سؤال للمطلقات ارجو كم حل مشكلتي يمكن احصله عندكم
 

انا طلقت زوجتي بعد عشر سنوات زواج وعندي اطفال
السالفة كنت احبها بس هي كانت تعذبني بغيرتها القاتلة شكوكها المهينه والمذلة لي قوتها وعنادها (يعني شخصيتها رجولية) وعنيدة بأختصار هي فيها صفات حلوة وصفات كريهه
كانت المشاكل بينا كثيره بس كانت بيني وبينها بس وانا متحملها علشان الاطفال وعشان العشرة اللي بينا
بس بيوم اتهمتني اني ناوي اتزوج عليها واطعنها وانها عندها ادلة وانها مراقبتني وتجسس علي وتبغاني اعترف ان شكوكها صحيحة ويوم نفيت شكوكها كذبتني (صدقوني هي تجرحني بتكذيبها بس عادي انا متعود) لكن الطامة الكبرى طلعت من بيتي وراحت عند اهلها (هذي الشيء عجزت اتحمله) تخرج من بيتي وتفضحني عند الناس هذا شيء كبير والله ما اتحمله. (يابنات والله العظيم اقولها بقلب صادق اكبر طعنة لكرامة الرجل هي الخروج من بيته وفضحه عند الناس)
بعدها اخذتني عزتي ورجولتي لاماكن بعيدة يعني انا تركتها عند اهلها فترة ما اكلمها كرامتي ما تسمح لي (الصحيح كرهتها لسواتها فيني)
بعدين تطور الامر وبدأت تتصل فيني وتعتذر وتبغاني ارجعها بس انا رفضت علشان تتربى اكثر وعلشان ما تسويها ثانية(وبصراحة احس طعنتها فيني لليوم عجزت انسى سواتها الكريهة)
جلست فترة معلقها (لا احد يقول حرام عليك لاني انا متعلق مثلها وما فكرت بالزواج عليها رغم والله العظيم انه جاني ناس اعطوني خواتهم بنات ابكار ويقولون لي والله انهم شاريني)
انا انسان متعلم دراسات عليا وعندي منصب راقي ومعروف عند الناس انا وهلي بسمعة مثل الذهب والحمدلله.
وجلسنا سنتين على هالحال. انا مارجعتها بسبب انها اول ثلاث شهور من مشكلتنا كانت تعتذر وتبغاني ارجعها وكان كلامها فيه الندم(بس انا اعرفها زين دائم تسبب لي المشاكل قبل ولما ازعل عليها تجي وتعتذر وتبدء بالوعود انها ما راح تكرر هالمشكلة مرة ثانية ويوم اسامحها اليوم بكرا تنقلب مثل ما كانت مشاكل وغيرة وبلاوي توجع فيها راسي والله هذي مو حياة) وبعد ثلاث شهور من اعتذارها ماشافت مني مسامحة مثل اول لان الجرح اليوم كبير ويختلف عن جروحها لي قبل( اليوم فيها كرامة وفضايح) ما اطول عليكم هجرتني وهجرتها مدة سنة وتسع شهور وبعدين طلبت مني الطلاق وانا وافقت وطلقتها(انا شفت انها ماراح تجي على مرادي)
بعدها انا بشهرين تزوجت من بنت بكر عمرها عشرين والحمدلله انا متهني (والله الحريم يختلفن عن بعض كثير)
انا افكر بعيالي كثير وعجزت اتحمل بعدهم وشتاتهم عندها وساعات افكر اخذهم بس اقول حرام امهم محتاجتهم وهم محتاجينها. بعدين فكرت ارجعها بس هي رفضت ( ولسان حالها يقول انا طلعت من بيتي اول بسبب شكوك انه راح يتزوج واليوم هو متزوج)
سؤالي للمطلقات كيف اقنعها بالرجوع بعد كل اللي صار علشان الاولااد وعلشانها هي بعد؟
لو كنتم مكانها تعتقدون اني اقدر ارجعها بعد ما تزوجت؟
ارجو الاجابة وعدم اهمال سؤالي ارجوكم فيه امل منها او لا.....

