|
آخر أخباري ..خيرني بين الرضا بواقعه وبين الطلاق ..إنا لله وإنا إليه راجعون
[grade="00008B FF6347 008000 4B0082"]السلام عليكم ورحمة الله وبركاته
اكيييييييييد بعضهم يقول.. اوووووووووف ...ما تفكنا ونرتاح من وجع الراس اسفة على الازعاج من خاف على رأسه فلا يكمل القراءة لكن اجزم ان هناك أناس يهمهم اخباري مع زوجي بل ويدعون لي فجزاهم الله كل خير وتقبل اعمالهم ثم اني إلى من اتكلم بعد الله إلا إليكم .. أخواني اليوم هو اليوم السابع أو الثامن من قطيعة زوجي لي ( اقصد في الكلام - والسلام - وحتى النظرة ) وانا في بداية هذه الايام سويت نفسي عاااااادية وعلى قولتهم (يا جبل ما يهزك ريح ) إلا ان خانني صبري قبل يومين فلم اعد ابتسم ... أو أتكلم ..بل استبدلتها بالهدوء والصمت والبكااااااء الشديد (علما بأني ابكي تقريبا كل يوم لكن اليومين الاخيرة ..ابكي اغلب وقتي ) اليوم الظهر ..صلى زوجي ثم دخل الغرفة لآن كمبوتره فيها وقال بعد سكوووت..بيننا احصي الفلوس اللي لك عشان بأسددك وافتك منك قلت له اي فلوس..انا ما ابي فلوس.. قال إلا فلوس اللي تقولين اني اخذتها. قلت له انا ما بديت بالسالفة وانا ما ابي منك شيء ولما اصر..قلت له انت تعرف المهر كم ما يحتاج (لانه باقي ما سدد مهري المؤجل ومكتوب في الورقة ..يسدد حين طلبها وأنا لم اطلبه ) المهم قلت له انا ما بي امنك إلا انك تعاملني بانسانية تعاملني معاملة بشر لبشر وليس بشر لصنم ابغى منك سلام و كلام وشوفة ما تكلفك ولا دقيقة قال ..بكيفي اسلم ولا ما اسلم والكلام وش اقول لك ..انتي ثرثارة وتحبي الكلام ..ووجهك وش ابي فيه (انا اعرفك ما يحتاج اطالع فيك) قلت له ..الحين تسميني ثرثارة وانت اصلا ما تسمح لي بالكلام معك ولا حتى المناقشة بل وكثييييييرا اسولف..وانت في وادي ثاني او انك تقوم وانا باقي اسولف..ثم اني ما طالبتك بالرد انا ابغاااااااك تسمعني بس.. وتحسسني اني معك بالبيت ..تحسسني ان في فرق بيني وبين الجدار وبعد طال النقاش قليلا (وطول الفترة ما كان اصلا يطالع في وجهي كان يغطي على وجهه وعيونه ) قال لي انتي ..طلباااااااااتك كثيرة صعقققققققققققققققت..قلت له حراااااااام عليك ,,,انا ...أنا ..غلا ..طلباتي كثيرة طيب قول لي..وش هالطلبات.. انا لي ثلاث اعياد ما شريت ملابس عيد ولما شريت المرة هذه سويت لي سالفة .. واقسمت بالله له اني لا اطلبه سوى مقاضي البيت ومقاضي البيت قليلة جدا جدا وانا اصلا مقتصدة قلت له قل لي وش هي الطلبات اللي ازعجتك قال ما ادري.. بس اني كل شوي تغثيني بسالفة العلاج قلت له حرام عليك ..لي ثلاث سنوات اتعالج في المستشفى الحكومي اللي يومهم بسنة لو انت صادق كان قلت لك نتعالج في خاص ونسرع بالمواعيد قال وش اسوي لك..يعني غصب تبغين نجيب عيال قلت له انا ما قلت غصب ...احنا نسعى لهم ونتعالج قال الله اللي يجيبهم مو العلاج..قلت عارفة ولكن نسعى سعي والله لن يضيعنا (وهو عموما حتى الدعاااااااء لا يدعي ان الله يرزقنا الذرية ) المهم قلت له انا ما ابي طلعاااااااااات خلاص ولا ابي شي كبير ما طلبتك ذهب زي حريم الدنيا ..ما طلبت نغير اثاثنا هذا اللي له ثلاث عشرة سنة ما غيرناه ومستعمل كمان..ما طلبتك شيء صعب انا بغيت منك حاجة..انك تحسن معاملتي وتعاملني معاملة بشرية معاملة المسلم لآخيييييييييييييييه المسلم وقلت له ..انا كل يوووووووووم ابكي ..انت ما فكرت فيني ولا في اللي جواتي قال ..الله اكبر..وش فيك..قلت له انا احس اني مكبووووتة احس بالقهر اريد ان احس ان معي انسان في ابيت قااااااااااااااااااااال ..