صراخ الاطفال
 

السلام عليكم
انا ام لاول مرة ولدي عمره عام وشهرين هو طفل عنيد جدا جدا عصبي بشدة اريد ان اسأل من له خبره عن عدة اشياء وارجو الرد عليها بارك الله لكم
1- بدأت منذ حوالي شهرين ارساله للحضانه لاني نزلت الي العمل مرة اخري بعد اجازة لمدة عام واخترت له حضانه جميلة لها حديقة والعاب عديدة ومشرفات ودودين ارتحت انا للحضانه جدا بالرغم من مصاريفها الغالية لكي اكون مطمئنه عليه، في بداية ذهابه للحضانه كان سعيد جدا ولا يتعلق بي حين اتركه وظل هكذا طيلة اول شهر الان بدأ يتعلق بي حين اتركه ولكنه ينشغل باللعب واتركه واذهب والمشرفات يخبروني انه يلعب طوال الوقت ولا يبكي الا حين اتركه فقط وسرعان ما يسكت ويلعب
الان منذ حوالي اسبوع اصبح دائم الصراخ:15: في المنزل بسبب وبدون صراخ للصراخ حتي وهو يلعي وانا لا ادري لماذا هل هذا بسبب الحضانه ام لا هل هو سعيد فيها ام ممكن يعقد نفسيا انا فعلا محتارة هل اترك عملي واجلس معه في المنزل ام استمر خاصة ان سبب عودتي للعمل هو انه كان يصاب بالملل والزهق والصراخ حينما كنت معه بالمنزل قبل نزوله للحضانه.
2-اريد ان اعلمه العقاب عندما يفعل شي خطأوما اكثر اخطاؤه لانه شقي جدا وعنيد يعمل الخطأ وينظر لي كأنه يتحداني ويبدأ بالصراخ
ارجو الرد الله يبارك لكم

الصراخ امر طبيعي للطفل واحتمال كبير يكون فاقد حنانك ويبي يلفت انتباهك مدام هو فرحان بالحضانه يعني الخلل يمكن يكون في البيت يعني اقصد حاولي تهتمين فيه اكثر لم يرجع من الحضانه تلمينه وتحتوينه وتسالينه عن حضانته وتبينين له اهتمامك يمكن هذا يغير من تصرفاته .. وبالنسبه للعقاب مو شرط يكون قاسي لان طفل ومراح يفيد معاه العقاب وايد تقدرين تحرمينه من لعبه يحبها مثلا او تسوين زاويه عقاب كل ما اخطأ الولد او صارخ يروح يجلس في الزاويه برووووحه وما تكلمينه وتقولين له انك زعلانه عليه تخلينه بروحه بالزاويه 10 دقايق وبعدها تنادينه وتبينين له الغلط اللي سواه وانه المفروض يعتذر من امه وان شاء الله تنفع هذي الطريقه بس كوني حازمه معاه في الجلوس بالزاويه اول الايام يمكن يتحرك ويقوم لازم تردينه وتبينين له الغلط والله يكون في عونك .. وسامحيني طولت عليك بس مجرد راي يمكن ينفعك :29:

اشكرك Nweerh علي ردك ولكن انا ولدي عمره فقط سنه وشهرين يعني ما راح يفهم كلامي ولا اني اطلب منه انه يجلس او اي شي
بالنسبة لاهتمامي هو ولدي الوحيد وماعندي غيره وطوال اليوم قبلات واحضان ولعب يعني اخر دلع ايش اسوي اكثر

اسفه ما انتبهت على عمره .. تقدرين عاد يكون عقابه بضربه بسيطه على اليد تبينين فيه غلطه وكلميه انه هذا غلط صدقيني راح يفهم انك زعلانه عليه والله يهديه ويصلحه ويجعله من الذريه الصالحه

اختي سنه وشهرين شراح يسوي شي غلط

لا تعقديه من هالعمر الصغير
شراح ينطبع بذاكرته غير وجه امه و هي معصبه و تنهره


احتمال ابنك محتاج تنظيم وقت
ترجعين من العمل و وراكي التنظيف و البيت و الاكل و غسل الملابس
و مقيده بالوقت و ما تلاحظين انك منشغله عنه

احتمال يكون جوعان او نعسان

احيانا الذهاب بالطفل من الصباح الباكر للحضانه مرهق له و البقاء في مكان غير معتاد عليه
او اللعب الكثير ايضا مرهق له
مع اطفال كثيرين ووجوه كثيره
هذا كله مرهق للطفل

لو ممكن تداومين يومين ثلاثه بالاسبوع
او لفتره قليله حتى ما يتعب الى ان يدخل للروضه
لانه بعده صغير سنه و شهرين
الله يخليه و يصلحه وتفرحين بيه
ويرزق كل محروم

اذا كان ما يحكي لسه فهو يطلع الشحنات اللي في نفسه عن طريق الصراخ ... الصراخ شي عادي للاطفال في هالسن ...


خصوصا اللي ما يحكون ... وشلون تبينه يعبر عن اللي في نفسه وهو ما يتكلم فما يعبر الا عن طريق الضحك او الصراخ ...


انتي حاولي تتجاهلينه ... علشان ما يستمر على هالعادة المزعجة .... ولمن ينطلق لسانه ويبدى يعبر عن اللي في قلبه تروح هالأزمة ...


اتمنى اني افدتك بمعلوماتي المتواضعة

الله يبارك لكم علي الرد
مالك عالمي والله كلامك زين اكيد فعلا يعبر عن نفسه بالصراخ يارب ينطق ويخلصنا لاني كل يوم لازم قرصين بنادول من صراخه الله يخليه لي :15: