|
اختي قالت لي كلام يخوف ....
طبعا مثل ماهو معروف اني ما اتعدى هموم الحمل ورغبتي في الحمل
وكل مره لها طابع خاص والي يبغى يعرف يروح يسوي بحث على موضوعاتي وبشوف ان حتى اعضاء المنتدى ملو مني عموما راح اتكلم في المفيد وبحاول اختصر كل عيد يمر على ينقص جزء مني في العمر لاني ادخل بدايه سنه جديده في عشره من شوال ويزيد التفكير عندي راح اقولكم شو اللي صار اليوم بالضبط حنا كنا مسوين حفله بالليل وعشاء ببيت اهلي وسو كذلك بعض الاشياء للاطفال من ضمنها عرض ملابس العيد للاطفال يعني كل وحده من الاطفال تدخل وتجلس تتمايل بشعرها وبجسمها وكأنه لكبار المهم كانت اختي منظمه الحفل وهي اللي علمتهم على هذه الطريقه وكانت تدخل مع عرضهم هذا انشوده حلوه بس فيها حزن انا وانا اشوفهم واحسهم روعه واتقان عندهم كأنهم كبار واشوف فرحة امهاتهم من تصيفيق او نظراتهم انا كنت اراقب هذا كله وبتمعن الى ان حانت لحظه .... انا ما احسدهم الله يخليهم لهم بس كنت اتمنى يكون عندي بنت تسوي مثلهم واشوف فرحتها مثلهم جلست اراقب وانا بين نارين اصبح وتوالد عندي قلبي يتقطع ودموع تود ان تفضحني والله لم استطع ولم اجد امامي الا المطبخ ذهبت له مسرعه قبل ان يراني احد واجهشت بالبكاء ولم تراني الا الخادمه ومرة العمليه بسلام رغم اني لي خمس سنوات الا اني لم ابكي قط امام اخواتي من اجل الانجاب بل كنت صابره بل اصبر نفسي لكن لم يقف الامر عند هذا الحد زارتنا بنات عمتي فأحبو ان يعيدو العرض امامهم وهنا كانت الطامه لم اتمالك نفسي فبكيت ورأتني اختي فلحقت بي وقالت لماذا تبكين قلت لها عشاني ما انجبت اشوف فرحتكم بعيالكم والله ما احسدكم بس قلبي يتقطع قامت تصبرني وجاو خواتي البقيه وصارت قصه بس بسرعه انهيناها الخلاصه من ضمن الكلام الي قالته لي اختي انتو اذا سويتو الانابيب ومانجحت انت يحق لك تتركينه عشان تاخذين واحد ثاني يمكن تحملين من غيره غصيت اكثر انا احب زوجي واموت فيه واحيانا احلم انهم يبغون يفصلوني منه عشان العيال واقول لهم مو هم العيال بس ما اترك زوجي لكن كلامها احس سكين ثانيه انغرست فيني ما ادري وش صاير تفكيري وما ادري هو الي راح يكون ابو عيالي ما ابغى غيره وابغى عيال شاركوني ولا تهملوني .... للمعلوميه ان السبب هو مني في عدم الانجاب لان بي تكيس مبايض وزوجي مابه شيئ بس الغريب ان بس واحد الي انجب من اخوانه الاربع يعني اللي تزوج اول واحد فيهم هو الي انجب والي اكبر من زوجي والي اصغر منه لم ينجبو رغم ان تحاليلهم سليمه ومرت اخوه فيها بعد اكياس دهنيه تمنع الحمل لكن الي اصغر له سنتين اوثلاث بعد زوجته لم تنجب طولت عليكم وتعبت انا وانا اكتب آسفه اكتب على عجاله ومره عاميه ومره فصحى بس لان زوجي موجود وخايفه ينتبه وانا اكتب ..... هند مره اخرى وسالفه جديده وقصص حزينه .... |
انت لسا ماسويتي طفل الأنابيب ...ليش خايفة ..إن شاء الله تنجح ...لا تفكري وايد وعيني من الله خير ...