اخوي ما يهزك اشكرك على تفاعلك معي والله يعين.
المشكله انها ما تسمع لاهلها هي دائم صاحبة القرار وما احد مسموح له يدخل حتى ابوها وامها. البنت عندها صفات رجولية ما احد يقدر عليها الا اذا هي اقتنعت من نفسها

طيب اخي الكريم

ما رايك ان تحاول وان تعزم على الله وتاخذ موعد وتذهب في المصالحه والتفاهم على راي سوي..

وفي هذا اجعل القاء يكون لصالح الاطفال اي انك تتفاهم معها وبخصوص الاطفال تبني العوده..

اخي جرب ان تذهب الى زياره والمفاتحه في الموضوع وهو عباره عن مناقشه فقط في الموضوع المتحتم عليك..

ليس الامور الاخرى او الماضيه انما حاول ان تصفي ذهنك للطفال..
اخي جرب حظك في موعد ولعلم اهلها.. ما رايك

لي عوده

ابي اقولك شي اخي

والله ان وقفت بوجهها ووريتها العين الحمرا اقسم بالله تحس انها مثل البسه قدامك والله الحرمه اذا شافت الرجال طيب تتمادى واذا شافته قوي والله انها تخاف ومهما كانت تحس انها قويه قدامك والله اذا وريتها العين الحمرا وصرت شديد معها تخاف وتذل << سامحني على هالأسلوب لأني مره متحمسه خخخخ

وزوجتك غيوره وماغارت عليك الا انها تحبك وتموت فيك ومن حبها لك كانت تخاف انها تجي وحده وتاخذك منها (هذا كان تفكيره وتفكير كل الحريم) وماألومها

وصدقني اذا كلمتها ان شاء الله ماراح ترفض لأنها اكيد تفكر بالأولاد وتفكر كيف يعيشون وهم بعيدين عن ابوهم ، وحاوول مره ومرتين وثلاث الين ماترضا حتى لو مارضت على الأقل مو علشانها عشان عيالك

واذا سمحت لي ابي اقولك سالفة بنت عمي

بنت عمي ماتزوجت الا وعمرها تقريباً تسعه وعشرين وكان زوجها متزوج وحده يحبها ويموت فيها لدرجة انها اذا كانت طالعه لعزيمه او اي مكان يروح ويعشي عياله ويلبسهم بجاماتهم وينومهم واذا دخلت ياخذ عبايتها منها ويصفطها وكانت مره غيوره وتحبه وتغار عليه وطفش هو من غيرته وجا يوم من الأيام كانو يتناقشون بموضوع الغيره ومالغيره وقالتله اتحداك تتزوج علي وقالها تتحديني؟؟ قالت اتحداك <<< حريم والله انهن جريئات

وتزوج عليها بنت عمي وزوجته الأولى على طول زعلت وخذت عيالها وراحت بيت اهلها وكانت تطلب الطلاق وجلست فتره طويله وهي زعلانه وهو يحاول يرجعها بس هي رافضه وهو يقول لها انا احبك ومستحيل اطلقك
وبعد زواج بنت عمي بفتره حملت وجابت ولد وفكرت الأولى الى متى وهي على هالحال وفكرت في عياله ورجعت
وبعد مارجعت الأولى كره بنت عمي ولدرجة انه يضربها واذا طلبت منه مقاضي للبيت يرفض ويقول مو لازم تاكلين وكان يطنشها ولا يسير عليها بعد مارجعت له الأولى مع انهم كانو في بيت واحد الأولى فوق وبنت عمي تحت وتخيل بنت عمي مايفكر انه يشوفها الا بالأسبوع مرتين وبس يجي يشوف وش اخبار الولد ويتهاوش معها ويرقى فوق وطفشت وعلى طول طلبت الطلاق وهو ماصدق خبر وطلقها

فاأنا اول ماقريت قصتك على طول تذكرت سالفة بنت عمي وصدقني المره ماله الا بيت زوجها ابو عيالها ودعاوتي لك ان شاء الله يلين قلبها وترجع مثل اول واحسن وعسى الله يجمع ويلم شملكم

مشكور والله عباطه مع ان اسمك صراحة يحتاج انك تغيرينه.
انا صراحة لو الله وفقني ورجعتها راح اكون عادل بينهم بكل شئ هذا كلام ما فيه لعب ولا تنازل. حرام الظلم والله وعد الرجل الغير عادل بالوعيد وانه يجيء يوم القيامة وشقه مائل. انا ارجو من الله انه يسر امري معها بارجوع اولا ثم بالعدل معهن ثانيا. ادعولي يالتوفيق.
وللمعلومية للجميع انا ما كنت يوم من الايام افكر انه يكون عندي زوجتين ولا احب بس يمكن ظروفي تكون اقوى واكون من اصحاب التعدد والله يعين اذا كان هذا نصيبي

