مشكلتي واهل زوجي
 

المشكلة إني بنت صراحه ماخبي شي عنهم وعلى نياتي بس الصاعقه الكبرى
إن بنتهم انخطبت وهم جاحدين وتملكت وهم جاحدين
بس انا دريت من زوجي الطيوب ويقول لاتقولين إني قلتلك

المشكله هي
الله يعين انواع تقفيل الابواب بوجهي حتى ما أدري عن شي
وانا ضايق صدري في يوم الزواج وش راح يسير هل راح اسلم او بعد ممنوع . وصراحه انا ماسويت شي لهم
يعني الله يعين على الفشله يوم العرس
استشيركم هل ابلغ زوجي عن مشكلتي ام ماذا ؟
مع العلم ان زوجي ماحب اضايقه

فكروا وابغى حل يرضي الرحمن ثم زوجي الغالي وشكرا........:17

اختي يا ريت توضحي اكثر المشكلة

ما فهمت يعني كيف تسلمين ليلة الزواج او ممنوع ؟؟؟

تحياتي

أهم شئ لا تسكنين عندهم بعد الزواج.. ودوم لا تدخلين زوجك في مشاكلك مع أهله لأن بيعتبرها ظلم منك لأهله لأنك غريبه وأهله أهمه أهله ولن يرضاها
فقط حاولي إن تكسبيهم.. لكل إنسان باب يدخل منه وستقدرين بتوفيق من الله أن تكسبيهم.. لأنهم يحسون إنك سرقتي إبنهم منهم

وضحي اكثر عشان نقدر انساعد ...

المشكله إني متزوجه لي 3 سنوات
وصراحه انا عندهم تقريبا ساكنه وفي شهر 11 بنتهم ((عمتنا )) بتتزوج المشكله الفشيله من الناس انهم اكيد راح يصكرون الباب على بنتهم ويدخلون اقاربهم على العروس وانا لا
انا مهتمه من الفشيله صراحه مهتمه مررره
يوم العرس وخصوصا انه عائلي يعني في البيت

ما ادري ليه مكبره الموضوع

اتركي الفضول الزايد
واذا نادوك للسلام سلمي او لو ما ينادونك احسن لك

هي بنتهم وهم احرار في تحديد منهم المقربين
وبعض العوائل تتحسس من زوجات الابناء ولهم أسبابهم (يمكن نشر اخبار عائلية)

وش لك بوجع الراس

اتمنى ما تفهمين قصدي بانك غلطانه
لكن الموضوع ما يستاهل انك تعتبريه مشكلة

يا ذبحني الحب
ليش فهمتي انه فضول زايد والله ليس كذلك بس انتي تعرفين الحق والواجب
وبعدين كل اللي عندي يعرفونه
وساكنه عندهم
يعني وش راح يقولون الناس عني إذا شافوا تطنيشهم لي
وانتي تكلمتي كذا لانك ماجربتي الحموله

الله يوفقك ياقلبي قد مريت بنفس هالموقف بس عادي ماشلت همه جيت زيي زي الغريب بس عمتي جيتها وخبرتها لو محتاجه مساعدتي بس تأشر لي وابشرك بعد لا نادوني اسلم ولا شيء ماغير طبع البيبان في وجيه خلق الله وبعدين ترى اريح لك يعني حتى هم الهديه ترتاحين منه :) الله يوفقك وييسر لك امرك . . دمتي بأفضل حال