منتي ملزمة تعيشي معي نفتررررررررررررررررررق و خلي يجي وااااااااااحد يعطيك حقوقك:29: قلت له حراااااااااام عليك ..هانت عليك ال 13 سنة قال اي وش يها 13 سنة بالطقاااااق محنا اول اثنين يتزوجون ويطلقون انا ما اقدر اجيب عيال ولا اعطيك حقوقك على قولتك وش تبي فيني خلاص كل منا يروح لحال سبيله قلت له حراااام عليك العيال بيجيبهم الله ..بس عاشرني بالمعروف (وعاشروهن بالمعروف ) ذكرته بهذه الاية انا ابغى اعيش معك بقية حياتي .. انا مو متصورة نفسي اعيش مع واحد غيرك قال لا ..بتصورين وبتقدرين..انتي منتي تبغي حقوقك وتبغي عيال خلاص .. قلت له..تدري لو طلقتني ظلممممممم وانا في هذا السن وليس عندي عيال يعني صفر اليدين..فصعب اني اسامحك قال اي ظلم..وذكرته بالحديث بما معناه (اتقو الله في الضعيفين المرأة واليتيم ) قلت له..المرأة مهما بلغ جبروتها فهي ضعيفة امام الرجل لآن الله كرم الرجل بالقوامة (طبعا هي تكليفية وليست تفضيلية ) وقلت له ..انا يتيمة واخواني ما رح يقصروا معاي بس انا ابي اعيش حياة كريمة فيها زوج يحسسني اني بشر واني ادمية المهم طال النقااش لكنه في كل مررة يكرر ..بعطيك فلوسك ومهرك ونا في كل مرة اقول له..انا مابي فلوس انا ابيك انت..تتحسن معي اخر شيء خيرني بي الرضا بوضعه وبين الطلاق طبعا وضعه يعني اقصد انه لا يتكلم معي لا نطل سوى (على فكرة لما قلت له ..احنا من حقنا نطفش ونمل ما نطلع ..الدنيا عيد وما تحركنا من البيت ) قال انا ما عندي اعياااااااااااد قال اذا تبغين بوديك هنا عند زميلاتك تروحي تثرثري معهم قلت لا ..في قلبي مكااااان ما يملاه إلا انت وطاال النقاش العقيم اللي اخرته خيرني بين الرضا بواقعه المر وبين الطلاق ووالله لا يجيب الطلاق حسبي الله لا إله إلا هو عليه توكلت وهو رب العرش العظيم ساااااااااااااامحوني و لا تنسوووووووووونا من دعواتكم [/grade] |
الله يفرج همك ويهدي لك زوجك ويصلحه ويخليه تاج فوق رأسك تفتخرين به ويجمع بينكما بخير ويرزقكم الذرية الصالحة...امييين
طبعا يهمنا امرك حبيبتي فلا تشكين ابدا بهذا والله معك وحاولي تتقربين الى الله بالدعاء والأستغفار فالله القادر على كل شيء |
لا حول ولا قوة إلا بالله ..
وش هذي التطورات اللي تغث .. الله يهديه ويصلحه .. سامحيني قلبي ماعندي اقتراحات غير دعائي لك .. كدرتي خاطري عليك .. |
يااختي يا غلا والله كثير كثير افكر فيكي الله يفرج همك ويرزقك الذرية الصالحة و يحنن قلبه عليكي ويختار لك الافضل يا رب يا كريم الله يفرج همك ويرزقك الذرية الصالحة و يحنن قلبه عليكي ويختار لك الافضل يا رب يا كريم الله يفرج همك ويرزقك الذرية الصالحة و يحنن قلبه عليكي ويختار لك الافضل يا رب يا كريم |
لا حول ولاقوه الا بالله
والله زعلت عشانك اصبري حبيبتي ........عسى الله ان يجازيك خير ويعوضك ..... اسأل الله العظيم ان يمنحك درجه الصابرين الذين يوفون اجورهم من غير حساب..... الله معاك ويعينك اختك دوووووووووت |
أسأل الله العلى لعظيم رب العرش العظيم أن يقدر لك لخير
سبحان الله يا اختى غلا يمكن سعادتك ولخير ليكى مش معاه الله يكون فى عونك كل ده مستحملة وسكاته ويبقى ده رد فعله حسبنا االله ونعم االوكيل |
ليش ما تستخيرن اذا الطلاق خير لج او شر؟؟؟ الله يفرج همج
و يهدي زوجج و يصلحه |
أنا لا أتصور انسان يستطيع ان يظلم بهذه الصورة لكن كوني كبيرة كما انت تمتلكين روح جميلة في الحفاظ على هذا الرابط المقدس ، كان الله معك وفرج كربك وسأدعوا لك في ظهر الغيب ان الله يبدل حياتك ويرزقك بالأولاد الذين يملؤون حياتك جمالا وحيوية اللهم آمين .
