|
هل الفتاة الثرية متعبة
السلام عليكم و رحمة الله و بر كاته ..
حبيت افتح معاكم موضوع للنقاش ... و الهدف الفائدة للجميع ... اخواني امس كنت استمع لقناة الام بي سي و كان في سؤال : هل الفتاة اللي وضعها المادي ممتاز في بيت والدها متعبة بعد الزواج ؟ بمعنى انه لو مثلا انت انسان وضعك المادي عادي و تقدمت لخطبة انسانة تعشقها و لكن مستواها المادي اعلى من مستواك و انها بنت يعني ترفهت من جميع النواحي من سفر و لبس الخ الخ ... هل هذه الفتاة ممكن تكون متعبة بعد الزواج ؟ و كيف الواحد يعرف انها غير متعبة و غير مادية ؟؟؟ موضوع اطرحه للنقاش .... و ان شاء الله ما يكون مكرر و لو كان مكرر يا ليت تزودوني بالروابط عشان استفيد ... شكرا لكم |
اختي verylovely حقيقة موضوع حلو جدا ومن تجربة راح اجاوبك في بداية الزواج يكون الوضع متعب بسبب ان الطرفين ماتعودوا على الفرق، للبنت الوضع لايطاق وللرجل كذلك البنت اذا حبت تشتري شي تعمل الف حساب للايجار والجوال و..... والرجال قبل الزواج كان يستلم راتبة كامل وكله له ومحد يأخذ منه ريال الا بمزاجه واللحين يصرف على زوجه وماهي اي زوجه زوجه تعودت على الصرف لما كانت في بيت ابوها والنقطة الاهم دائما اذا الله سبحانه وتعالى جعل بين الزوجين المودة والمحبة وكانت البنت على قدر من التربية الصالحة صدقيني انه ماراح يكون فيه مشكلة الا في اول الزواج ومعروف ان اول الزواج كله تضارب في الرغبات والعادات الى ان يصلح الله الحال اذا اتفقوا ماراح يواجهون مشاكل يحددون هدفهم ويتحدون علشان يحققونه فلوسهم ووقتهم وكل شي لهم من اجل مستقبلهم ومستقبل اولادهم اتمنى اني قدرت اوصل تجربتي بشكل واضح دمتي بحفظ الرحمن اخوك هلال العالم |
صراحة ماهو شرط تكون اي بنت ثرية متعبة لزوجها
فيه كذا وفيه كذا حسب تربيتها وفهمها لمفهوم الزواج وان الوحده في بيتها شيء وفي بيت اهلها شيء وعلى فكرة فيه بنات فقر لاتزوجوا طلعوا قرون لازواجهم لانهم ماشافوا خير في بيت اهاليهم تجيء تبغى تعوض كل شيء على ظهر زوجها |
اقتباس:
هذا الكلام ولا بلااااااااااااااااااااش ......:22: :22: آخر نقطة والله أنها صحيحة بجميع المقاييس .... الله يبعد عنا المشافيح اللي مو شايفين خير ......:26: :26: دمتم بود |
من ناحية متعبه متعبه آذ1 كان وضعك آقل من وضعها المادي
لكن بنفس الوقت .. قـل يمكن انها تاقف معك في لوازمها ولوازم بيتها وتكون زوجه خيرهـ ومباركةِ لك بآلتوفيـق يآرب ...000... |
الله يستر انا شايله هم هالموضوع والحمدلله اهلي مو مقصرين علي بشي كوني البنت الوحيده بس دايماا ابوي يقولي بعد الزواج تعرفين قيمتي 00000000000
بس انا من رايي والله لو الرجال يستاهل وطيب بالحيل ارضى اعيش لو بعشه ؟؟؟؟؟؟؟؟؟؟ الله يرزقني بواحد يدلللني ياااااااااارب وتقبلوا مروري |
إذا لم تكن متفهمه لوضع زوجها وحالته المادية
فسوف تحيل حياته إلى جحيم |
السلام عليكم ورحمة الله تعالى وبركاته,
كونها ثرية...والله ميزة حلوه لان الرسول صلى الله عليه وسلم يقول "تنكح المرأه لأربع مالها وحسبها وجماله ودينها فاظفر بذات الدين تربت يداك" فالحديث يوضح من دواعي زواج المراة لما تكون ذات مال لانها اكيد بتشل حمل عن زوجها مع انه ملزم النفقه عليها...ويا حلاتها لما بكون بينهم تفاهم والحرمة على كيفها في فلوسها تشتري الي تباه لكن ما تكسر ظهر الرجال اذا كانت حالته مش لين هناك. نقطة ثانية بعض الرجال ممكن يضايق لما ما يشوف زوجته تطلب منه وهي قايمه بنفسها فيحس بقهر ليش ما يقدر هو يلبي لها طلبها وهنا تبدا الحساسية بين الزوجين |
فيه مثل يقول خذ المدلله ولا تاخذ معلله ...
بالعكس البنت اللي تعودت على الرفاهيه تكون اكثر تحمل لمصاعب الحياة، عندها استعداد انها توقف مع زوجها يمكن يختلف معي البعض بس هذا الوضع في الاغلب تعيش فيه المرفهات .. وبعضهم لا والله ما عليها منه الزم ما عندها طلباتها تنفذ وهذا كله يرجع في الاول والاخير على تربية الاهل |
شوف البنات نوعيات
سواء كانت ..ثريه ام فقيره مرفهه او غير مرفهه ببيت اهلها احس الشخصيه تلعب دور بس مايمنع ,انه يمكن بدون مايحس الزوج البنت تتعذب داخليا وتحس بالقله خصوصا باول ايام. انا هذا الشي حصلي اول زواجي ولله الحمد الوالد كان مرفهني من جميع النواحي وتزوجت والزوج ماكان فقير لا والله بس انه اقل يعني عادي والله تعبت ببدايه الزواج خصوصا اني كنت اسكت مااتكلم واحس بالنقص بصراحه شعور مو حلو ,بس مع الوقت تكلمت ورتبنا امورنا انا وزوجي وطبعا ماارهقته ولا ارهقني الكل تفهم للثاني دون ايه ضغوط ويسلمو عالموضوع الحلو بصراحه. |
| الساعة الآن 03:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©