بسيطه عليها من احدى المحلات
واطلب منه ان يكتب عليها كلمه احبكِ نورت البيت ياحبي يعني التورته بتكون بحجم مستطيل الكبير عشان يكفي الكلام

ويفضل انك تشتري هدية للمولود : طبعا عشان مزانيتك ما اقترحنا عليك إلا اشياء بسيطه

اتمنى انها تعجبك

(:

والله يااخويا كفايه انك حبيت تعوضها وجبتلها هديه واهتاميت برجوعها
صدقنى هى هاتكون فى قمة السعاده
والف مبروك البيبى :15:

[SIZE=:"6"]La7n_In_LoVe
أشكرك على تفاعلك وآرائك وأسأل الله أن يوفقك لكل خير ويرزقك الذرية الصالحة .

مبتسمة وكلي جروح:
أختي الفاضلة ما أقدر أزيد على 500 ريال لأن الولادة كانت (بعميلة قيصرية ثالثة) وكلفت أكثر من 6000ريال يعني زين إنه بقي شي أشتري لها هدية .
وأشكرك على الاقتراحات الطيبة .
أسأل الله أن يرزقني الوظيفه الطيبه المحترمه

المصرية:
الله يبارك فيك ويجمعك بينك وبين من تتمنينه

وقد يجمع الله الشتيتين بعدما *** يظنان كل الظن ألا تلاقيا

[/SIZE]

جاري التنفيذ بإذن الله

اان شاء الله اقدر اساعدك
اولا الاغراض المطلوبه وكلها من محل ابو ريالين يمكن تكلفك 100 ريال بس ///
1/ بالونات حمراء عاديه واذا لقيت على شكل قلوب يكون احلى.........
2/ورود مجففه بالوان مختلفه بروائح عطرة يكفي 3اكياس كبيرة ........
3/قماش تل احمر المتر ب3 او 5ريال خذ 5امتار...........
4/شموع مختلفه على شكل قلوب وورود وكبيره وصغيرة فيه شموع على شكل كلمه احبك مرررره خطيره00000000
5/ شرائط بلون ذهبي ساتان لفه تكفي ...
6/بطاقات رومنسيه اثنين كبيرة ومجموعه صغيره.....
7/ طراطيع الورق اللي تنفجر يطلع منها ورق ملون 1فقط....
.................................................. ...............................................
الحين نجي للعمل والتنفيذ وصدقني مافي اسهل منه............الخطوات//
1/ تنفخ البالونات وتربط في نهاية كل بالونه شريطه وتخليها شوي طويله وتلصقها على جدران المجلس والمدخل ........
2/تجيب طاوله وسط اوصغيره حسب الموجود وحطها في المدخل وجيب شوي من القماش التل وافرشه فوقها وحط عليها شموع وانثر ورد مجفف واذا عندك صور للزواجكم حط برواز لصورتكم وانثر على ارض المدخل ورد وبالونات.........
3/حط طاوله وسط في المجلس واعمل علها زي الطاوله اللي في المدخل وزود عليها كيكه تفظلها انت وزوجتك كاستين عصير وانثر عالارض ورد وبالونات ............
4/ غرفه النوم اعمل شكل قلب عالسرير بالورد ووسطه صوركم حقت الزواج وحط القماش الاحمر عالتسريحه والطاولات مع الشموع والورد والبالونات............
5/ اكتب عبارات رومنسيه على البطاقات وعلقها على مدخل البيت و غرفت نومكم والبطاقات الصغيره بعد ماتكتب فيها وزعها عالطاولات و بجانب كاسه العصير وعالمخده وغيرها.....
6/ ولاتنسى تبخر البيت قبلماتدخل زوجتك ولمن تدخل وبعد ماتقطعو الكيك طرطعو مرررررره بينبسطو الاطفال وهي كمان.....
5/بالنسبه للهديه ممكن تجيب لها قميص نوم من نعومي حلو او ممكن طقم كامل لعطر بس يمكن يكلفك 400 او 500 ريال.........اما العبارات الرومنسيه الافضل انها تكون من قلبك بدون تكلف ......
ان شاء الله تعجبك الحركات وكتبت لك البسيط منها عشان ماتطفش من التنفيذ والله يسعدكم ويخليلكم هالبنوته ......

يا ليت كل الرجال زيك

والله ماازيد على اللي فوقي ماشالله كفو ووفو ..

والله يخلي بورياليين ..

يعني اصرف 100 في ابويالين 300 او 400 لهدية المدام|" خذ لها تعليقه ذهب نااععمه مرره تجي رخيصه او طقم عطر مع كريم او قميص نوم على ذوقك "

والباقي من الفلوس اشتري فيهم فستان وشرابات للبنوته واربطهم بشريطه ..

والله يسعدكم ان شالله

الله يسعدكم ويوفقكم............

اهم شي ترتب افكار على ورقة ولا تتردد بعد ما تقرر وانت ادرى بزوجتك شو تحب .....والله يساعدك واهم شي كله من هذا الموضوع لاتنسى الرومانسية والكلام الحلو.

والله تسلمن على الأفكار الجميلة وأنا لسة واصل إلى البيت شريت معظم الأشياء باقي الورود المجففة . (فاصل قصير ): لكن خاطري تكدر من صاحب محل الهدايا ـ عطيته علبتين صغار فيها ساعة واسورة ذهب يغلفهم ويحطهم في علبة كبيرة يغلفها ووقفت أنتظر عنده 40 دقيقة واقف على رجلي أنظر إليه يغلف بطييييييييييييييييييييئ وبعدين طلب 55ريال يعني حتى يحترم وقفتي 40دقيقة وصبري عليه . من غضبي قلت له أعطيك 20 ريال فقط أو خذ الورقتين اللي حاطتيتها . المهم خرجت بعد مشادة يبي يلعب علي كم مرة أغلف هدايا وأقل من كذا . ما علينا
عدنا بعد الفاصل المهم من غدا إن شاء الله سأبدأ في التنفيذ ورح أشتري الورود المجففة والبطاقات ـ شكلها عدت 600ريال لكن تفدى أم لجين .
أشكركن أخواتي على الاهتمام وإن شاء الله رح أعطيكم خبر بعد ثاني عيد كيف كانت ردة الفعل .

للمعلومية أنا زرتها اليوم في بيت أهلها وحاس إنها شايلة علي في نفسها لكنها غامضة نوعا ما إن شاء الله تكون المفاجئة تصفية قلوب وتقوية أواصر المحبة بيني وبينها . قولوا آآآآآآآآآآآآآآآآآآآآمين .