خالد الأماكن |
لا حول و لا قوة الا بالله العلي العظيم
حبيبتي و الله قطعت قلبي حبيبتي المراة دائما و أبدا لا يريح قلبها الا تواجد زوجها بجانبها أنا لا أوصيك بالطلاق لكن اوصيك بالصبر و جزاؤك عند الله أعظك " ان الله يحب الصابرين " اختي الغالية اوصيك بالدعاء و كثرة الاستغفار و الدعاء لزوجك بالهداية حاولي انك لا تناقشيه في الموضوع هذه الايام حتى يهدأ و ربك كريم حاولي تعامليه بالحسنى و انا متاكدة انك ما راح تقصري اعرف انه صعب المراس و مشكل عدم قدرته على الانجاب تكدر حياته لان بعض الرجال و اقول اغلبهم عندما يكون عاجزا عن الانجاب يحسبها نقص في الرجولة و هي ليست كذلك فليس هناك رابط بين الرجولة و الانجاب فالرجولة مواقف و مبادئ حبيبتي انا اعرف انه العيش معه يستوجب جبالا من الصبر لكني لا ارضى لك الطلاق لاني اضع نفسي مكانك احب زوجي و لا استطيع ان اعيش بدونه و ان اعيش مع غيره لذلك حبيبتي ان كنت فعلا تحبينه لدرجة انه ممكن تضحي بالاطفال فحاولي ذلك و اتركي كل شئ بيد الله فربك رب المعجزات ممكت اختي انه مع الزمن يتغير حسسيه انه كل شئ في حياتك وان امره يهمك اكثر من الانجاب حبيبتي اعرف اني أطلت عليك لكن ان بدات اتكلم لن اسكت حتى الصباح حبيبتي ربي يحنن زوجك عليك يا رب يزرع في قلبه الحب لك و الحنان و المودة يا رب يهديه يا رب و ربك كريم قولي يا رب حبيبتي قلبي معك و الله وجعني الذي صار معك لكن الخير في المستقبل |
الاخت الفاضلةو غلا
لاحول ولا قوة الا بالله تعرفين أنه في الموضوع جانب أيجابي أنا من قرأت موضوعك يوم العيد استنتجت أن زوجك يعاني من مشكلة نفسية بسبب الاولاد. أختي واضح لي جدا أن زوجك يحبك جدا وهذا ما هو من باب المواساة لكنه رأيي بصراحة وكل ما في الامر أنه ما يبي يعذبك معاه أكثر ويحرمك من العيال، ويظن أنه بطلاقه لك يحل مشكلتك أو على الاقل جزء كبير من مشكلته وهو الشعور بالذنب تجاهك أختي فهمت أن زوجك -اسمحي لي - عقليته قديمة شوي لهذا يرفض العلاج والمشكلة أن اصرارك عليه يذكره بالمشكلة باستمرار ويربط بينك وبينها بحيث كل ما شافك يتذكر مشكلته ويثور لذا هو يحرص أنه ما يطالعك طيب والحل؟؟؟ الحل يا أختي الكريمة والعلم عند الله أنك تسحبي رجله شوي شوي وتوهميه أنك رايحة للطبيب لموعد لك أنت وتتفقي مسبقا مع الدكتورة مثلا أنها تكلمه في الموضوع وأنه بسيط جدا وأنها عالجت الكثير من الحالات المشابهة وأن علاجك أنت لا يتم الا بمساعدته وهكذا حتى تخففي عن نفسيته ثقل الموضوع بدون ما تفهميه أنك أنت سبب المشكلة لا يقوم يشوف نفسه ويطلع قهر السنين اللي طافت كلها عليك. اذا كان أحد من أهله قريب عليكم ممكن يبحث عن شخص مر بمثل معاناتكم ورزقه الله -وهم كثر- ويعرفه عليه بشكل عرضي ويفتح الموضوع معه اختي أتمنى أن اكون فتحت لك باب لأني أعلم أنك بحنكتك وحكمتك أقدر مني على تجاوز هذه المشكلة واسأل الله العظيم رب العرش العظيم أنه يهدي بال زوجك ويرزقك 10 من البنين والبنات آمييين |
| الساعة الآن 08:20 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©