ممكن تقرون قصتي وتجاوبون على جروحي؟
 

السلام عليكم ورحمة الله وبركاتة
بصراحة انا سجلت بالمنتدى لسبب وهو اني مجروحه
انا من ايام الثانوية كنت اسمع من بنات صفي عن المكالمات الهاتفية وغيره
كنت اسمع دايما حب وغزل وكلام حلو وهدايا وغيره وغيره لكن متاكده انه بعد هذي السوالف
فضيحة وسواد وجه الحمدلله عالنعمة
المهم دخلت الجامعة وكنت دايم افكر اذا تزوجت راح اخلي حياتي مع زوجي مكالمات هاتفية وحب وغزل
وكلام حلو وغيره المهم نهاية الكورس بالجامعة تقدملي شخص من السعوديه وانا من الكويت
المهم استخرت ووافقت
حولت لجامعة بالسعودية وتركت اهلي رفيجاتي وكل شي حلو بالكويت
المهم تزوجت والحمدالله حققت اللي احلم فيه بعد 5شهور ترك زوجي الوظيفة يقول انه تعب وكد وغيره
وقعد بالبيت عاطل مدة 6شهور مع العلم اننا ساكنين انا وهو ببيت إيجار طبعا كنا نصرف عالبيت من مكافات الجامعة الف ريال بعدها توظف بوظيفة كان راتبة الفين ريال والحمدالله (بداية المشاكل ) زوجي بالبيت اشزينه معاي واذا جو اهله او زرنا اهله ما اسمع منه الا السب والشتايم ما ادري ليش ؟ زوجي من النوع هو الصح والناس غلط وتفكيره حقد على هالعالم وانه احسن الناس ؟
بعده زوجي صار وقت الاختبارات ياخذني لاهله (ساكنين في منطة بعيدة) او يخانقني ويتحسس من اي شي لدرجة والله العظيم انه مره كان يوم جمعه والسبت اختبار نهائي عندي ويصادف اخر شهر 4 هجري طلعنا البر الساعة2الظهر وما حبيت افشله طلعت معاه .


