|
المراهقه وموضة الحب !
السلام عليكم ورحمة الله وبركاته...
في موضوع ودي اناقشه معاكم .. الموضوع ومافيه ان هالزمن كل واحد ما عدّى ال 17 سنه قام يحب وحالته حاله عندنا واحد من الأهل عمره تقريبا 16 سنه ..ويبي يناقشني بموضوع قتله شو؟ قال الصراحه انا احب فلانه بنت فلان ..يقول اونه انا ما نجحت هالسنه بسبتها من كثر ما افكر فيها...في كل وقت وكل مكان اتي في بالي..قتله يا فلان لاتسوي هالشي لأن فتره وبتعدي يعني حاول تشغل نفسك بشي ينفع ونفس الوقت تنسى..يقول انسى عمري وما انساها.......عشان ما اطول عليكم...قولو ا لي شو الحل؟ شو اقول حق هالولد عشان ينسى ولا ما يفكر في هالشي؟؟؟ مليت والله من سالفته :( يحب حب مب طبيعي وفوق هذا عمره 16 وعندي بنت عمتي...عمرها تقريبا 15 سنه ...هي من النوع اللي ترتاح لي وتشكي همها لي ...وشي طيب ان هالسن تعترف بشي..عشان ممكن انصحها...المهم قالت انها تحب ولد عمتي الثاني..يعني يصير ولد خالتها...وهو عمره 24 سنه..وميته عليه وحالتها حاله..قتلها يا فلانه هذا حب مراهقه..لا تحطينه في بالج ..لأن باجر اذا تزوج غيرج ما تمرضين علينا...حاولي ما تفكرين في هالأمور ...يا جماعة الخير..انا والله تعبت من هالمراهقين ...ماعرف شو اقولهم انصحهم وماشي فايده! ممكن تعطوني نصيحه يقتنعون بها ؟ وجزاكم الله خيراااااا |
سبيهم يااختى دى فتره فى العمر وهاتعدى وهاتكون احلى لحظات مرت فى عمرهم بدام هم ناس محترمه ومتربين لاتخافى عليهم عمرهم ماهيعملو حاجه غلط
لكن حب المره فى الغالب بينتهى بسرعه:22: وبكره يفتكرو حكاياتهم ويضحكو عليها:d كلنا كنا زيهم :( |
الصحابي الجليل الأرقم بن أبي الأرقم الذي كان يتجمع المسلمون في بيته في بداية الدعوة كان عمره 15 عام
سيدنا اسامة بن زيد كان قائد جيش و عمره 18 سنة دلوقتي بس بنسميهم مراهقين اللفظ ده غلط أصلا اللي عنه 15 سنة ده يتسمي راجل و اللي عندها 14 سنة دي تتسمي أمرأة و الزواج عفة و أحصان لكل حي وبعدين الأهل لو زوجوا الأبناء في سن صغير و تحملوا معهم مسئولية بيوتهم أفضل من ان يتحملوا نزواتهم و أنحرافهم شكرا لكي |
المصريه هههه ^_^ اشكر ردج الجميل حبيبتي...عسى الله يهديهم بس
|
جويريه 22 ..صدقتي يا اختي...بس اول ايام الصحابه وين والحين وين يا حسره
اول نيتهم صافيه على طول زواج...الحين ما تضمنين هالحب شو بعده...بس يضيعون وقتهم ويشغلون بالهم الله يخلي الفضائيات والأغاني اللي تحرك المشاعر والعواطف عموما شاكره لج مرورج الطيب : ) |
السلام عليكم اختي الاخوات كفو و وفو و ما عليكي الاا ان تفهميهم وان هذا مجرد احساس وهمي و بمجرد من شاف غيرها ولا احلى منها راحت من بالو :d عليكي بتوعيتهم والله يعطيكي العافية تقبلي مروري |
هههههههههههههههه والله ضحكتني بقولك تعبت من هالمراهقين ..
يااخوي لاتسوي ولاشي لان مافي شي يقدر ينسيهم خذ مني كلام مجرب وسامع وشايف وفاهم بعد علشان كذا هم باعتبار انهم بيفضفضو لك ولاتشيل هم لان مابيدك شي صدقني هذا وجهي مابيدك اي شي لكن خليهم هم مع الزمن والايام بتمر ويصير لهم ظرف مع هالحبيب وينسوه ترا كل العالم تحب وتمر بهالتجارب فهي يعني شي شخصي ومابيطلع منه الواحد الا الايام هي اللي بتنسيهم حبايبهم تحيــــــاتي لك |
ddmm ههههه ان شالله اتمنى والله......وشكراا على المرور
حدائق الزيتون...هههههه شو اسوي والله صدق تعبت..هو صح مع الوقت بنسون..بس شو اقولهم في هاللحظه ماعرف شو ارد عليهم ..عموما شاكره لج مرورج الطيب |
هلا فيك اختي اميره الذوق
هذي المشكله غالبا كل المراهقين يمرون فيها !! فتره و تعدي ! وبعدين بيضحكون على نفسهم !! بس الي مو طبيعي انهم يخلون هالاشياء تأثر بحياتهم !!:21: انه الواحد يرسب !! خير وين قاعدين الولد صغييير !! ليش يضيع مستقبله !!والله مدري وش الحل !! لوكنت مكانك استشير طبيب نفسي لانه مرحله المراهقه شوي حساسه سوسو |
هلا اختي سوسو نورتي.....
الصراحه من ناحية طبيب نفساني انا مب مجبوره اسير واخذ موعد وحالتي حاله ^_^ ...انا متأكده انهم بينسون..بس تعبت وايد نصحتهم وماشي فايده...ماعرف اي نوع من المواهقه هاذيل... يعني مثلا لو قالي الولد انا احب فلانه شو اقوله؟؟؟ عطوني نصايح ولا كلام ينفع للمراهقين عموما اشكر مرورج الطيب والمشاركه الجميله.....والله يعطيج العافيه يارب |
| الساعة الآن 06:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©