|
هي غالبا تنجح ان شاء الله
الله يرزقكم الذرية الصالحة آآآآمين |
ياقلبي ياهند
طالما انك تحبيه خلاص هذا المهم وضحي وجه نظرك لاهلك ومهنا خوووف وربي كريم قادر انه يرزقكم الذريه سبحانه مافيه شئ يعجزه |
اختي الحبيبة
توكلي على الله وحاولي تعملين طريقة الأنابيب لعلها تنجح بأذن الله ووكلي امرك كله لله فهو الوحيد القادر على المساعدة...والله يرزقك الذرية الصالحة وحاولي دائما ان تنظرين الى من ادنى منك حظا فوالله أنا جربتها ويجعلني احمد الله على النعم وفقك الله |
آآآآآآآآآآآآآآآآآه يا قلبي ذكرتييييييني بمعاناتي
اللي هي نفس معاناتك بس الفرق ان لي 13 سنة وقريبا سأدخل ال 14 بعد كم شهر وفرق اخر وهو ان زوجي ما فكرررررررر اصلا بالاطفال ولا العلاج للانجاب و يعتبر انه ما هو من حقي اني اطالبه بالعلاج لغرض الذرية هذا غير الاخلاق القمة اللي يتمتع بها زوجي المحترم حفظه الله وهداااااااه و عقله اختي انا انصحك تسوي اطفال الانابيب ولا تنسي كثرة الاستغفار ولا تملي ابداااااا إن الله لا يمل حتى تملوا حبيبتي قلبي معك انا داااااااايم ما ادعي لنفسي إلا ادعي لك ولاخواني ولاخواتي المحرومين من الاطفال بالذرية الصالحة كويس يا قلبي انك عيدتي عند اهلك ورحتي شفتي الاطفال (احباب الله ) انا المرة هذه زوجي ما اخذني معه لصلاة العيد مع ان كان نفسي اشوف الاطفال واشوف فرحتهم بالعيد بسم الله عليهم ولحد الآن احس بالكبببببببببببت ونفسي اطلع وما تصدقي ان لنا الحين ثلاث ايام (ايام العيد )و اليوم هو بداية الرابع ولسة ما رحنا نعيد لا عند قرابتنا ولا معارفنا لم نخرج من البيت لآن زوجي لا يعجبه الزيارات وهو لا يحب العيد على قولته عشان ما يبغى يشوف الناس فقط ذهبت عند جارتي اختي ..ما لنا إلا الصبر اسأل الله العظيم رب العرش الكريم ونحن في هذا الثللث الاخير من الليل ان ترزق هند الذرية الصالحة وتصلح احوالها وترزقني وجميييع المحرومين من الاطفال اختي لا تياسي من روح الله ودام زوجك يحبك هذه نعمة من الله تصدقين انا اعيش مع زوجي لكن احس انه ما يبغااااني وتصرفاته بعضها يثير الشبه والله المستعااااااان الله يوفقك يا قلبي وقلبي داااااااااااايما معك دعواتي الطيبة لك بحياة طيبة |
حبيبتي الله يرزقك الذرية الصالحة وحاولي تتعالجين من التكيسات أنا كان عندي تكسيات ورحت حق دكتوره في المنطقة الشرقية(الدمام) وعالجتني الله يرزقها ويوفقه وحملت على طول ولله الحمد يا حبيتي لا تأيسي من رحمة الله وإذا تبين عنوانه أنا مستعده أعطيك أياه وروحي وإن شاء الله يرزقك ربي وما يصير غير زوجك هو أبو عيالك ولا تنسين تكثرين من الأستغفار.
أختك أم سعود |
انتي سوي العمليه وان شاء الله تنجح
وممكن ماتنجح اول مره عادي كرريها مره ومريت وعشر اعرف ناس حملو من اول مره وناس كرروا العمليه عده مرات ونجحت وناس مانجحوا ابد كلها بمشيئه الله الله يرزقك واختى وكل راغب الذريه الصالحه المعافاه ويرزقنا الازواج الصالحه والذريه الصالحه المعافاه عاجل غير اجل |
اكثري من الاستغفار والعيال رزق من الله ومايمنعه كبر السن أو صغره
وتذكري ان الله إذا كان كاتب في علم الغيب عنده انك ستنجبين فلن تقدمي أو تؤخري من موعد حملك يوم واحد فاستغلي فراغك بالتقرب من الله وسؤاله الذريه الصالحه حابه اقول لك قصه وحده تعبت تدور على مراكز العلاج والمستشفيات والمشايخ سنين ماحملت وهي فيها نفس(عين) المهم دعت لها سلفتها انها تحمل بتوأم والحمد لله رزقها ربي بتوأم (ماشاء الله تبارك الله) مع مداومتها يوميا على قراءة سورة البقرة ورقية نفسها والاستغفار والحمدلله ربك كريم وعطايها كثيره صدقيين هذي السنه كثييييييييييييييييير اعرفهم لهم سننننننننننننننننيييييين ما جابو عيال حوامل لدرجة ان الكل يقول هذي سنه خير وعشان اعد لك منهم بنت عمي لها يمكن 7 سنين والحين الحمدلله حامل وزوجت واحد من قريبنا لها 7-8 سنوات والحين الحمدلله رزقها ربي ببنوته وصديقة مرت اخوي وزوجت صديق اخوي واخت مرت خالي واخت زوج اختي وصديقة صديقتي لها 5 سنوات والله ماذكرت لك هذي القصص الا لأبعث الأمل في نفسك ولاذكرك ان الله إذا اراد الحمل والذريه فلها موعد لن يقدم ولن يؤخر صدقيني الله قادر على رزقك بالذريه لكن عليك بالدعااااااااااااااااااااااااااااء والتضرع والتوسل اليه كل يوم مع اليقين التاااااااااام بأن الله سيرزقك والله يأخر عننا الزواج والذريه والوظيفه والدراسه والمال حتى نحس بهذه النعمه فتخيلي فرحة الام المحرومه من الامومه سنوات وعلاقتها بطفلها هل بتكون مثل اللي حملت من أول شهر؟؟ انا اشوف امهات يضربون عيالهم بشناعه ويهملون في تربيتهم وماعملو هالشي الا لعدم احساسهم بهالنعمه فتأخرها يجعلنا نحس بقيمتها ونصيحتي لك عالجي مشكلتك طبيا + الدعاء + التضرع الى الله + اليقين + الاستغفار + توصية من تحبين ويحبك بالدعاء لك وستجدين كل خير وكل رضا ولاتتركين زوجك عشان العيال صدقيني راحتك معه تسوى عيال الدنيا وياما في وحده عندها عيال تتمنى انه ماجابتهم من زوج ظالم وأب قاسي وتذكري ان الله يخترا لنا دائما مافيه الخير وان الدنيا دار بلاء وامتحان ولن تكمل لأحد ولايخلو منها محروم ولو بين ان عندها الدنيا كلها والحمد لله تظلين أفضل من غيرك أنا كبرت الآن في السن ولم اتزوج وأتألم لما ارى الشيب في رأسي رغم اني لم اصل للثلاثين بعد واحيانا اتمنى الزوج ولو كان عقيما ليسد ولو بعض النقص الذي اعانيه ولكن الحمدلله على كل حال والخيره دائما فيما اختاره الله ولو كان في الزواج خير لي لاختاره الله فالدنيا لم تكمل لأحد ولاتحرمي نفسك أجر الرضا والصبر أسأل الله العظيم رب العرش الكريم ان يرزقك بالذرية الصالحه الباره بك عاجلا غير آجل |
الله يرزقك بالذريه الصالحه
جلربي اطفال الأنابيب ان شاء الله خير |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©