بعد فتره اكتشفت انه يروح لاسف لاماكن ......
صدمت لدرجة ماتتخيلون لاني احبه من كل قلبي ولما ناقشت انا وياه طلبت منه انه يتزوج علي اذا كنت مو عاجبته او مقصره معاه وحلفت له اني ماراح ازعل (الا الحرام والعياذ بالله )
المهم لما شافني اصارخ وابجي من كل قلبي قالي خلاص ما عاد اعيدها وحلف ان ماحد راح يحبني كثر ماهو هو يحبني ؟
بعد شهر رجع لاماكن............ المهم جاء اخوه وسالني عنه وصارحته لان تركني بالبيت بروحي من الساعة 5الفجر وكان متاكد انه اخوه وزوجته اللي هي اختي بيجون يعني ماعلي خوف بعد ماجأ من هاذ الاماكن طلع برا البيت وصار بشقة عزابيه علشان مايتناقش او يتهاوش مع اخوه بعد اسبوع رجع اخوه واختي لبيتهم رجع للبيت وطلبت منه اني اروح لاهلي يعني زعلانة
رجعت للكوويت وانا مجروحة ولما نزلني ببيت اهلي ابوي استقبله ورحب فيه وهو انحرج قالي خلاص تكفين لاتعلمين اهلج انك زعلانه انا ما سمعت كلامه رجع هو للسعودية طبعا انا ما قلت لاحد ,كان دايم يرسل رسايل بالجوال انه يبيني ومن هذا الكلام طبعا انا ماكنت ارد لان ابي افكر شنو اسوي ؟
بعد اسبوعين كان دايم يحاول يكلمني بس ما اعطيه فرصه المهم دق على اخوي وطلب اني اكلمه كلمته لاني ماابي احد يحس ان في شي
كلمته وقالي ها ما فكرتي نرجع مثل اول قلت للحين مافكرت ؟فقالي الظاهر ان الله مو قاسم بينا اهنيه انا وقف قلبي ليش؟؟؟؟؟؟ شالطاري؟؟؟؟؟؟؟
الا وهو يقول الخبر اللي تمنيت اني انصمخ ولا اسمعه قال انا رحت للمستشفى (والعبره خانقته) وسويت تحليل قال انت ماتجيب عيال طبعا سكر التلفون على طووووول وخلني انا ودموعي رحت لغرفت امي قعدت ابجي صليت ركعتين اتعوذ من ابليس ارسل مسج يقول اني مسامحج دنيا وآخره واتمنى انج تسامحيني ؟ما قلت الخبر هذا الا لاختي ظليت ابجي من صلاة العصر للساعة12بالليل شي يدق التلفون والا زوجي رحت مسرعة للتلفون ودموعي تسبقني وكلمته ما قدرت اسكت قالي انا ما نمت من 3ايام من الخبر وانا الحين ضاع مستقبلي طبعا انا كنت ابجي طول الوقت اشوي
قلته انا اموت فيك ياولد خالي وماراح احب واحد كثر ما احبك لا تتضاقي يالب قلبي انا شاريتك وماراح اخليك ان طال الزمن او قصر ؟؟؟
المهم قعد يبجي وقالي خلاص مابي اشوف دموعك ؟؟
بعد اسبوع جْأ اللكويت سلم علي ورجع للسعودية لان امي كانت مسافره تعالج وكنت انتظرها
بعدها دق عالبيت ومره من المرات دق عالبيت انا ماكنت موجوده ردت اختي وكان يضحك ؟؟
(على فكره طول ما انا بالكويت كان يدق علي يطمن علي العصر العشاء وآخر الليل واذا ما حصلني يدق عالناس اللي انا عندهم ليش ما ادري )
نرجع للموقف ؟؟كلمته الساعه 3الليل قلته مايصلح تدق عالبيت وانت تضحك وياريت اذا كنت مو بالبيت ما تدق عالناس اللي عندهم فشله انا استحي ؟؟
المهم زعل وقعد يهاوش وسكر التلفون بوجهي بعدها ب5دقايق ارسلي مسج هو اللي حطمني وكتب فيه كلااااااااااااااام قوي وبصراحة يعني تكلم بعرضي كلام فيه ياقاتل يا مقتول اخذت التلفون ادق عليه شنو هذا اللي كاتبه للاسف مارد علي وقفل جواله ارسلته مسج وكتبتله بالحرف الواحد ((انما اشكو همي وحزني الى الله والله المستعان على ما تصفون وحسبي الله ونعم الوكيل بعده شكيت لواحد احد ماتنام عينه سبحانة صليت ركعتين ووكلت امري لله
تقربيا بعد اسبوع دق علي والله العظيم اني لما شفت اسمه بالجوال حمدت ربي وبصراحة سكرت التلفون بوجهه وكل مادق اسكر بوجهه المهم دقت زوجة ولد العمه وتترجاني اني اكلمة ؟؟؟؟؟؟
طبعا وافقت لاني ابي اسمع شنو عنده ؟؟؟؟؟؟؟؟؟؟
المهم اعتذر وشرطت عليه انه يقول الصج لاهله ووافق والحمدلله رجعنا للسعوديه وفتحت صفحة جديدة
من قلب لان ربي عفو يحب العفو؟
مرً شهرين بعد المشكلة طبعا زوجي للحين كان ياخذ مكافاتي جأ شهر رمضان الكريم صارت مشاكل بسبب دوام الجامعه وهذا شي موجديد مايبي يوديني للجامعة يبي عيال عمي يودني وعمي هم اللي يودون للجامعة؟؟؟؟؟؟؟؟؟؟
مع العلم اني ادوام بالباص بس بعض الاحيان يطوفني الباص كنت اطلب منه ماكان يرضى ؟؟؟
وصارت مشاكل وكنت في بيت عمي وما ر ضى ياخذني فقعدت عندهم 20يوم من رمضان وراضني ثاني ايام العيد.
المهم مره طلبته السوق وسوالي سالفه مع العلم ان صار معاه سنتين ونص مارحت معاه للسوق الايمكن 8مرات مع اني قلتله اني ابي اتغرض من مكافاتي 500ريال بس وقررت اني ما اعطيه لان مستواه المادي احسن من اول بكثير وانا ما عندي شي والله العظيم ان عندي ثوبين للبيت
بعد كم يوم صارت عزيمة في بيت خاله وما قالي رحت على فالي فا لما رجعنا بالسيارة عاتبته قلتله ليش ما قلت ان خوالك عندهم عزيمه قالي مافيها شي وبعدين انتي ما تراعين ليش تبين 500ريال رديت عليه قلت اشدخل العزيمة بالسوق ؟؟؟صارت ناقشات وقال انا ما رديتك وكلمت اهلك الا علشان ارجعك واهدم مستقبلك طبعا انا خفت منه وما ناقشته؟
ثاني يوم رجعت عادية ولا كان شي صار وعاااااااااااااااااادي
ومرت ايام وقرب عيد الاضحى و قبله باسبوعين بالضبط
كان يصادف يوم الجمعة طلع من دوامه وكنت اسولف معاه فقالي باجر راح تنزل المكافاة ترى باخذها؟
رديت قلت لا فقام وتفل بوجهي وقال انا من زمان انتظر ردك هذا اذا ماهدمت مستقبلك قالبليني ؟؟؟
سكت ضاقت فيني الوسيعة دقيت على عمي وقلت له هذا الكلام وبعدها صليت ركعتين وطلبت من ربي الرحمة ؟؟؟؟؟ جأ البيت المغرب وقالي جهزي اغراضك علشان تذلفين لاهلك ؟طبعا حمدت ربي لاني اروح لاهلي ولا غيره لاني انا ماخذه منه موقف وما قمت اامن على نفسي منه يمكن يتبلى علي ؟؟؟
طبعا اخذ بطايق البنك والجوال حتى الدبلة والله العظيم كنت في بوكي 15او 26 ريال اخذها من بوكي
ثاني يوم جأ عمي وكلم زوجي يساله شالسالفه نكر كل شي قاله فانا اخذت اغراضي اللي كنت مجهزتهم للكويت اخذتهم لبيت عمي طبعا لما نزلت اغراضي من الشقة ما نزلت ظلتي انتظره مدة10دقايق كنت اتمنى كلمة علشان اقعد صعد الشقة وودعته ودموعي خنقتني ؟؟؟؟
المهم قعدت ببيت عمي وكنت ادوام للجامعة مو مصدقة ان حبيبي ولب قلبي ونور عيني يبيعني علشان الف ريال وبعد 57يوم وهي اول رسالة من مسلسلات رساليله استمرت رساليله مدة 5شهور من غير اي رد مني طبعا كانت رساليه فيها الزين ومنها السب والشتايم وكان دايم يقول ابي المهر ؟؟؟؟؟؟؟؟؟؟
ولا انزلك من الباص واسوي واعمل.......
جأ ابوي عطاه المهر وماصدق خبر الرجال تخيلوا الايام الاخيرة كان يرسل رسايل والله انها تبكي الحجر وانه يبيني وبصراحة هزني من داخلي مع بداية اول اسبوع الاختبارات النهائية يوم السبت جاة ورقة طلاقي ويوم الاربعاء نفس الاسبوع كانت حفلت ملكته طبعا باللحظة انهرت ليش وين العشره ؟
عالاقل راعني شوي ؟
وبعدها بشهر كان زواجه كانت اول شهر من عدتي ؟؟؟؟

هذي قصتي مع اول رجل بحياتي مع اول حبيب ؟؟؟
عندي اسئلة وياليت اني القى جواب

تتوقعون للحين يفكر فيني ؟؟
لو تزوجت لو بعد سنتين ممن ينقهر وينجرح مثل ما صار فيني ؟
تتوقعون يكرهني ؟
ليش يصير زين مع زوجته الجديدة ؟
متى تتوقعون اني راح انساه؟؟؟؟
ما اقول الا الله يهنيه ويرزقني باحسن منه

اتمنى تردون بكل صراحة:rolleyes: :rolleyes:

حبيبتي والله ان قصتك حزنتني ..


يعني كل هاذي المشاكل عشان الفلوس والمكافأه .. من جد مافي رجال ..


المهم حبيبتي ولا عليكي منه تزوج خطب جاب ولد ماعليكي منه ..


يمكن انجرحتي يمكن انقهرتي .. شي طبيعي .. واكيد هو صار له نفس الشي


بس بسألك كم لك منفصله ؟؟


ومثل ماقلتلك انسي اللي صار .. لو انه رجل زين او فيه شي زين بقولك يمك تنقهري لكن رجل يطالع بفلوسك وياخذها غصبا عنك والله مو كفو رجال انك تفكرين فيه اصلا ..


انسي اللي كان وبكره باإذن واحد احد راح يجيك من يعوضك خير ويحترمك ويقدرك ..

حبيبتي ترك مثل هالرجال افضل
اجل تهون عليه العشره وصبرك عليه عشان الف ريال
والله يالغاليه قصتك قريبه جدا من قصتي وفعلا طلب المهر
عطيته اياه وزياده كمان
وخلال العده خطب وتزوج بعد ماخلصت العده
تزوج وحده عكسي تماما وحتى هو تصرف معها عكسي فتح لها بيت قريب من اهلها ولا وجاب لها شغاله وهي توها عروس وبفلوسي
انا انقهرت ذيك الايااااااام وتعرفين كلام الناس كل من شاف امي قالها شفتي طليق فلانه تزوج ومبسوط
ولسان حالهم يقول بنتكم كذابه
المهم بعد اكثر من سنه جاني خبر ان زوجته رفعت عليه قضيه طلاق وكسبتها
شعور الانتصاااااااااااااااااااااااااااار غمرني
تاكد وتاكد الكل اني صادقه


وحمدت ربي
حبيبتي انسيه وعيشي حياتك وطوري من نفسك
والله معك

يا أختي رسالتك طويلة خالص

بس نهايتها محزنة

ربنا يكون في عونك

لي معك مشاركة اخري حرد فيها علس أسئلتك

لا حول ولا قوه الا بالله العلي العظيم
كل الي عمله فيكي وتقولين هل للحين يحبني ولا لاء؟
اما انه بينقهر بس تملكي انتي اكيد بينقهر ويمكن اكثر منك
الله يرزقك زوج صالح
والله نقهرت علشانك
بس شكلك طيوبه وايد علشان كذا
اقولك شي(ان لم تكن ذئبا اكلتك الذئاب)كوني ذئبه في هذا الزمن
الله يوفقك
في رعايه الله

ياا قلبي عليك ماشاءالله باين عليك انسانه صبوره وقويه

مثل هذا ماعليه حسوفه


اطلبي من الله العوض


وتأكدي ان حقك ماراح يضيع .. ربي كتب على نفسه ينصر المظلوم ولو بعد حين





الله يفرج همك

ان لله وان اليه راجعون
ماقول غير حسبي الله على ذولا رجال ........

ماشاء الله على صبرك وطيبه قلبك لكن مع مين
الله يعوضك باحسن منه الف مره ولا عاد تفكر فيه وان شاء الله تسمعي عنه مايبرد قلبك

عوضك الله خيراً منه ...

سبحان الله يقال ان الحب عطاء وإيثار وليس كلام يقال ، أي عشرة وأي حب مع شخص لم يضع أي أعتبار للقرابة ورابط مقدس مثل رابط الزوجية ..
شخص مثل هذا تصل به الأمور إلى ان يهين كرامة زوجته و( يتفل ) في وجهها هذا ليس بأهل للإحترام وليس بأهل لأن يُضحى ويُصبر من أجله..
اختي الكريمة ... ضعى جانباً كل التراكمات التي علقت بك من هذه التجربة السيئة .. وصدقيني لو كان رجلاً أهلاً للمسئولية لما وصلت الامور بينكما إلى هذا الحد.
" إمساك بمعروف أو تسريح بإحسان " يجب ان يكون هذا شعار الحياة الزوجيه وهذا المنهج في الخلافات وليس الإهانة وحب الإنتقام واستعراض العضلات امام القوارير.
نصيحتي لك بأن تنسي كل شي يذكرك بهذا الشخص ... ولا تلتفتي إلى الوراء بل إلى الامام وبإذن الله أرى في الافق ما ينسيك كل هذا العذاب.
والله يحفظك ويرعاك

أختي صدقيني فيه رجال بالأسم فقط طلقيكم أحدهم وهذا الانسان لايستحق زوجة مثلك وربنا سبحانه وتعالي بيقول لو علمتم الغيب لأخترتم الواقع عموما انسيه ولا تفكري قيه لأنه لايستحق مجرد التفكير انتهي من دراستك وعسي مايكون فيه اطفال منه وابتدي من جديد\ وان شاء الله ربنا هيعوضك خير عن هذه التجربة الاليمة