|
كيف أتصرف يوم الملكة
السلام عليكم ورحمه الله..
بصراحه انا من زمان متابع هذا المنتدى ولما خطبت قبل شهرين تشجعت اني أشارك بهذا المنتدى اللي أكثر من رائع. المهم انا بمتلك على خطيبتي بعد اسبوعين ان شاء الله وانا أموت بحبها لأنها بكل ماتحمله الكلمه من معنى انسانه خلوقه ومتدينه وانا أشكر ربي على هذه النعمه لكن ما هنا المشكله ( بس ماقدرت ما أتكلم عنها لأنها طول الوقت على بالي :22: ) مشكلتي اني ماعارف كيف أتصرف يوم الملكه يعني بيكون فيه معازيم كثير..انا ماعندي مشكله صوب الرياييل بس حسب ماعرفت اني لازم أدخل على عروستي في القاعه وسط الحريم عشان اخذها معاي مو للبيت بس اخذها على عزيمه بسيطه ( لأنه هذه ملكه والعرس لسا شوي كم شهر). عاد انا ماعندي مشكله مع خطيبتي ما استحي منها ومن أخواتي بس المصيبه الكبيره هي يوم أدخل القاعه وكله حريم يناظروني والله مصيبة ماعرف كيف أتصرف؟ أعتقد شكلي بيكون متحاوس ومرتبك ومعرق وبيني وبينكم والله أخاف اني لا أتعثر وأطيح من الأرتباك!!!!!!! اذا سمحتوا شوروا علي ............................................. صدق والله هذا الموضوع مأرقني حاليا ساعدوني وجزاكم الله خيرررررررررر الاشراف: تم تعديل العنوان ليتناسب مع الموضوع |
اخي الكريم
واضح انك بتعاني قبل هيك حاب اقلك مثل دائما كنت اسمعه من جدتي الله يطول عمرها " مزح الرجال جد " المهم موضوعك اقل من عادي يجب ان تكون رجل بكل ما تحمل الكلمة من معنى يعني وقت دخولك القاعة يجب ان تدخل بخطوات ثقيلة كلها اتزان وهيبة حتى تبقى كبيرا بعين خطيبتك وعين باقي النساء تدخل وعينيك الى خطيبتك فقط وبكل ثقة تعمل الشيء المعتاد لديكم في العائلة واحرص من كثرة الالتفات وابقي تركيزك في خطيبتك ولا تهتم لنظرات باقي النساء وحاول الاستعجال بالاجراءات ويفضل ان لا تطيل المكوث في هذا المكان تجنبا للاختلاط اسال الله لك التوفيق وبامان الله انت وخطيبتك |
اقتباس:
وسالفه الأختلاط لا تشيل هم بس العاده اني لازم اجي أخذها وأطلع (أمووووت وأعرف ليش ماتجي بروحها!!!) أنا عارف ان لازم أكون ثقيل وكلي ثقه ورجاحه عقل بس المشكله كييييييييييييييييييييف؟؟؟؟ وجزاك الله خير على النصايح |
يا أخي الكريم ...... لا يجوز لك الدخول على النساء ولا النظر لهن ولا أن تكسب أثمين : الأثم الأول بالنظر إليهن والأثم الثاني بنظرهن إليك ..... قال تعالى :" قل للمؤمنين يغضوا من أبصارهم ........." وقال تعالى :" وقل للمؤمنات يغضضن من أبصارهن ......." وفقك الله إلى زواج بعيد عن الأثم والحرام....... |
اقتباس:
مشكور أخي العزيز والله العظيم انا فاهم هذا الشي بس هذه العادات شو أسوي وبعدين انا مارايح أجلس بالقاعه مستحييييييييييييل رايح بس أخذها من جلستها للسياره وبس !! |
ألـــــــــف مبرووك مقدما:14:
ومن ناحية انك تدخل على خطيبتك بالعكس الفكره حلوة ولا فيها شي ومثل ما قال لك الاخ <صاحب الظل الطويل> تقيد بالنصايح بالحرف الواحد وأنا بعطيك التفاصيل...أول ما تدخل راح يصير جنبك خواتك لا تسولف كثير معاهم خل نظرك قداام ولا تضحك ابتسامه على خفيف...:) وبعدها تسلم على خطيبتك..اذا في شيله على راسها أكيد انت تفتحها <واذا تبي تبوسها على جبينها والا كيفك>..اذا خطيبتك خجوله حييل لا تكلمها كثير <بس كيف الحال وشو الاخبار....>وبعدين تمسك بيدها وتطلع...بس |
والله يا اخوي ان قدرت انك ما تدخل على الحريم افضلك
|
وعليكم السلام
الله يوفقك اعذرني بارد باختصار إذا جيت تدخل على العروس في وقت الملكه اطلب من اخواتك ان المكان يكون هاديء والحريم يطلعون لمكان ثاني عادي ولا تخاف المهم مايصح انك تدخل بمكان فيه حريم انواع الحوسه والارتباك بيصير نسق الامر مع اختك وان شاء الله هالاقتراح بيكون افضل واحلى لك وتاخذ راحتك وايضا الحريم ماهمهن إلا يقززون عليك ويشوفون المعرس وايضا ماترتاح العروسه ولا تاخذ راحتها وياك خلك انت واهلك والدتك اخواتك خالتك عمتك جدتك فقط ووالدتها اثناء دخولك عند العروس وبالتوفيق ان شاء الله :14: الله معك |
اقتباس:
سالفه الشيله على راسها ترى ماحد خبرني عنها بس جزاكي الله خير (ولا كنت بدخل وباخذها بدون ما اشيل الشيله اللي على راسها ههههه:) ) وأحلى شي فكره: :o البوسه وهذه ان شاء الله بسويها .... مشكووووووره على مرورك الطيب |
اقتباس:
وأنا ماحب الكلام يصير علي وخاصه على خطيبتي ماريد أضيع عليها فرحتها في هذا اليوم. ومشكور على مرورك الطيب واذا عندك نصايح حلوه بكون شاكر لك أكثر |
| الساعة الآن 04:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©