سبحان الله
صدق من قال ( اللي يخاف من الغول يطلع له ))
هي ظنت إنها بالغيرة والمشاكل والخصام تحافظ عليك وتمنعك من الزواج الثاني
وحصل عكس مرادها .. طلاقها .. الله المستعان .. والشئ اللي كانت تخاف منه حصل ..
دخول زوجة جديدة في حياتك ..

صدقني هي ما زالت تحبك وتتمنى ترجع لك .. بس بدون الزوجة الأخرى ..
تتمنى تكون هي الوحيدة في قلبك و حياتك ..
لكن إيش ذنب الزوجة الثانية .. وخاصة إنك ماشاء الله سعيد معها ..

أول شئ استخير الله كثيييير في رجوعها ..
بعدها أرسل من يجس نبضها .. من يبلغها إنك تتمنى رجوعها لك لأنه ما زال لك رغبة فيها .. لا تقول عشان الأولاد .. لانها راح تعند اكثر وترفض ترجع .. حاول معها مره وإثنين وثلاثة ..

إن رجعت نعمة من الله .. وإن رفضت .. اطلب منها الأولاد بطيب خاطر .. إن وافقت الحمد لله .. وإن رفضت وكل امرك لله وجمد قلبك .. خذ الأولاد عندك كل خميس وجمعة وأيام الإجازات .. والحياة تمشي
والله يرزقك من الزوجة الأخرى ..

صدقني هي بتمر عليها اوقات تتمنى ترجع حتى بوجود الزوجة الأخرى ..

لكن هل هي من النوع المتعلق كثير بالأولاد ؟

قصتي قريبة من قصة زوجتك
خناقة وطلعت من البيت , لكن الفارق إنك تحب زوجتك , أنا ماكان يحبني بدليل طلاقي بعد أيام قليلة جدا من خروجي , وزواجه وأنا لازلت بالعدة , عموما الله يسعده ويعوضني باللي يحبني وأحبه (آمين)
وشخصيتي قريبة من شخصية زوجتك (عناد وقوة ) بس يمكن أخف شوي
لو طليقي قال لي برجعك بتردد , لأن وأنا لحالي معه الوضع كان نص ونص, طيب وفيه وحدة غيري , حاسة الوضع بيصير إكس بالنسبة لي والله أعلم
بس رجوعي له فيه مميزات أولا هو شخصية معروفة بالنسبة لي وفاهمته زين , وغير كذا هو أبو بنتي يعني بيصير يوم عيد لها وعيالي بيصيرون أشقاء , لكن ماأضمن أعيش معه حياة كريمة , عشان كذا احتمال أرفض خاصة وأن وضعي الحالي تأقلمت عليه وتعودت ..
وبالنسبة لبنتي يجي كل أسبوعين ياخذها , وبالعيد يأخذها , وبعض سفرياته يأخذها , وبصراحة جزاه الله ألف خير مراعيها ومراعي مشاعرها وتحمل مسؤولية انفصال أهلها فحاول بكل الطرق مايحرمها من أمها وأبوها




طيب أنت ممكن تتقدم لخطبتها الآن , رفضت تقدم لها مرة ثانية بعد ستة أشهر , رفضت , تقدم ثالثة بعد سنة ...وإن عيت كلش أنت خلهم عندها مادام ماعليهم خطر أخلاقي وأرسل مصروفهم وخذهم كل أسبوع أو أسبوعين , لأن لو أخذتهم من أمهم بتحرمهم وتحرمها منهم والأولاد مالهم غير أمهم , ممكن تأخذهم معك بالإجازة وتسافر فيهم توسع صدورهم ..

حاول مع اهلها وبالذات مع شخص متفهم وعاقل
حاول ولا تيأس صدقني ودها ترجع بس صدمة زواجك بصراحه كبيره ودائما خلي اولادك أهم شي لرجوعها
ورجائي في وسط هذه المشاكل لاتظلم الزوجه الثانيه
ولاتفرط في عيالك وامهم
والله يكتبلك الخير